Oseas 2:1

Ang Biblia 2011

Ingna ninyo ang inyong igsoong lalaki, “Ammi” ug ang inyong igsoong babaye, Ruhama.

Cross References

Genesis 22:17

ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.

Jeremias 31:33

Apan kini mao ang kasabotan nga akong buhaton uban sa balay sa Israel human niadtong mga adlawa, nag-ingon ang Ginoo: Ibutang nako ang akong balaod sulod kanila ug isulat kini diha sa ilang mga kasingkasing; ug ako mahimo nga ilang Dios, ug sila mahimo nga akong katawhan.

Jeremias 32:38

Ug sila mahimo nga akong katawhan, ug ako mahimo nga ilang Dios.

Jeremias 51:5

Kay ang Israel ug ang Juda wala biyai sa iyang Dios, ang Ginoo sa mga panon; apan ang yuta sa mga Caldeanhon napuno sa sala batok sa Balaan sa Israel.

Ezequiel 11:20

aron sila maglakaw diha sa akong mga lagda ug magtamod sa akong mga tulumanon ug magtuman niini, sila mahimo nga akong katawhan ug ako mahimo nga ilang Dios.

Ezequiel 36:11

Padaghanon nako diha kaninyo ang tawo ug ang mga mananap, ug sila modaghan ug magmabungahon. Himoon nako nga puy-an kamo sama sa kahimtang ninyo kaniadto ug buhaton nako ang labi pang maayo kaninyo kay sa kaniadto. Unya kamo makaila nga ako mao ang Ginoo.

Ezequiel 36:28

Unya kamo magpuyo sa yuta nga gihatag nako sa inyong mga katigulangan, ug kamo mahimo nga akong katawhan, ug ako mahimo nga inyong Dios.

Ezequiel 37:27

Ang akong puluy-anan mag-uban kanila; ug ako mahimo nga ilang Dios, ug sila mahimo nga akong katawhan.

Oseas 2:2

“Hangyoa ang inyong inahan, hangyoa, kay siya dili akong asawa, ug ako dili iyang bana, aron biyaan niya ang iyang mga pagkamakihilawason gikan sa iyang nawong, ug ang iyang mga pagpanapaw gikan sa taliwala sa iyang dughan,

Oseas 2:23

Ug ipugas nako siya alang kanako diha sa yuta. Ug ako maluoy kaniya nga wala kaluy-i ug ako mag-ingon ngadto sa dili akong katawhan, ‘Ikaw akong katawhan,’ ug siya moingon, ‘Ikaw akong Dios.’ ”

Zacarias 13:9

Ug itambog nako kining ikatulong bahin ngadto sa kalayo, ug lunsayon kini sama sa usa ka tawo nga maglunsay ug plata, ug magsulay kanila sama sa pagsulay sa bulawan. Sila magsangpit sa akong ngalan ug ako motubag kanila. Ako moingon, ‘Sila akong katawhan,’ ug sila moingon, ‘Ang Ginoo mao ang akong Dios.’ ”

2 Mga Taga-Corinto 4:1

Busa sa among pagkabaton niining maong pagpangalagad kay kami gikaluy-an, wala kami maluya.

1 Timoteo 1:13

bisan pa nga kaniadto ako tigpasipala ug tigpanglutos ug mabiaybiayon, apan gikaluy-an ako kay sa akong pagkawalay pagtuo gibuhat nako kadto nga walay kahibalo.

1 Pedro 2:10

Kaniadto kamo dili katawhan sa Dios, apan karon kamo katawhan na sa Dios; kaniadto kamo wala kaluy-i, apan karon kamo gikaluy-an na.