Gipadayag 8:1

Ang Biblia 2011

Sa dihang giablihan sa Nating Karnero ang ikapitong silyo, dihay kahilom sa langit sulod sa mga tunga sa takna.

Cross References

Job 4:16

Kini mihunong, apan wala nako maila ang dagway niini. Dihay dagway sa atubangan sa iyang mga mata; dihay kahilom, unya nabati nako ang usa ka tingog:

Salmo 37:7

Paghilom diha sa Ginoo ug paghulat nga mapailobon kaniya; ayaw kaguol tungod kaniya nga nagmauswagon sa iyang dalan, tungod sa tawo nga naghimo ug daotan nga mga laraw.

Salmo 62:1

Sa Dios lamang naghulat sa hilom ang akong kalag; gikan kaniya ang akong kaluwasan.

Habacuc 2:20

Apan ang Ginoo ania sa iyang balaan nga Templo; pahiloma sa atubangan niya ang tibuok nga kalibotan.

Zacarias 2:13

Paghilom, tanang katawhan, sa atubangan sa Ginoo, kay siya nahigmata gikan sa iyang balaan nga puluy-anan.

Mateo 27:66

Ug nanglakaw sila aron lig-onon ang lubnganan pinaagi sa pagsilyo ug pagpabantay niini.

Gipadayag 5:1

Ug nakita nako diha sa tuong kamot niadtong naglingkod sa trono ang usa ka basahong linukot nga may sinulat diha sa sulod ug sa likod niini, sinilyohan ug pito ka silyo.

Gipadayag 5:9

Ug nag-awit sila sa usa ka bag-ong awit nga nag-ingon, “Takos ikaw sa pagkuha sa basahong linukot ug sa pagbukas sa mga silyo niini, kay ikaw mao man ang gipatay ug pinaagi sa imong dugo gilukat nimo ang mga tawo alang sa Dios, gikan sa tanang kabanayan ug pinulongan ug katawhan ug kanasoran,

Gipadayag 6:1

Ug akong nakita sa diha nga ang Nating Karnero mibukas sa usa sa pito ka silyo, ug nadungog nako ang usa sa upat ka buhing binuhat nga nag-ingon sa tingog nga daw dalugdog, “Duol ngari!”

Gipadayag 6:12

Ug sa pagbukas niya sa ikaunom nga silyo, akong nakita nga dihay usa ka kusog nga linog, ug ang adlaw miitom sama sa sako nga hinimo gikan sa balhibo, ang tibuok nga bulan nahimong daw dugo,

Gipadayag 6:3

Ug sa pagbukas niya sa ikaduhang silyo, akong nadungog ang ikaduha nga buhing binuhat nga nag-ingon, “Duol ngari!”

Gipadayag 6:5

Ug sa pagbukas niya sa ikatulong silyo, akong nadungog ang ikatulo nga buhing binuhat nga nag-ingon “Duol ngari!” Ug akong nakita ang usa ka itom nga kabayo, ug ang nagkabayo niini may timbangan diha sa iyang kamot.

Gipadayag 6:7

Ug sa pagbukas niya sa ikaupat nga silyo, akong nadungog ang tingog sa ikaupat nga buhing binuhat nga nag-ingon, “Duol ngari!”

Gipadayag 6:9

Ug sa pagbukas niya sa ikalimang silyo, akong nakita nga sa ilalom sa halaran diha ang mga kalag sa mga gipamatay tungod sa pulong sa Dios ug tungod sa pagpamatuod nga ilang gihimo.