Oseas 1:5

Ang Biblia 2011

Nianang adlawa, akong balion ang pana sa Israel didto sa walog ni Jesreel.”

Cross References

2 Mga Hari 15:29

Sa mga adlaw ni Peka nga hari sa Israel, si Tiglath-pileser nga hari sa Asiria, miabot ug mikuha sa Ijon, sa Abel-bet-Maaca, sa Janoa, sa Kedes, sa Hasor, sa Gilead, sa Galilea ug sa tibuok yuta sa Neftali. Ug gidala niya ang katawhan ingon nga bihag ngadto sa Asiria.

Salmo 37:15

ang ilang espada molagbas sa ilang kaugalingong kasingkasing, ug ang ilang pana mangabali.

Salmo 46:9

Gipahunong niya ang mga gubat hangtod sa kinatumyan sa yuta; gibali niya ang pana, ug gibunggo ang bangkaw; gisunog niya sa kalayo ang mga karwahi!

Jeremias 51:56

kay ang tiglaglag miabot kaniya, batok sa Babilonia; ang iyang mga manggugubat nakuha, ang ilang mga pana gipangdugmok; kay ang Ginoo mao ang Dios sa pagpanimalos, mobalos gayod siya.

Ezequiel 39:3

Unya hampakon nako ang imong pana gikan sa imong walang kamot ug ihulog ang imong mga udyong gikan sa imong tuong kamot.

Oseas 2:18

Nianang adlawa ako maghimo alang kanimo ug usa ka kasabotan uban sa mga mananap sa kapatagan, sa mga langgam sa kalangitan ug sa nagkamang nga mga butang sa yuta; ug akong wagtangon ang mga busogan, ang espada ug ang gubat gikan sa yuta, ug papahulayon ko ikaw nga layo sa kakuyaw.

Josue 17:16

Ug ang banay ni Jose miingon, “Ang kabungtoran dili igo alang kanamo apan ang tanang Canaanhon nga namuyo sa walog may mga karwahi nga puthaw, sila nga nagpuyo sa Bet-sean ug sa mga balangay niini ug ang mga nagpuyo sa kapatagan sa Jesreel.”

Mga Maghuhukom 6:33

Unya ang tanang mga Midianhon ug ang mga Amalekanhon ug ang katawhan sa silangan nagtigom, ug sa ilang pagtabok sa Jordan nagkampo sila sa walog sa Jesreel.