Oseas 10:7

Ang Biblia 2011

Ang hari sa Samaria malaglag, sama sa mga bula sa ibabaw sa katubigan.

Cross References

1 Mga Hari 21:1

Unya nahitabo nga si Nabot nga Jesreelhanon may usa ka parasan nga didto sa Jesreel tupad sa palasyo ni Ahab nga hari sa Samaria.

2 Mga Hari 1:3

Apan ang anghel sa Ginoo miingon kang Elias nga Tisbihanon, “Tindog ug tungas aron sugaton nimo ang mga sinugo sa hari sa Samaria ug ingna sila, ‘Tungod ba kay walay Dios sa Israel, maoy hinungdan nga kamo moadto aron magpakisayod kang Baalsebub, ang dios sa Ekron?’

2 Mga Hari 15:30

Unya si Hosea nga anak ni Ela mihimog usa ka pagbudhi kang Peka nga anak ni Remalias, ug mitigbas kaniya ug mipatay kaniya ug naghari puli kaniya, sa ika-kawhaan nga tuig ni Jotam nga anak ni Uzias.

2 Mga Hari 17:4

Apan ang hari sa Asiria nakaplagan nga nagluib si Hosea, kay siya nagpadala ug mga sinugo ngadto kang So nga hari sa Ehipto ug wala na mohatag ug buhis alang sa hari sa Asiria, ingon sa iyang gibuhat matag tuig. Busa gidakop siya sa hari sa Asiria ug gibilanggo.

Oseas 10:15

Busa mao kini ang buhaton kaninyo, O Betel, tungod sa inyong hilabihang pagkadaotan; sa kaadlawon ang hari sa Israel puohon gayod.

Oseas 10:3

Kay karon sila moingon, “Kami walay hari, kay kami wala mahadlok sa Ginoo, ug ang usa ka hari, unsay iyang mahimo alang kanamo?”

Oseas 10:8

Ang mga habog nga mga dapit sa Aven, ang sala sa Israel, laglagon. Ang tunok ug ang sagbot manubo sa ilang mga halaran ug sila mag-ingon sa kabukiran, Taboni kami, ug sa kabungtoran, Tumpagi kami.

Oseas 13:11

Gihatagan ko ikaw ug hari diha sa akong kasuko ug siya gikuha nako diha sa akong kaligutgot.

Judas 1:13

Kini sila bangis nga mga balod sa dagat nga nagpabula sa ilang kaugalingong kaulawan; mga laag nga mga bituon nga ang kangiob sa kangitngit gitagana hangtod sa kahangtoran.