Oseas 10:2

Ang Biblia 2011

Ang ilang kasingkasing maluibon; karon kinahanglang magpas-an sila sa ilang sala. Ang Ginoo magtumpag sa ilang mga halaran, ug magguba sa ilang mga haliging larawan.

Cross References

1 Mga Hari 18:21

Ug si Elias miduol ngadto sa tibuok katawhan ug miingon, “Hangtod kanus-a ba nga kamo magpalingpaling taliwala sa duha ka panghunahuna? Kon ang Ginoo mao ang Dios, sunod kamo kaniya, apan kon si Baal, sunod kamo kaniya.” Ug ang katawhan wala motubag kaniya bisan usa ka pulong.

Exodo 23:24

ayaw gayod pagyukbo sa ilang mga diosdios o mag-alagad kanila o magbuhat sumala sa ilang mga buhat, hinuon gub-a kini ug dugmoka ninyo ang ilang mga batong haligi.

Mga Panultihon 11:18

Ang daotan nagdawat sa mga malimbongon nga suhol, apan ang nagpugas ug pagkamatarong makabaton ug siguro nga ganti.

Isaias 44:18

Sila wala makaila o makasabot, kay iyang gitaptapan ang ilang mga mata aron sila dili makakita, ug ang ilang mga hunahuna aron sila dili makasabot.

Jeremias 43:13

Bunggoon usab niya ang mga monyumento sa Heliopolis, nga atua sa yuta sa Ehipto ug ang mga templo sa mga dios sa Ehipto sunogon niya sa kalayo.’ ”

Ezequiel 14:5

aron makuptan nako ang kasingkasing sa balay sa Israel nga nahimulag kanako tungod sa ilang mga diosdios.

Oseas 12:11

Ang Gilead adunay sala, sila mosangpot gayod sa pagkawalay pulos. Kon didto sa Gilgal naghalad sila ug mga laking baka, ang ilang mga halaran usab mahisama sa mga tinapok nga bato didto sa mga tudling sa kaumahan.

Oseas 13:16

Ang Samaria magpas-an sa iyang sala kay siya misukol sa iyang Dios; sila mangapukan pinaagi sa espada, ang ilang mga bata dugmokon, ug ang ilang mga babaye nga mabdos yasyasan.

Oseas 3:4

Kay ang mga anak sa Israel magpuyo sulod sa daghang mga adlaw nga walay hari o pangulo, walay halad o walay haligi nga halaran, walay ephod o mga larawan.

Oseas 7:8

Si Efraim nakig-ipon sa mga katawhan; ang Efraim torta nga wala baliha.

Levitico 26:30

Ug gub-on nako ang inyong mga habog nga dapit ug tumpagon nako ang inyong mga halaran sa insenso ug ibutang nako ang inyong mga lawas nga patay ibabaw sa patay nga lawas sa inyong mga diosdios ug ang akong kalag magdumot kaninyo.

Miqueas 5:13

ug wagtangon nako ang imong mga kinulit nga larawan ug ang imong mga haliging bato gikan kanimo, ug ikaw dili na magsimba sa buhat sa imong mga kamot;

Sofonias 1:5

kadtong nagsimba sa mga panon sa langit nga anaa sa mga atop sa balay; kadtong nagsimba ug nanumpa ngadto sa Ginoo, apan nanumpa pinaagi sa ngalan ni Milcom,

Zacarias 13:2

“Ug nianang adlawa, nag-ingon ang Ginoo sa mga panon, puohon nako ang mga ngalan sa mga diosdios gikan sa yuta aron dili na sila mahinumdoman, ug papahawaon usab nako gikan sa yuta ang mga propeta ug ang hugaw nga espiritu.

Mateo 6:24

“Walay tawo nga makaalagad ug duha ka agalon kay mahitabo man nga dumtan niya ang usa ug higugmaon niya ang usa o dapigan niya ang usa ug tamayon niya ang usa. Dili kamo makaalagad sa Dios ug sa mga bahandi.

Lucas 16:13

Walay sulugoon nga makahimo pag-alagad ug duha ka agalon kay mahitabo man nga dumtan niya ang usa ug higugmaon ang ikaduha o labanan niya ang usa ug tamayon ang ikaduha. Dili kamo makaalagad sa Dios ug sa mga bahandi.”

Santiago 1:8

usa ka tawo nga duha ang hunahuna, dili kasaligan sa tanan niyang mga pamaagi.

Santiago 4:4

Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.

1 Juan 2:15

Ayaw ninyo higugmaa ang kalibotan o ang mga butang diha sa kalibotan. Kon may nahigugma sa kalibotan, ang gugma sa Amahan wala diha kaniya.

1 Samuel 5:4

Apan sa ilang pagbangon sayo sa pagkasunod buntag, si Dagon natumba na usab sa atubangan sa sudlanan sa kasabotan sa Ginoo, ug ang ulo ni Dagon ug ang duha niini ka kamot nangaputol nga didto na nahimutang sa tugkaran ug ang lawas ni Dagon mao ray nahibilin kaniya.