Hageo 2:3

Ang Biblia 2011

‘Kinsa ang nahibilin kaninyo nga nakakita niining balaya sa una niyang himaya? Unsa ang inyong pagtan-aw niini karon? Dili ba kini walay hinungdan sa inyong mga panan-aw?

Cross References

1 Cronicas 22:5

Kay si David miingon, “Si Solomon nga akong anak batan-on ug wala pay kasinatian ug ang balay nga tukoron alang sa Ginoo kinahanglang matahom gayod kaayo, sa dungog ug sa himaya sa tibuok kayutaan, busa mag-andam ako alang niini.” Busa si David nagtagana ug daghan kaayong mga kagamitan sa wala pa ang iyang kamatayon.

Esdras 3:11

Nagtubagtubag sila sa pag-awit, nagdayeg ug naghatag ug mga pasalamat ngadto sa Ginoo, “Kay siya maayo, kay ang iyang gugmang walay paglubad nagpadayon hangtod sa kahangtoran ngadto sa Israel.” Ug ang tibuok katawhan misinggit sa kusog nga tingog, sa dihang nagdayeg sila sa Ginoo, tungod kay napahimutang na man ang sukaranan sa balay sa Ginoo.

Esdras 3:12

Apan daghan sa mga pari ug mga Levihanon ug mga pangulo sa mga panimalay sa mga katigulangan, mga tawo nga tigulang nga nakakita sa unang balay, mihilak pag-ayo sa dihang nakita nila nga ang patukoranan niining balaya napahimutang na. Apan daghan ang misinggit sa kalipay,

Isaias 64:10

Ang imong mga siyudad nga balaan nangahimo nga kamingawan, ang Zion nahimo nga kamingawan, ang Jerusalem nahimong usa ka biniyaan.

Ezequiel 7:20

Ang matahom nga mga dayandayan nila ilang gipahimutang sa kawang nga himaya ug sila nagbuhat sa ilang mga dulumtanan nga larawan ug sa ilang mga talamayon nga mga butang, busa himoon nako kini nga hugaw alang kanila.

Hageo 2:9

Ang ulahing himaya niining balaya molabaw pa kay sa una, nag-ingon ang Ginoo sa mga panon, ug niining dapita ihatag nako ang kauswagan, nag-ingon ang Ginoo sa mga panon.’ ”