Oseas 2:11

Ang Biblia 2011

Taposon nako ang tanan niyang kalipay, ang iyang mga kasaulogan, ang iyang mga bag-ong subang sa bulan, ang iyang mga adlawng igpapahulay, ug ang tanan niyang mga tinakdang kasaulogan.

Cross References

1 Mga Hari 12:32

Unya si Jeroboam nagtakda ug usa ka kasaulogan sa ikanapulo ug lima nga adlaw sa ikawalo nga bulan, sama sa kasaulogan nga didto sa Juda ug siya naghalad ibabaw sa halaran, sama sa gihimo niya didto sa Betel, naghalad ngadto sa mga nating baka nga iyang gibuhat. Ug iyang gipahimutang sa Betel ang mga pari sa mga habog nga dapit nga iyang gibuhat.

Jeremias 16:9

Kay mao kini ang giingon sa Ginoo sa mga panon, ang Dios sa Israel: Pahunongon nako niining dapita, sa atubangan sa inyong mga mata ug sa inyong mga adlaw, ang tingog sa kasadya, ang tingog sa kalipay, ang tingog sa pamanhonon ug ang tingog sa pangasaw-onon.

Jeremias 25:10

Dugang pa, wagtangon nako gikan kanila ang tingog sa kasadya ug ang tingog sa kalipay, ang tingog sa pamanhonon ug ang tingog sa pangasaw-onon, ang paggaling sa mga galingan ug ang kahayag sa lampara.

Jeremias 7:34

Unya akong pahilomon gikan sa mga siyudad sa Juda ug sa kadalanan sa Jerusalem ang tingog sa hudyaka ug ang tingog sa kalipay, ang tingog sa pamanhonon ug ang tingog sa pangasaw-onon kay ang yuta mahimong usa ka awaaw.

Ezequiel 26:13

Ug akong pahunongon ang huni sa imong mga awit, ug ang tingog sa imong mga alpa dili na madunggan.

Oseas 3:4

Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan.

Oseas 5:7

Sila nagmaluibon sa Ginoo kay sila nanganak ug mga anak sa gawas. Karon lamyon sila sa bag-ong subang sa bulan uban sa ilang kaumahan.

Levitico 26:20

Ug ang inyong kusog mahago sa walay kapuslanan kay ang inyong yuta dili man mohatag sa abot niini bisan ang mga kahoy sa yuta dili mohatag sa ilang bunga.

Amos 5:21

“Ako nasilag, ako nagtamay sa inyong mga kasaulogan ug ako dili malipay sa inyong mga balaan nga panagtigom.

Amos 8:3

Ang mga awit sa Templo mahimong mga pagminatay niadtong adlawa,” nag-ingon ang Ginoong Dios; “daghan unya ang mga patayng lawas, sa tanang dapit sila isalibay sa hilom.”

Amos 8:5

nga nag-ingon, “Kanus-a pa ba matapos ang bag-ong subang sa bulan, aron kita makabaligya ug trigo? Ug ang adlaw nga igpapahulay, aron ikabaligya nato ang trigo, aron padiyotayon ang epha ug padak-on ang siklo, ug aron makalimbong kita pinaagi sa mga timbangan nga limbongan,

Nahum 1:10

Sama sa tunok sila nangagapos, sama sa mga palahubog sila nangahubog; sila nangapuo sama sa mga dagami.