Oseas 2:13

Ang Biblia 2011

Silotan nako siya tungod sa mga adlaw sa mga Baal nga alang niini nagsunog siya ug insenso ug nagdayandayan sa iyang kaugalingon pinaagi sa iyang ariyos ug sa alahas ug miapas sa iyang mga hinigugma ug nalimot kanako, nag-ingon ang Ginoo.

Cross References

2 Mga Hari 1:2

Unya si Ahasias nahulog sa bintana sa iyang lawak sa itaas didto sa Samaria, ug nasakit siya. Busa nagpadala siya ug mga sinugo ug miingon kanila, “Lakaw ug pangutan-a si Baalsebub, ang dios sa Ekron, kon mamaayo ba ako niining sakita.”

2 Mga Hari 10:28

Sa ingon niini giwala ni Jehu ang pagsimba ni Baal diha sa Israel.

2 Mga Hari 21:3

Kay iyang gitukod pag-usab ang mga habog nga dapit nga gigun-ob ni Hesekias nga iyang amahan, ug nagpatindog siya ug mga halaran alang kang Baal ug naghimo siya ug usa ka Asera, sama sa gihimo ni Ahab nga hari sa Israel, ug nagsimba sa tanang mga panon sa langit ug nag-alagad kanila.

Job 8:13

Ingon usab niana ang mga dalan sa tanan nga nakalimot sa Dios; ang paglaom sa tawo nga walay Dios mahanaw.

Salmo 106:13

Apan dali silang nalimot sa iyang mga buhat; wala sila maghulat sa iyang tambag.

Salmo 106:21

Gikalimtan nila ang Dios nga ilang Manluluwas, nga nagbuhat ug mga dagkong butang didto sa Ehipto,

Salmo 78:11

Nakalimot sila sa iyang mga nabuhat ug sa iyang mga katingalahang buhat nga iyang gipakita kanila.

Exodo 32:34

Karon lakaw, dad-a kining katawhan ngadto sa dapit nga akong giingon kanimo. Ang akong anghel mag-una kanimo apan sa adlaw sa akong pagduaw, duawon nako ang ilang sala diha kanila.”

Isaias 17:10

Kay gikalimtan ninyo ang Dios sa inyong kaluwasan, ug wala hinumdomi ang Bato nga inyong dalangpanan; busa bisan nagtanom ikaw ug matahom nga mga tanom ug nagpahiluna ug mga sanga sa laing dios,

Isaias 65:7

sa ilang kasal-anan uban sa mga kasal-anan sa ilang katigulangan, nag-ingon ang Ginoo; tungod kay sila nga nagsunog ug insenso ibabaw sa kabukiran, ug nagpasipala kanako ibabaw sa kabungtoran, sukdon nako diha sa ilang sabakan ang bayad alang sa mga nabuhat sa una.”

Jeremias 11:13

Kay ang inyong mga dios nahimong sama kadaghan sa inyong mga siyudad, O Juda, ug sama kadaghan sa kadalanan sa Jerusalem ang mga halaran nga inyong gitukod ngadto sa kaulawan, mga halaran nga sunogan ug insenso alang kang Baal.

Jeremias 18:15

Apan ang akong katawhan nangalimot kanako, sila nagsunog ug insenso ngadto sa mga mini nga dios; sila nangapandol diha sa ilang mga agianan, sa mga karaang dalan, ug nangadto sa gagmayng mga dalan, dili sa dakong dalan,

Jeremias 2:32

Malimot ba ang usa ka ulay sa iyang mga dayandayan, o ang usa ka pangasaw-onon sa iyang bisti? Apan ang akong katawhan nalimot kanako sa mga adlaw nga dili maihap.

Jeremias 23:2

Busa mao kini ang giingon sa Ginoo, ang Dios sa Israel, mahitungod sa mga tigbantay nga nag-atiman sa akong katawhan: “Inyong gipatibulaag ang akong panon ug giabog sila, ug wala kamo magtagad kanila. Busa, ako magtagad kaninyo tungod sa daotan ninyong mga buhat, nag-ingon ang Ginoo.

Jeremias 7:34

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Jeremias 7:9

Mangawat ba kamo, mopatay, manapaw, manumpa ug bakak, magsunog ug insenso ngadto kang Baal, ug magsunod sa laing mga dios nga wala ninyo mailhi,

Mga Pagbangotan 1:4

Ang kadalanan paingon sa Zion nagbangutan, tungod kay walay miadto sa gitakda nga mga kasaulogan; ang tanan niyang mga ganghaan biniyaan, ang iyang mga pari nag-agulo; ang iyang mga ulay gipaantos, ug siya gayod anaa sa kapaitan.

Mga Pagbangotan 5:14

Ang mga tigulang nga lalaki namiya sa ganghaan sa siyudad, ang mga batan-ong lalaki sa ilang huni.

Ezequiel 16:12

Ug gibutangan nako ug singsing ang imong ilong, ug mga ariyos ang imong mga dalunggan ug usa ka matahom nga korona ang imong ulo.

Ezequiel 16:17

Ikaw mikuha usab sa imong mga matahom nga alahas gikan sa akong bulawan ug sa akong plata, nga akong gihatag kanimo, ug gikan niini nagbuhat ikaw ug mga larawan sa mga lalaki, ug nakighilawas ikaw kanila.

Ezequiel 22:12

Diha kanimo ang mga tawo magdawat ug mga suborno aron sa pagpaagas ug dugo. Nagdawat ikaw ug patong ug tubo ug nakaganansiya sa imong mga isigkatawo pinaagi sa pagpanapi ug ikaw nalimot kanako, nag-ingon ang Ginoong Dios.

Ezequiel 23:35

Busa mao kini ang giingon sa Ginoong Dios: Tungod kay ikaw nalimot kanako, ug gisalikway nimo ako sa imong likod, busa antosa ang mga sangpotanan sa imong kalaw-ay ug pagkamakihilawason.”

Oseas 11:2

Sa dihang nagpunay ako ug tawag kanila, misamot na hinuon sila pagpalayo kanako; sila naghalad ngadto sa mga Baal ug nagsunog ug insenso alang sa mga diosdios.

Oseas 13:1

Sa diha nga ang Efraim misulti, dihay pagkurog, gipasidunggan siya sa Israel, apan siya nakasala pinaagi kang Baal ug siya namatay.

Oseas 13:6

Sa diha nga sila nakakaon na pag-ayo, nangabusog sila, ug gibayaw ang ilang kasingkasing, busa sila nalimot kanako.

Oseas 2:5

Kay ang ilang inahan makihilawason; siya nga nagsamkon kanila nagbuhat sa makauulaw. Kay siya nag-ingon, ‘Moapas ako sa akong mga hinigugma, nga naghatag kanako sa akong pan ug sa akong tubig, sa akong delana, ug sa akong lino ug sa akong lana ug sa akong ilimnon.’

Oseas 2:7

Gukdon niya ang iyang mga hinigugma apan dili siya makaapas kanila, ug siya mangita kanila apan dili makakita kanila. Unya siya moingon, ‘Molakaw ako ug mobalik sa una nakong bana kay maayo pa ako kaniadto kay sa karon.’

Oseas 4:13

Sila naghalad diha sa mga kinatumyan sa kabukiran, ug nagsunog sa ilang mga halad ibabaw sa kabungtoran, sa ilalom sa mga dakong kahoy tungod kay ang landong niini maayo man. Busa ang inyong mga anak nga babaye nagbaligya sa dungog ug ang inyong mga asawa nanapaw.

Oseas 4:6

Ang akong katawhan nangalaglag tungod sa kakulang sa kahibalo, tungod kay imong gisalikway ang kahibalo, gisalikway ko ikaw gikan sa pagkapari nganhi kanako. Ug kay imong gikalimtan ang balaod sa imong Dios, kalimtan usab nako ang imong mga anak.

Oseas 8:14

Ang Israel nalimot sa iyang Magbubuhat ug nagtukod ug mga palasyo; ug ang Juda nagpadaghan sa mga siyudad nga kinutaan, apan magpadala ako ug kalayo nganha sa iyang mga siyudad, ug kini maglamoy sa mga salipdanan niini.

Oseas 9:7

Ang mga adlaw sa pagsilot miabot na, ang mga adlaw sa pagbalos midangat na; ang Israel mahibalo niini. Ang propeta buangbuang, ang tawo nga nagbaton ug espiritu buang, tungod sa dako nimong kasal-anan ug dakong kasilag.

Amos 8:10

Ang inyong mga kasaulogan akong himoon nga pagsubo, ug ang tanan ninyong mga awit pagbangutan; dad-an nako ug bisti nga sako ang tanan ninyong mga hawak ug kaupaw sa matag ulo; himoon nako kini nga sama sa pagsubo sa kamatayon alang sa bugtong nga anak, ug ang kataposan niini sama sa usa ka pait nga adlaw.

Deuteronomio 32:18

Wala nimo hinumdomi ang Bato nga nagpakatawo kanimo ug imong gikalimtan ang Dios nga naghatag kanimo ug kinabuhi.

Deuteronomio 6:12

pagbantay kamo kay tingali unya ug makalimot kamo sa Ginoo nga nagpagula kaninyo gikan sa yuta sa Ehipto, gikan sa balay sa kaulipnan.

Mga Maghuhukom 10:6

Unya ang katawhan sa Israel nagbuhat pag-usab ug daotan diha sa panan-aw sa Ginoo, ug nag-alagad sa mga Baal ug sa mga Astarot, sa mga dios sa Siria, sa mga dios sa Sidon, sa mga dios sa Moab, sa mga dios sa mga Amonihanon, ug sa mga dios sa mga Filistihanon. Ug ilang gisalikway ang Ginoo ug wala mag-alagad kaniya.

Mga Maghuhukom 3:7

Ang katawhan sa Israel naghimo ug daotan diha sa panan-aw sa Ginoo, nalimot sa Ginoo nga ilang Dios ug nag-alagad sa mga Baal ug sa mga Asera.

1 Samuel 12:9

Apan sila nalimot sa Ginoo nga ilang Dios ug siya nagbaligya kanila ngadto sa kamot ni Sisera nga tigmando sa kasundalohan sa Hasor ug ngadto sa kamot sa mga Filistihanon ug ngadto sa kamot sa hari sa Moab, ug sila nakig-away batok kanila.