Oseas 10:12

Ang Biblia 2011

Pagpugas kamo ug pagkamatarong alang sa inyong kaugalingon; aniha ang bunga sa gugmang walay paglubad; dugmoka ang inyong wala matamni nga yuta; kay panahon kini sa pagpangita sa Ginoo, aron siya moanhi ug magpaulan sa kaluwasan nganha kaninyo.

Cross References

Salmo 105:4

Pangitaa ninyo ang Ginoo ug ang iyang kalig-on, pangitaa ninyo kanunay ang iyang nawong!

Salmo 72:6

Mahisama unta siya sa ulan nga mangatagak sa balili nga gigalab, sama sa taligsik nga nagpatubig sa yuta!

Mga Panultihon 11:18

Ang daotan nagdawat sa mga malimbongon nga suhol, apan ang nagpugas ug pagkamatarong makabaton ug siguro nga ganti.

Mga Panultihon 18:21

Ang kamatayon ug ang kinabuhi anaa sa gahom sa dila, ug kadtong mahigugma niini magkaon sa mga bunga niini.

Ecclesiastes 11:6

Sa buntag ipugas ang imong binhi, ug sa gabii ayaw pugngi ang imong kamot; kay ikaw wala masayod kon hain ang mouswag, kini ba o kana, o managsama ba silang duha nga mahimong maayo.

Isaias 30:23

Ug siya maghatag ug ulan alang sa binhi nga ipugas nimo sa yuta, ug sa trigo, ang abot sa yuta, nga mahimong tambok ug daghan kaayo. Nianang adlawa ang imong kahayopan manibsib sa dagkong mga sibsibanan.

Isaias 31:1

Alaot kadtong manglugsong sa Ehipto aron sa pagpakitabang, ug magsalig sa mga kabayo, ug magsalig sa mga karwahi tungod kay sila daghan ug sa mga tigpangabayo tungod kay sila kusgan, apan wala magtutok sa Balaan sa Israel, o magpakisayod sa Ginoo!

Isaias 32:20

Bulahan kadtong nagpugas sa daplin sa tanang katubigan, nga nagpasibsib sa baka ug asno nga binuhian.

Isaias 44:3

Kay magbubo ako ug tubig diha sa giuhaw nga yuta, ug mga sapa diha sa uga nga yuta; ako magbubo sa akong Espiritu sa ibabaw sa imong kaliwatan, ug sa akong panalangin sa imong kaliwat.

Isaias 45:8

“Panaligsik, O kalangitan, gikan sa kahitas-an, paulana ug pagkamatarong ang kalangitan; pabukha ang yuta, aron ang kaluwasan manalingsing, ug pasalingsinga usab niini ang pagkamatarong; ako, ang Ginoo, mao ang nagbuhat niini.

Isaias 48:18

O namati pa unta ikaw sa akong mga sugo! Ang imong pakigdait mahisama unta sa usa ka suba, ug ang imong pagkamatarong mahisama sa mga balod sa dagat;

Isaias 5:6

Himoon nako kini nga biniyaan; dili na kini pul-ongan o habokan, ug manurok ang mga sampinit ug mga tunok; sugoon usab nako ang mga panganod nga dili na sila magpaulan ug ulan ibabaw niini.

Isaias 54:14

Sa pagkamatarong ikaw tukoron; ikaw ipahilayo gikan sa pagdaogdaog, kay ikaw dili mahadlok, ug gikan sa kalisang, kay kini dili magpaduol kanimo.

Isaias 55:6

“Pangitaa ang Ginoo samtang makaplagan pa siya, sangpita siya samtang anaa pa siya sa duol;

Jeremias 50:4

“Nianang mga adlawa ug nianang panahona, nag-ingon ang Ginoo, ang katawhan sa Israel ug ang katawhan sa Juda mangadto nga maghiusa, maghilak samtang sila manglakaw; ug sila mangita sa Ginoo nga ilang Dios.

Ezequiel 34:26

Sila ug ang mga dapit nga naglibot sa akong bungtod buhaton nako nga usa ka panalangin, ug akong ipadala ang ulan sa iyang panahon, kini mahimong mga ulan sa panalangin.

Oseas 12:6

Busa ikaw, balik sa imong Dios, hupti ang gugma ug hustisya ug paghulat nga mapadayonon alang sa imong Dios.

Oseas 14:1

O Israel, balik ngadto sa Ginoo nga imong Dios, kay ikaw nahisukamod tungod sa imong kasal-anan.

Oseas 6:3

Hibaloan nato, ug padayonon nato ang pag-ila sa Ginoo, ang iyang paggula siguro gayod sama sa kaadlawon, siya moanhi kanato sama sa ulan, sama sa ulahing ulan nga nagbisibis sa yuta.”

Oseas 8:7

Kay nagpuga sila ug hangin, busa mag-ani sila sa alimpulos. Ang uhay sa trigo walay lugas, dili kini mohatag ug pagkaon; kon mohatag man kini ug abot ang mga langyaw maoy maglamoy niini.

Amos 5:15

Dumti ang daotan ug higugmaa ang maayo, ug ipahamtang ang hustisya diha sa ganghaan; basin na lamang ug ang Ginoo, ang Dios sa mga panon, mapuno sa kaluoy sa mga salin ni Jose.

Amos 5:4

Kay mao kini ang giingon sa Ginoo ngadto sa banay sa Israel, “Pangitaa ninyo ako ug kamo mangabuhi;

Amos 5:6

Pangitaa ninyo ang Ginoo ug kamo mangabuhi, kay tingali unya ug mosilaob siya sama sa kalayo diha sa balay ni Jose, ug kini maglamoy ug walay bisan kinsa nga makapalong niini alang sa Betel.

Amos 5:8

Siya nga nagbuhat sa Pleades ug sa Orion, ug naghimo sa hilabihan nga kangitngit ngadto sa kabuntagon ug nagpangiob sa adlaw ngadto sa kagabhion, nga nagtawag sa katubigan sa dagat ug nagbubo niini ibabaw sa yuta, Yahweh ang iyang ngalan,

Lucas 13:24

“Paningkamot kamo pagsulod agi sa pultahan nga sigpit kay sultihan ko kamo nga daghan ang maninguha sa pagsulod apan dili makahimo.

Mga Buhat 2:18

Nianang mga adlawa, sa akong mga sulugoong lalaki ug sa akong mga sulugoong babaye, ako magbubo sa akong Espiritu ug sila magpropesiya.

2 Mga Taga-Corinto 9:10

Siya nga naghatag sa binhi ngadto sa magpupugas ug sa pan aron kaonon maghatag kaninyo ug binhi ug magpadaghan niini ug magpadaghan sa mga bunga sa inyong pagkamatarong.

Santiago 3:18

Ug ang bunga sa pagkamatarong diha sa pakigdait, gipugas alang sa mga nagbuhat ug kalinaw.