Oseas 11:6

Ang Biblia 2011

Ang espada mapungot batok sa ilang mga siyudad, maghurot sa mga trangka sa ilang ganghaan, ug maglamoy kanila diha sa ilang mga kuta.

Cross References

Salmo 106:39

Busa nahugawan sila tungod sa ilang mga buhat, ug nagmaluibon sila pinaagi sa ilang mga buhat.

Salmo 106:43

Sa makadaghan giluwas niya sila, apan sila nagmasinupakon diha sa ilang katuyoan, ug sila gipaubos tungod sa ilang kalapasan.

Isaias 18:5

Kay sa dili pa ang ting-ani, sa diha nga matapos na ang pagpamulak, ug ang bulak mahimo nang hinog nga ubas, putlon niya ang mga saha pinaagi sa mga sanggot nga igpupul-ong, ug ang labong nga mga sanga iyang putlon.

Isaias 27:10

Kay ang siyudad nga lig-on magmingaw, usa ka puluy-anan nga biniyaan ug sinalikway, sama sa kamingawan; didto ang nating baka manibsib, ug didto siya maglubog, ug magkaon sa mga sanga niini.

Isaias 30:1

“Alaot ang masukihon nga mga anak,” nag-ingon ang Ginoo, “nga nagbuhat sa ilang gilaraw, apan dili akoa; ug nga nakig-abin sa uban, apan dili sa akong espiritu, aron ang sala ilang madugangan ug laing sala;

Isaias 9:14

Tungod niini putlon sa Ginoo gikan sa Israel ang ulo ug ikog, ang palwa sa palmera ug ang lipak, sa usa lamang ka adlaw—

Jeremias 5:17

Ilang hutdon pagkaon ang imong abot ug ang imong pagkaon; ilang hutdon pagkaon ang imong mga anak nga lalaki ug ang imong mga anak nga babaye; ilang hutdon pagkaon ang imong panon sa karnero ug ang imong panon sa mga baka; ilang hutdon pagkaon ang imong kaparasan ug ang imong mga kahoy nga igos; ang imong kinutaang mga siyudad nga imong gisaligan ilang lumpagon pinaagi sa espada.”

Jeremias 50:35

“Espada ngadto sa mga Caldeanhon, nag-ingon ang Ginoo, ug ngadto sa mga nagpuyo sa Babilonia, ug sa iyang mga pangulo ug sa iyang mga maalamong tawo!

Mga Pagbangotan 2:9

Ang iyang mga ganghaan nangalusno ngadto sa yuta; iyang gilaglag ug gipamunggo ang mga trangka niini; ang iyang hari ug ang iyang mga pangulo atua sa taliwala sa mga nasod; wala na ang balaod, ug ang iyang mga propeta wala nay panan-awon gikan sa Ginoo.

Ezequiel 20:47

Ug sultihi ang kalasangan sa Negeb, Pamatia ang pulong sa Ginoo: Mao kini ang giingon sa Ginoong Dios: Tan-awa, ako maghaling ug kalayo diha kanimo, ug kini molamoy sa tanang lunhaw nga kahoy nga anaa kanimo ug sa tanang laya nga kahoy. Ang nagdilaab nga kalayo dili mapalong, ug ang tanang mga nawong gikan sa habagatan ngadto sa amihanan masunog niini.

Oseas 10:14

busa ang kagubot sa gubat moalsa batok sa imong katawhan, ug ang tanan nimong mga kuta lumpagon, sama sa paglumpag ni Salman sa Bet-arbel sa adlaw sa gubat; ang mga inahan gipangdugmok uban sa ilang mga anak.

Oseas 10:6

Ang mao gayod nga butang dad-on ngadto sa Asiria, ingon nga usa ka gasa alang sa gamhanang hari. Ang Ephraim maulawan ug ang Israel maulaw sa iyang diosdios.

Oseas 13:16

Ang Samaria magpas-an sa iyang sala kay siya misukol sa iyang Dios; sila mangapukan pinaagi sa espada, ang ilang mga bata dugmokon, ug ang ilang mga babaye nga mabdos yasyasan.

Oseas 4:16

Sama sa masukihon nga dumagang baka, ang Israel masukihon; makapakaon ba ang Ginoo kanila karon sama sa usa ka nating karnero diha sa lapad nga sibsibanan?

Oseas 4:17

Ang Efraim natipon sa mga diosdios, pasagdi siya.

Levitico 26:25

Ug dad-an ko kamo ug espada nga manimalos sa pagsupak ninyo sa akong kasabotan ug tigomon kamo sa inyong mga lungsod ug magpadala ako ug kamatay sa taliwala ninyo ug itugyan kamo ngadto sa kamot sa kaaway.

Levitico 26:31

Ang inyong mga lungsod himoon nako nga kamingawan ug gub-on nako ang inyong mga balaang dapit ug dili nako panimahoon ang kahumot sa inyong humot nga halad.

Levitico 26:33

Patibulaagon kamo nako taliwala sa mga nasod ug laniton nako ang espada ug gukdon kamo ug ang inyong yuta mangatumpag ug mangalaglag ang inyong mga lungsod.

Amos 6:8

Ang Ginoong Dios nanumpa sa iyang kaugalingon, nag-ingon ang Ginoo, ang Dios sa mga panon, “Ako nagdumot sa garbo ni Jacob, ug nagdumot sa iyang mga salipdanan; ug itugyan nako ang siyudad ug ang tanan nga anaa niini.”

Miqueas 5:11

ug gun-obon nako ang mga siyudad sa imong yuta ug pukanon nako ang imong mga salipdanan;

Malaquias 4:1

“Tan-awa, ang adlaw nagsingabot, nagdilaab sama sa hudno, nga ang tanang mga mapahitas-on ug ang tanang tigbuhat ug daotan mangahimong tuod. Ang adlaw nga moabot magsunog kanila, nag-ingon ang Ginoo sa mga panon, aron kini dili magbilin kanila bisan gamot o sanga.

Deuteronomio 28:52

Ug sila mosulong kaninyo sa tanan ninyong mga lungsod, hangtod nga mapukan ang inyong mga tag-as ug lig-on nga mga kuta nga inyong gisaligan sa tibuok ninyong yuta. Ug sila mosulong kaninyo sa tanan ninyong mga lungsod, sa tibuok ninyong yuta nga gihatag kaninyo sa Ginoo nga inyong Dios.

Deuteronomio 32:25

Ang anaa sa gawas mangamatay pinaagi sa espada, ug ang atua sa mga lawak mangalisang, mangalaglag ang batan-ong lalaki ug ang ulay, ang nagsuso uban ang tawo nga tigulang.