Oseas 10:6

Ang Biblia 2011

Ang mao gayod nga butang dad-on ngadto sa Asiria, ingon nga usa ka gasa alang sa gamhanang hari. Ang Ephraim maulawan ug ang Israel maulaw sa iyang diosdios.

Cross References

2 Mga Hari 17:3

Mibatok kaniya si Salmaneser nga hari sa Asiria ug si Hosea nahimo nga iyang sulugoon, ug nagbayad kaniya ug buhis.

Job 18:7

Ang iyang kusog nga mga lakang gihimong mubo, ug ang iyang kaugalingong mga laraw nagpukan kaniya.

Isaias 1:29

Kay kamo mangaulaw sa mga dagkong kahoy nga inyong gitinguha, ug manglipaghong kamo tungod sa mga tanaman nga inyong gipili.

Isaias 30:3

Tungod niini ang pagpanalipod sa Paraon kaninyo mahimo nga inyong kaulaw, ug ang salipod diha sa landong sa Ehipto mahimo nga inyong kaulawan.

Isaias 45:16

Silang tanan maulawan ug mangalibog, ang mga tigbuhat ug mga diosdios mangalibog sa tingob.

Jeremias 48:13

Unya ang Moab maulaw tungod kang Camos, ingon nga ang balay sa Israel naulaw tungod sa Betel nga ilang gisaligan.

Jeremias 7:24

Apan sila wala mamati, o magkiling sa ilang mga dalunggan, kondili naglakaw sa ilang kaugalingong mga tambag ug sa kagahi sa daotan nilang kasingkasing, ug misibog ug wala mopadayon.

Ezequiel 16:28

Ikaw nakighilawas usab sa mga Asirianhon, tungod kay ikaw walay pagkatagbaw. Oo, ikaw nakighilawas kanila, ug ikaw wala gihapon matagbaw.

Ezequiel 36:31

Unya mahinumdom kamo sa inyong mga daotang pamaagi ug sa inyong mga buhat nga dili maayo, ug ngil-aran kamo sa inyong kaugalingon tungod sa inyong mga kasal-anan ug sa inyong mga dulumtanang buhat.

Daniel 11:8

Iyang dad-on ngadto sa Ehipto ang ilang mga dios uban sa mga tinunaw nga larawan ug sa ilang mahalon nga mga sudlanan nga plata ug bulawan, ug sulod sa pipila ka tuig siya maglikay sa pagsulong sa hari sa amihanan.

Oseas 4:19

Giputos sila sa hangin diha sa iyang mga pako ug sila maulawan tungod sa ilang mga halad.

Oseas 4:7

Sa dihang nagkadaghan sila, misamot ang ilang pagpakasala batok kanako; gihimo nila nga kaulawan ang ilang himaya.

Oseas 5:13

Sa pagkakita sa Ephraim sa iyang sakit, ug sa Juda sa iyang samad, miadto ang Ephraim sa Asiria ug nagpadala ngadto sa gamhanang hari. Apan siya dili makahimo sa pag-ayo kaninyo, o sa pag-ayo sa inyong samad.

Oseas 8:6

Kay kini gikan sa Israel, usa ka tigbuhat naghimo niini, dili ang Dios Ang nating baka sa Samaria dugmokon.

Miqueas 6:16

Kay imong gituman ang mga lagda ni Omri, ug ang tanang mga buhat sa balay ni Ahab; ug ikaw naglakaw diha sa ilang mga tambag; aron ikaw himoon nako nga biniyaan, ug ang mga nagpuyo niini talamayon. Busa kamo mag-antos sa mga pagtamay sa mga katawhan.”