Oseas 11:9

Ang Biblia 2011

Dili nako ipahamtang ang akong bangis nga kapungot, dili nako gun-obon pag-usab ang Ephraim, kay ako Dios man, ug dili tawo, ang Balaan nga anaa sa inyong taliwala ug ako dili moanha aron sa paglaglag.

Cross References

2 Samuel 20:10

Apan si Amasa wala makabantay sa espada nga diha sa kamot ni Joab. Unya gidunggab siya ni Joab diha sa lawas ug nayagyag ang iyang mga tinai ngadto sa yuta ug wala na siya dunggaba pag-usab ug siya namatay. Unya si Joab ug si Abisai nga iyang igsoon migukod kang Seba nga anak Bikri.

Salmo 46:5

Ang Dios anaa sa taliwala niya busa siya dili matarog; ang Dios sayo gayod nga motabang kaniya.

Salmo 78:38

Apan siya nga maluluy-on, nagpasaylo sa ilang kasal-anan, ug wala molaglag kanila; sa makadaghan gipugngan niya ang iyang kasuko, ug wala niya pukawa ang tibuok niyang kaligutgot.

Salmo 85:4

Ipahiuli kami, O Dios sa among kaluwasan, ug pahunonga na ang imong kaligutgot ngari kanamo!

Isaias 12:6

Singgit ug pag-awit sa kalipay, O ikaw nga nagpuyo sa Zion, kay dako ang Balaan sa Israel diha sa imong taliwala.”

Isaias 31:1

Alaot kadtong manglugsong sa Ehipto aron sa pagpakitabang, ug magsalig sa mga kabayo, ug magsalig sa mga karwahi tungod kay sila daghan ug sa mga tigpangabayo tungod kay sila kusgan, apan wala magtutok sa Balaan sa Israel, o magpakisayod sa Ginoo!

Isaias 41:14

Ayaw kahadlok, ikaw ulod nga Jacob, kamong mga tawo sa Israel! Ako motabang kanimo, miingon ang Ginoo; ang imong Manunubos mao ang Balaan sa Israel.

Isaias 41:16

Ikaw magtahop kanila, ug ang hangin magpadpad niini sa layo, ug ang unos magkatag niini. Ug ikaw maglipay diha sa Ginoo; ikaw maghimaya diha sa Balaan sa Israel.

Isaias 48:9

“Tungod ug alang sa akong ngalan magpugong ako sa akong kasuko, tungod ug alang sa pagdayeg kanako, gipugngan nako kini alang kanimo, aron nga dili ko ikaw ipahimulag.

Isaias 5:24

Busa ingon nga ang dila sa kalayo maglamoy sa dagami, ug ingon nga ang uga nga balili masunog diha sa siga, ang ila usab nga gamot madunot, ug ang ilang putot mawala sama sa abog; tungod kay ilang gisalikway ang balaod sa Ginoo sa mga panon, ug gitamay ang pulong sa Balaan sa Israel.

Jeremias 26:3

Basin ug sila mamati, ug ang matag usa mobiya sa iyang daotan nga pamaagi, aron ako magbakwi sa kadaot nga buhaton nako kanila tungod sa daotan nilang mga buhat.

Jeremias 30:11

Kay ako mag-uban kanimo aron sa pagluwas kanimo, nag-ingon ang Ginoo; taposon nako ang tanang mga nasod diin didto kanila gipatibulaag ko ikaw, apan kanimo dili nako himoon ang pagtapos. Pantonon ko ikaw sumala sa kaangayan, ug dili ko gayod ikaw biyaan nga dili silotan.

Oseas 12:1

Ang Efraim nagdakop sa hangin ug naggukod sa hangin sa silangan sa tibuok adlaw; sila nagpadaghan sa kabakakan ug sa kabangis; sila nakigsabot sa Asiria, ug ang lana gidala ngadto sa Ehipto.

Oseas 14:4

Ayohon nako ang ilang pagkamaluibon; higugmaon nako sila sa walay sukod, kay ang akong kasuko mibiya kanila.

Malaquias 3:6

“Kay ako, ang Ginoo, dili mausab, busa kamo, mga anak ni Jacob, wala mapuo.

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Deuteronomio 13:17

Kinahanglang walay mahibilin sa ginahin nga mga butang diha sa inyong mga kamot aron ang Ginoo magpahilayo sa kabangis sa iyang kapungot ug magpakita kaninyo ug kaluoy ug puangod nganha kaninyo ug magpadaghan kaninyo sumala sa iyang gipanumpa sa inyong katigulangan,

1 Samuel 26:8

Unya miingon si Abisai kang David, “Ang Dios nagtugyan sa imong kaaway nganha sa imong kamot niining adlawa, busa karon tugoti ako sa pagduslak kaniya lahos sa yuta sa makausa pinaagi niining bangkaw ug dili ako moduslak kaniya sa makaduha.”