Oseas 2:2

Ang Biblia 2011

“Hangyoa ang inyong inahan, hangyoa, kay siya dili akong asawa, ug ako dili iyang bana, aron biyaan niya ang iyang mga pagkamakihilawason gikan sa iyang nawong, ug ang iyang mga pagpanapaw gikan sa taliwala sa iyang dughan,

Cross References

Isaias 11:12

Siya magpatindog ug usa ka bandila alang sa mga nasod, ug magtigom sa hininginlan gikan sa Israel, ug tigomon ang nagkatibulaag sa Juda, gikan sa upat ka suok sa yuta.

Isaias 50:1

Mao kini ang giingon sa Ginoo, “Hain man ang sulat sa pakigbulag sa imong inahan, nga pinaagi niini siya akong gibiyaan? O kinsa sa akong mga gikautangan ang gibaligyaan nako kaninyo? Tan-awa, tungod sa inyong mga kasal-anan nabaligya kamo, ug tungod sa inyong mga paglapas gibiyaan ang inyong inahan.

Isaias 58:1

“Singgit ug kusog, ayaw pugngi, ipatugbaw ang imong tingog sama sa usa ka trumpeta; ipadayag ngadto sa akong katawhan ang ilang kalapasan, ngadto sa balay ni Jacob ang ilang kasal-anan.

Jeremias 19:3

Ikaw mag-ingon, ‘Pamatia ninyo ang pulong sa Ginoo, O mga hari sa Juda ug mga lumulupyo sa Jerusalem. Mao kini ang giingon sa Ginoo sa mga panon, ang Dios sa Israel: Ako magpadala ug kadaot niining dapita, aron ang mga dalunggan sa matag usa nga makadungog niini mogilok.

Jeremias 2:2

“Lakaw ug isangyaw diha sa pangdungog sa Jerusalem, Mao kini ang gisulti sa Ginoo: Ako nahinumdom sa pagkamatinud-anon sa imong pagkabatan-on, ang imong gugma ingon nga pangasaw-onon, giunsa nimo sa pagsunod kanako didto sa kamingawan, sa yuta nga wala matamni.

Jeremias 3:1

“Kon ang usa ka lalaki makigbulag sa iyang asawa ug kini mobiya kaniya ug mahimong asawa sa laing lalaki, mobalik ba siya niini? Dili ba kanang yutaa mahugaw pag-ayo? Ikaw nakighilawas uban sa daghang mga hinigugma; ug mobalik ba ikaw kanako? nag-ingon ang Ginoo.

Jeremias 3:13

Angkona lamang ang imong kasal-anan, nga ikaw misupil batok sa Ginoo nga imong Dios, ug nagsabwag sa imong mga pagpahimuot ngadto sa mga langyaw ilalom sa matag lunhawng kahoy, ug wala nimo pamatia ang akong tingog, nag-ingon ang Ginoo.

Jeremias 3:18

Nianang mga adlawa ang balay sa Juda mokuyog sa balay sa Israel ug silang duha mogula gikan sa yuta sa amihanan ngadto sa yuta nga akong gihatag sa inyong mga katigulangan ingon nga usa ka panulundon.

Ezequiel 16:20

Unya gikuha pa gayod nimo ang imong mga anak nga lalaki ug mga anak nga babaye, nga imong gipanganak alang kanako, ug kini imong gihalad kanila aron lamyon. Gamay ba lamang nga butang ang imong mga pagpakighilawas,

Ezequiel 16:25

Sa ulohan sa matag dalan, nagtukod ikaw ug habog nga dapit, ug gihimo nimong law-ay ang imong katahom ug nanghagad sa imong kaugalingon ngadto kang bisan kinsa nga nangagi, ug nagpadaghan sa imong mga pagpakighilawas.

Ezequiel 20:4

Hukman ba nimo sila, anak sa tawo, hukman ba nimo sila? Pahibaloa sila sa mga dulumtanan sa ilang katigulangan,

Ezequiel 23:43

“Unya miingon ako, Naluya na siya sa pagpanapaw, apan nagpadayon sila sa pagpakighilawas uban kaniya.

Ezequiel 23:45

Apan ang matarong nga mga tawo magpahamtang ug hukom kanila, sa hukom sa usa ka mananapaw nga babaye ug sa hukom sa mga babaye nga nag-ula ug dugo, tungod kay sila mananapaw nga mga babaye ug ang dugo anaa sa ilang mga kamot.”

Oseas 1:2

Sa unang higayon nga ang Ginoo misulti pinaagi kang Hosea, ang Ginoo miingon kang Hosea, “Lakaw, pangasawa ug usa ka babaye nga makihilawason ug pagbaton ug mga anak sa pagkamaluibon kay ang yuta nakasala sa dakong pagluib pinaagi sa pagbiya sa Ginoo.”

Oseas 2:1

Ingna ninyo ang inyong igsoong lalaki, “Ammi” ug ang inyong igsoong babaye, Ruhama.

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Oseas 4:5

Ikaw mahisukamod sa adlawan, ang propeta usab mahisukamod uban kanimo sa kagabhion, ug laglagon nako ang imong inahan.

Miqueas 2:13

Siya nga magbukas ug agianan mosaka una kanila; sila molapos ug moagi sa ganghaan ug mogula pinaagi niini. Ang ilang hari molabay sa ilang atubangan, ang Ginoo nga nangulo kanila.

2 Mga Taga-Corinto 5:16

Busa sukad karon dili na namo ilhon ang tawo sumala sa unod bisan pa kon kaniadto giila namo si Cristo sumala sa unod, karon wala na kami mag-ila kaniya sa ingon.