Oseas 13:3

Ang Biblia 2011

Busa mahisama sila sa gabon sa kaadlawon o sama sa yamog nga sayong mahanaw, sama sa tahop nga mapalid gikan sa giokanan o sama sa aso gikan sa bintana.

Cross References

Job 21:18

Nga sila sama sa dagami sa atubangan sa hangin ug sama sa tahop nga napalid sa bagyo?

Job 30:15

Ang mga kalisang gipadasmag kanako; ang akong kadungganan gigukod sama sa hangin, ug ang akong kauswagan milabay sama sa panganod.

Salmo 1:4

Dili ingon niini ang mga daotan, kondili sama sa uhot nga gipalid sa hangin.

Salmo 68:2

Ingon nga ang aso mapalid, papahawaa sila; ingon nga ang talo matunaw atubangan sa kalayo, wagtanga ang mga daotan gikan sa atubangan sa Dios.

Isaias 17:13

Ang mga nasod midahunog sama sa dahunog sa daghang mga katubigan apan badlongon niya sila, ug sila mangagiw sa layo, gukdon sama sa tahop nga gipadpad sa hangin didto sa kabukiran ug sama sa nagtuyok nga abog diha sa unos.

Daniel 2:35

Unya ang puthaw, ang yutang kulonon, ang bronsi, ang plata ug ang bulawan, nagdungan pagkadugmok ug nangahimong sama sa tahop sa giokanan sa panahon sa ting-init, ug gipadpad kini sa hangin nga wala nay makita nga agi niini. Apan ang bato nga naghapak sa larawan nahimong usa ka dakong bukid ug gilukop ang tibuok kalibotan.

Oseas 6:4

Unsay buhaton nako kanimo, O Ephraim? Unsay buhaton nako kanimo, O Juda? Ang imong gugma sama sa panganod sa kabuntagon, sama sa yamog nga sayong mahanaw.

Sofonias 2:2

sa dili pa kamo abogon sama sa uhot nga ipadpad, sa dili pa modangat kaninyo ang bangis nga kasuko sa Ginoo, sa dili pa modangat kaninyo ang adlaw sa kaligutgot sa Ginoo.

Zacarias 8:12

Kay moabot ang pagpugas ug kalinaw, ang paras maghatag sa iyang bunga ug ang yuta maghatag sa iyang abot ug ang kalangitan maghatag sa ilang mga yamog, ug ang nahibilin nga katawhan akong papanag-iyahon niining tanang mga butang.