Oseas 13:8

Ang Biblia 2011

Mohasmag ako kanila sama sa usa ka oso nga nawad-an sa iyang mga itoy, ug laksion nako ang ilang dughan, ug didto ako maglamoy kanila sama sa usa ka liyon nga baye, sama sa usa ka mananap nga ihalas nga magwataswatas kanila.

Cross References

2 Samuel 17:8

Unya si Husai miingon, “Ikaw nahibalo nga ang imong amahan ug ang iyang mga tawo mga tawong kusgan, ug sila nangasuko pag-ayo sama sa oso nga gikawatan sa iyang mga anak diha sa kapatagan. Gawas pa niana ang imong amahan batid sa gubat, dili siya makig-uban sa katawhan panahon sa kagabhion.

Salmo 50:22

“Karon timan-i ninyo kini, kamo nga nakalimot sa Dios, tingali unya ug ako mokuniskunis ug wala nay usa nga moluwas!

Salmo 80:13

Ang baboy nga ihalas nga gikan sa lasang miungad niini, ug ang tanang mananap sa kapatagan nangaon niini.

Mga Panultihon 17:12

Ipasugat sa usa ka tawo ang usa ka oso nga nawad-an sa iyang mga anak, kay sa usa ka buangbuang diha sa iyang binuang.

Isaias 5:29

Ang ilang pagngulob sama sa usa ka liyon, sama sa mga batan-on nga liyon sila nagngulob; sila magngulob ug manakop sa ilang tukbonon, dad-on kini nila sa gawas ug walay bisan usa nga makaluwas.

Isaias 56:9

Kamong tanan nga mga mananap sa kapatagan, dali ngari aron sa pagtukob, kamong tanan nga mga mananap sa lasang.

Jeremias 12:9

Ang akong panulundon nahimo ba nga sama sa bakiki nga langgam nga mananagit ngari kanako? Naglibot ba batok kaniya ang mga langgam nga mananagit? Lakaw, tigoma ang tanang ihalas nga mananap; dad-a sila aron makakaon.

Jeremias 25:38

Sama sa usa ka liyon, siya mibiya sa iyang tagoanan, kay ang ilang yuta nahimong usa ka awaaw tungod sa espada sa nagdaogdaog, ug tungod sa iyang bangis nga kasuko.”

Oseas 2:12

Akong laglagon ang iyang kaparasan ug ang iyang mga kahoy nga igera nga mahitungod niini siya nag-ingon, ‘Kini mao ang akong suhol nga gihatag kanako sa akong mga hinigugma.’ Himoon nako kini nga kalasangan ug ang mga mananap sa kapatagan molamoy kanila.

Oseas 5:14

Kay ako mahisama sa liyon alang sa Ephraim, ug sama sa batan-ong liyon alang sa balay sa Juda. Ako gayod mokuniskunis ug mobiya, ako mobihag ug walay bisan kinsa nga makaluwas.