Oseas 1:6

Ang Biblia 2011

Ug siya nagsamkon pag-usab ug nanganak ug usa ka babaye. Unya ang Ginoo miingon kaniya, “Tawga ang iyang ngalan nga Loruhama, kay ako dili na maluoy sa balay sa Israel, sa pagpasaylo gayod kanila.

Cross References

2 Mga Hari 17:20

Ug gisalikway sa Ginoo ang tanang kaliwat sa Israel ug gisakit sila ug gitugyan ngadto sa kamot sa mga mamimihag, hangtod nga gipalayo niya sila gikan sa iyang panan-aw.

2 Mga Hari 17:6

Sa ikasiyam nga tuig ni Hosea, ang Samaria nailog sa hari sa Asiria, ug gidala ang Israel ngadto sa Asiria, ug gibutang sila didto sa Hala, ug didto sa Habor, sa suba sa Gosan ug sa mga siyudad sa mga taga-Media.

Isaias 27:11

Sa diha nga ang mga sanga niini mangalaya, kini mangaputol; ang mga babaye manganhi ug magdaob niini. Kay kini usa ka katawhan nga walay salabotan; busa siya nga nagbuhat kanila dili maluoy kanila, ug siya nga maoy nag-umol kanila dili mopakita ug kaluoy kanila.

Oseas 1:8

Sa dihang nalutas na niya si Loruhama, siya nagsamkon ug nanganak ug usa ka lalaki.

Oseas 2:23

Ug ipugas nako siya alang kanako diha sa yuta. Ug ako maluoy kaniya nga wala kaluy-i ug ako mag-ingon ngadto sa dili akong katawhan, ‘Ikaw akong katawhan,’ ug siya moingon, ‘Ikaw akong Dios.’ ”

Oseas 2:4

Sa iyang mga anak usab dili ako maluoy, kay sila mga anak sa pagkamakihilawason.

Amos 7:8

Ug ang Ginoo miingon kanako, “Amos, unsay imong nakita?” Ug ako miingon, “Usa ka tunton.” Unya miingon ang Ginoo, “Tan-awa, nagpahimutang ako ug usa ka tunton sa taliwala sa akong katawhan nga Israel; dili na gayod ako moagi pa diha kanila;

Amos 9:8

Tan-awa, ang mga mata sa Ginoong Dios nagtan-aw sa makasasala nga gingharian, ug laglagon nako kini gikan sa yuta; hinuon dili nako laglagon sa hingpit ang balay ni Jacob,” nag-ingon ang Ginoo.

1 Pedro 2:10

Kaniadto kamo dili katawhan sa Dios, apan karon kamo katawhan na sa Dios; kaniadto kamo wala kaluy-i, apan karon kamo gikaluy-an na.