Oseas 11:3

Ang Biblia 2011

Apan ako ang nagtudlo sa Efraim sa paglakaw, sila gisapnay nako sa akong mga bukton, apan wala sila mahibalo nga giayo nako sila.

Cross References

Salmo 107:20

gipadala niya ang iyang pulong ug giayo sila, ug iyang giluwas sila gikan sa ilang pagkalaglag.

Exodo 15:26

Siya miingon, “Kon mamati gayod kamo pag-ayo sa tingog sa Ginoo nga inyong Dios ug magbuhat sa unsay matarong sa iyang mga mata, ug magpatalinghog sa iyang mga sugo ug magtuman sa tanan niyang mga lagda, walay bisan unsang sakit nga ipahamtang nako kaninyo nga akong gipahamtang sa mga Ehiptohanon kay ako mao ang Ginoo nga nag-ayo kaninyo.”

Exodo 19:4

Kamo nakakita sa akong gibuhat sa mga Ehiptohanon ug kon giunsa kamo nako pagdala diha sa mga pako sa mga agila ug gidala nganhi kanako.

Exodo 23:25

Kinahanglan nga mag-alagad kamo sa Ginoo nga inyong Dios ug ako magpanalangin sa inyong pan ug sa inyong tubig ug kuhaon nako ang sakit gikan kaninyo.

Isaias 1:2

Pamati, O kalangitan, ug patalinghog, O yuta; kay ang Ginoo nagsulti, “Nag-atiman ug nagmatuto ako ug mga anak apan sila misupil kanako.

Isaias 30:26

Dugang pa, ang kahayag sa bulan mahisama sa kahayag sa adlaw, ug ang kahayag sa adlaw mahimong pito ka pilo, ingon sa kahayag sa pito ka adlaw, sa adlaw nga ang Ginoo magbaat sa samad sa iyang katawhan ug mag-ayo sa ilang samad tungod sa iyang hampak.

Isaias 46:3

“Pamati kanako, O balay ni Jacob, ang tanan nga salin sa balay ni Israel, kadtong akong gisapnay gikan sa pagkahimugso, gikugos gikan sa tagoangkan;

Isaias 63:9

Sa tanan nilang mga kasakitan siya gisakit, ug giluwas sila sa anghel sa iyang atubangan; diha sa iyang gugma ug sa iyang kaluoy, sila gitubos niya; sila gidala niya ug iyang gikugos sila sa tanang mga adlaw sa kanhing panahon.

Jeremias 30:17

Kay ibalik nako ang kalagsik nganha kanimo, ug ayohon nako ang imong mga samad, nag-ingon ang Ginoo, tungod kay sila nagtawag kanimo nga usa ka sinalikway: ‘Mao kini ang Zion, walay nagtagad kaniya!’

Jeremias 8:22

Wala bay tambal sa Gilead? Wala bay mananambal didto? Busa ngano man nga wala maulii sa maayong panglawas ang anak nga babaye sa akong katawhan?

Oseas 14:4

Ayohon nako ang ilang pagkamaluibon; higugmaon nako sila sa walay sukod, kay ang akong kasuko mibiya kanila.

Oseas 2:8

Siya wala mahibalo nga ako ang naghatag kaniya sa trigo, sa bino ug sa lana, ug nagsangkap kaniya sa plata ug bulawan nga ilang gigamit alang sa Baal.

Oseas 7:1

Sa diha nga ipahiuli na nako ang maayong kahimtang sa akong katawhan, sa diha nga ayohon unta nako ang Israel, ang kasal-anan sa Efraim nabutyag, ug ang mga daotang binuhatan sa Samaria; kay sila namakak, ang kawatan nanglungkab, ug ang mga tulisan nanulis sa gawas.

Oseas 7:15

Bisan ug gibansay ug gipalig-on nako ang ilang mga bukton, naglaraw hinuon sila ug daotan batok kanako.

Mga Buhat 13:18

Ug sulod sa mga 40 ka tuig, giantos niya sila didto sa kamingawan.

Deuteronomio 1:31

ug didto sa kamingawan, diin nakita ninyo kon giunsa sa Ginoo nga inyong Dios ang pagdala kaninyo sama sa usa ka tawo nga nagdala sa iyang anak diha sa tanang dalan nga inyong giagian hangtod nga midangat kamo niining dapita.’

Deuteronomio 33:27

Ang walay kataposan nga Dios mao ang imong puluy-anan ug sa ilalom ang mga bukton nga walay kataposan. Ug siya maghingilin sa imong kaaway sa atubangan nimo ug mag-ingon, Laglaga sila.

Deuteronomio 8:2

Ug hinumdomi ninyo ang tanang dalan nga gidad-an kaninyo sa Ginoo nga inyong Dios sulod sa 40 ka tuig didto sa kamingawan, aron kamo himoon niya nga mapaubsanon, magsulay kaninyo aron sa pag-ila sa unsay anaa sa inyong kasingkasing, kon magtuman ba kamo sa iyang mga sugo o dili.