Oseas 10:8

Ang Biblia 2011

Ang mga habog nga mga dapit sa Aven, ang sala sa Israel, laglagon. Ang tunok ug ang sagbot manubo sa ilang mga halaran ug sila mag-ingon sa kabukiran, Taboni kami, ug sa kabungtoran, Tumpagi kami.

Cross References

Genesis 3:8

Ug nadungog nila ang kasikas sa Ginoong Dios nga naglakaw didto sa tanaman sa pagkakilomkilom. Ug mitago ang tawo ug ang iyang asawa didto sa taliwala sa mga kakahoyan sa tanaman.

1 Mga Hari 13:2

Ug ang tawo misinggit batok sa halaran pinaagi sa pulong sa Ginoo ug miingon, “O halaran, halaran, kini mao ang giingon sa Ginoo, ‘Tan-awa, usa ka bata nga lalaki matawo sa balay ni David, Josias ang ngalan, ug sa ibabaw nimo ihalad niya ang mga pari sa mga habog nga dapit nga nagsunog sa insenso sa ibabaw nimo ug ang mga bukog sa mga tawo ilang sunogon sa ibabaw nimo.’ ”

1 Mga Hari 13:34

Kining butanga nahimong sala sa panimalay ni Jeroboam, nga tungod niana puohon ug laglagon kini gikan sa nawong sa yuta.

1 Mga Hari 14:16

Iyang isalikway ang Israel tungod sa mga sala ni Jeroboam nga iyang nahimo ug nakaangin sa Israel sa pagpakasala.”

2 Mga Hari 23:15

Dugang pa, ang halaran nga diha sa Betel, ang habog nga dapit nga gibuhat ni Jeroboam nga anak ni Nebat nga naghimo sa Israel sa pagpakasala, kadtong halaran sa habog nga dapit iyang gilumpag ug gidugmok ang mga bato niini, gipulpog hangtod nga naabo ug gisunog usab niya ang Asera.

2 Cronicas 31:1

Sa dihang natapos kining tanan, ang tibuok Israel nga mitambong nanggula ngadto sa mga siyudad sa Juda ug gipangdugmok ang mga haligi ug gipamutol ang mga Asera, ug gigun-ob ang mga habog nga dapit ug ang mga halaran sa tibuok Juda ug Benjamin, ug sa Efraim ug sa Manases, hangtod nga nagun-ob nila kining tanan. Unya ang tanang katawhan sa Israel namalik sa ilang mga siyudad, ang matag tawo ngadto sa iyang kaugalingong kabtangan.

Isaias 2:19

Ang mga tawo manulod sa mga langob sa mga bato, ug sa mga lungib sa yuta, gikan sa atubangan sa pagkamakalilisang sa Ginoo, ug gikan sa himaya sa iyang pagkahalangdon, sa diha nga siya motindog aron sa paglisang sa yuta.

Isaias 2:21

aron mosulod sa mga langob sa mga bato, ug sa mga liki sa mga pangpang, gikan sa atubangan sa pagkamakalilisang sa Ginoo ug gikan sa himaya sa iyang pagkahalangdon, sa diha nga siya motindog aron sa paglisang sa yuta.

Isaias 32:13

kay ang yuta sa akong katawhan matuboan ug mga tunok ug mga sampinit; alang sa tanang balay sa kalipay diha sa malipayon nga siyudad.

Isaias 34:13

Ang mga tunok moturok sa ilang mga kuta, ang mga kadyapa ug sampinit diha sa mga salipdanan niini. Kini mahimong puluy-anan sa mga iro nga ihalas, ug puluy-anan sa mga abistros.

Oseas 10:2

Ang ilang kasingkasing maluibon; karon kinahanglang magpas-an sila sa ilang sala. Ang Ginoo magtumpag sa ilang mga halaran, ug magguba sa ilang mga haliging larawan.

Oseas 10:5

Ang mga nagpuyo sa Samaria nangalisang tungod sa nating baka sa Bet-aven. Ang katawhan niini magbakho niini, ug ang mga pari didto nga nagsimba ug mga diosdios magminatay tungod niini, tungod sa himaya nga mibiya gikan niini.

Oseas 10:9

Sukad sa mga adlaw sa Gibea, ikaw nakasala, O Israel; didto sila nagpadayon. Dili ba ang gubat makaagpas kanila didto sa Gibea?

Oseas 2:6

Busa, akong alihan ang iyang dalan sa mga tunok ug maghimo ako ug kuta batok kaniya aron dili siya makatultol sa iyang mga agianan.

Oseas 4:13

Sila naghalad diha sa mga kinatumyan sa kabukiran, ug nagsunog sa ilang mga halad ibabaw sa kabungtoran, sa ilalom sa mga dakong kahoy tungod kay ang landong niini maayo man. Busa ang inyong mga anak nga babaye nagbaligya sa dungog ug ang inyong mga asawa nanapaw.

Oseas 4:15

Bisan ug ikaw nagbaligya sa imong dungog, O Israel, ayaw itugot nga ang Juda magpakasala. Ayaw kamo pangadto sa Gilgal o manungas kamo sa Bet-aven, ug ayaw kamo panumpa, “Ingon nga ang Ginoo buhi.”

Oseas 5:8

Patingoga ninyo ang budyong sa Gibea, ang trumpeta sa Rama. Patingoga ang pasidaan diha sa Bet-aven, pagkurog, O Benjamin!

Oseas 8:5

Gisalibay ang imong nating baka, O Samaria. Ang akong kasilag nagdilaab batok kanila. Kanus-a ba sila maputli?

Oseas 9:6

Kay bisan ug sila makaikyas sa kalaglagan, ang Ehipto magtigom kanila, ang Memfis maoy maglubong kanila. Ang mga sampinit maoy manag-iya sa mga bililhon nilang mga butang nga plata, ang mga tunok maanaa sa ilang mga tolda.

Amos 1:5

Gun-obon nako ang trangka sa Damasco, puohon ang mga lumulupyo gikan sa Walog sa Aven, ug siya nga naghupot sa sitro gikan sa Bet-eden, ug ang katawhan sa Siria mangabihag ngadto sa Kir,” nag-ingon ang Ginoo.

Amos 3:14

“nga sa adlaw nga silotan nako ang Israel tungod sa iyang kalapasan, silotan nako ang mga halaran sa Betel, ug ang mga sungay sa halaran pamutlon ug mangahulog sa yuta.

Amos 7:9

ang habog nga mga dapit ni Isaac mahimong biniyaan, ug ang mga balaang dapit sa Israel mahimong awaaw, ug ako motindog batok sa balay ni Jeroboam uban ang usa ka espada.”

Amos 8:14

Kadtong manumpa pinaagi kang Asima sa Samaria ug mag-ingon, ‘Ingon nga ang imong dios buhi, O Dan,’ ug, ‘Ingon nga ang pamaagi sa Beer-seba buhi,’ sila mangapukan ug dili na gayod makabangon pag-usab.”

Miqueas 1:13

Kamong mga lumulupyo sa Lakis, ihigot ninyo ang mga tulin nga kabayo ngadto sa mga karwahi; ikaw mao ang sinugdan sa sala sa anak nga babaye sa Zion, kay diha kanimo nakaplagan ang mga kalapasan sa Israel.

Miqueas 1:5

Kining tanan tungod sa kalapasan ni Jacob, ug tungod sa kasal-anan sa balay ni Israel. Unsa ba ang kalapasan ni Jacob? Dili ba ang Samaria? Ug unsa ba ang sala sa balay ni Juda? Dili ba ang Jerusalem?

Nahum 3:11

Ikaw usab mahubog, malipong ikaw; ikaw mangita ug dalangpanan gikan sa imong kaaway.

Lucas 23:30

Unya mosugod sila sa pag-ingon ngadto sa mga bukid, ‘Tumpagi kami’ ug ngadto sa mga bungtod, ‘Taboni kami.’

Deuteronomio 9:21

Ug gikuha nako ang inyong sala, ang nating baka nga inyong gibuhat, ug gisunog kini sa kalayo, ug gidugmok ug gipinopino hangtod nga kini sama ka pino sa abog ug gisalibay nako ang abog niini ngadto sa sapa nga nagdagayday gikan sa bukid.

Gipadayag 6:16

ug nag-ingon ngadto sa mga bukid ug mga pangpang, “Tumpagi ug taboni kami gikan sa nawong sa naglingkod sa trono, ug gikan sa kapungot sa Nating Karnero,

Gipadayag 9:6

Ug nianang mga adlawa ang mga tawo mangita sa kamatayon apan dili sila makakaplag niini, mangandoy sila nga unta mangamatay apan ang kamatayon molikay kanila.