Oseas 2:16

Ang Biblia 2011

“Nianang adlawa, nag-ingon ang Ginoo, ikaw magtawag kanako nga, ‘Akong bana’ ug dili na magtawag kanako nga, ‘Akong Baal.’

Cross References

Genesis 34:3

Apan ang iyang kalag nadani kang Dina nga anak ni Jacob ug nahigugma siya sa dalaga, ug misulti nga malumo kaniya.

Isaias 40:2

Sulti nga malumo sa Jerusalem ug hilak ngadto kaniya, nga ang iyang panahon sa gubat natapos na, nga ang iyang kasal-anan gipasaylo na, nga siya nakadawat ug duha ka pilo gikan sa kamot sa Ginoo tungod sa tanan niyang mga sala.

Isaias 54:5

Kay ang imong Magbubuhat mao ang imong bana, si Yahweh sa mga panon mao ang iyang ngalan; ug ang Balaan sa Israel mao ang imong Manunubos, siya gitawag nga Dios sa tibuok nga yuta.

Jeremias 3:14

Balik kamo, O mga anak nga maluibon, nag-ingon ang Ginoo; kay ako mao ang inyong agalon; kuhaon ko kamo, usa gikan sa usa ka siyudad ug duha gikan ug sa usa ka panimalay ug dad-on ko kamo ngadto sa Zion.

Ezequiel 20:35

Ug dad-on kamo nako ngadto sa kamingawan sa mga katawhan, ug didto ako maghukom kaninyo sa nawong ug nawong.

Oseas 2:7

Gukdon niya ang iyang mga hinigugma apan dili siya makaapas kanila, ug siya mangita kanila apan dili makakita kanila. Unya siya moingon, ‘Molakaw ako ug mobalik sa una nakong bana kay maayo pa ako kaniadto kay sa karon.’

Juan 3:29

Ang nakabaton sa pangasaw-onon mao ang pamanhonon. Ang higala sa pamanhonon nga nagtindog ug namati kaniya nalipay pag-ayo tungod sa tingog sa pamanhonon busa kining akong kalipay hingpit na karon.

2 Mga Taga-Corinto 11:2

Kay ako mibati ug diosnong pagpangabubho alang kaninyo, kay kamo ako na man nga gikasaad nga maasawa ngadto sa usa ka bana aron mapaila nga putling ulay ngadto kang Cristo.

Gipadayag 19:7

Maglipay ug magsadya kita ug ihatag nato kaniya ang himaya, kay ang kasal sa Nating Karnero miabot na, ug ang iyang Pangasaw-onon nakaandam na sa iyang kaugalingon,

Mga Maghuhukom 19:3

Ug ang iyang bana milakaw ug miapas kaniya, aron makigsulti ug minaayo kaniya ug dad-on siya pagbalik. Uban kaniya ang iyang sulugoon ug duha ka asno. Ug miabot siya sa balay sa amahan sa babaye ug sa pagkakita kaniya sa amahan sa babaye nalipay siya sa pagsugat kaniya.

Ruth 2:13

Unya siya miingon, “Maluluy-on kaayo ikaw kanako, akong agalon, kay ikaw naglipay kanako ug misulti nga maluluy-on ngadto sa imong ulipon nga babaye, bisan pa ug dili ako usa sa imong mga sulugoon nga babaye.”