Oseas 1:2

Ang Biblia 2011

Sa unang higayon nga ang Ginoo misulti pinaagi kang Hosea, ang Ginoo miingon kang Hosea, “Lakaw, pangasawa ug usa ka babaye nga makihilawason ug pagbaton ug mga anak sa pagkamaluibon kay ang yuta nakasala sa dakong pagluib pinaagi sa pagbiya sa Ginoo.”

Cross References

2 Cronicas 21:13

apan naglakaw diha sa dalan sa mga hari sa Israel ug nangulo sa Juda ug sa mga nagpuyo sa Jerusalem ngadto sa pagkadili matinumanon, sama nga ang panimalay ni Ahab nangulo sa Israel sa pagkadili matinumanon, ug usab gipamatay nimo ang imong mga igsoon sa balay sa imong amahan, nga maayo pa kay kanimo,

Salmo 106:39

Busa nahugawan sila tungod sa ilang mga buhat, ug nagmaluibon sila pinaagi sa ilang mga buhat.

Salmo 73:27

Kay tan-awa, sila nga nagpalayo kanimo mangahanaw; gilaglag nimo silang tanan nga malimbongon kanimo.

Jeremias 2:13

kay ang akong katawhan nakahimo ug duha ka kadaotan: sila mibiya kanako, ang tuboran sa mga tubig nga buhi, ug nagkalot ug mga tigomanan ug tubig alang sa ilang kaugalingon, mga tigomanan ug tubig nga may liki nga dili kasudlan ug tubig.

Jeremias 2:20

“Kay sa kanhing panahon gibali nimo ang imong yugo ug gibugto ang imong mga gapos ug ikaw miingon, ‘Dili ako moalagad.’ Kay sa matag habog nga bungtod, ug ilalom sa matag lunhaw nga kahoy ikaw miyukbo sama sa usa ka babayeng nagbaligya sa iyang dungog.

Jeremias 2:23

Unsaon nimo sa pag-ingon, ‘Dili ako hugaw, wala ako mosunod sa mga Baal’? Tan-awa ang imong dalan diha sa walog; hibaloi ang imong nabuhat— usa ka tulin nga nating kamilyo nga naglubidlubid sa iyang mga tunob,

Jeremias 3:9

Tungod kay ang pagkamakihilawason gaan lamang alang kaniya, iyang gihugawhugawan ang yuta, naghimo ug pagpanapaw uban sa bato ug sa kahoy.

Ezequiel 6:9

Unya kadtong pipila kaninyo nga makaikyas mahinumdom kanako taliwala sa mga nasod diin didto dad-on sila nga mga binihag tungod kay ako naguol pag-ayo tungod sa ilang mapatuyangon nga kasingkasing nga mibulag gikan kanako, ug sa ilang mapatuyangong mga mata nga misunod sa ilang mga diosdios. Ug sila lud-on sa ilang kaugalingon diha sa ilang atubangan tungod sa kadaotan nga ilang nahimo, tungod sa tanan nilang mga dulumtanan.

Oseas 2:7

Gukdon niya ang iyang mga hinigugma apan dili siya makaapas kanila, ug siya mangita kanila apan dili makakita kanila. Unya siya moingon, ‘Molakaw ako ug mobalik sa una nakong bana kay maayo pa ako kaniadto kay sa karon.’

Oseas 3:1

Ang Ginoo miingon pag-usab kanako, “Lakaw, higugmaa ang usa ka babaye nga hinigugma sa laing lalaki ug usa ka mananapaw, sama nga ang Ginoo nahigugma sa mga anak sa Israel bisan ug sila midangop ngadto sa laing mga dios, ug nahigugma sa mga torta nga pasas.”

Oseas 5:3

Ako nakaila kang Ephraim, ug ang Israel wala matago kanako; kay karon, O Ephraim, ikaw nagmakihilawason, ang Israel nahugawan.

Marcos 1:1

Ang sinugdan sa Maayong Balita mahitungod kang Jesu-Cristo, ang Anak sa Dios.

Deuteronomio 31:16

Unya ang Ginoo miingon kang Moises, “Tan-awa, hapit na ikaw mopahulay uban sa imong mga amahan unya kining katawhan mosimba sa laing mga dios sa yuta nga maoy ilang adtoan aron makig-uban kanila, ug sila mobiya kanako ug molapas sa akong kasabotan nga gibuhat nako uban kanila.

2 Pedro 2:14

Sila may mga mata nga puno sa pagpanapaw ug dili matagbaw sa sala. Nagtintal sila sa mga tawong huyang. Sila adunay mga kasingkasing nga naanad sa kahakog, kaliwatan sila nga tinunglo!

Gipadayag 17:5

ug diha sa iyang agtang nasulat ang ngalan nga usa ka misteryo: “Babilonia nga Bantugan, ang Inahan sa mga Daotang Babaye ug sa mga Kangil-aran sa Kalibotan.”