Gipadayag 7:4

Ang Biblia 2011

Ug nadungog nako ang gidaghanon sa gipatikan, 144,000 ka pinatikan, gikan sa matag banay sa mga anak ni Israel:

Cross References

Genesis 15:5

Ug gipagula niya siya ug giingnan, “Hangad sa langit ug ihapa ang mga bituon kon makahimo ka ba sa pag-ihap kanila.” Ug siya miingon kaniya, “Ingon usab niana ang imong kaliwatan.”

Exodo 28:21

Kinahanglan nga adunay napulo ug duha ka bato uban sa ilang mga ngalan sumala sa mga ngalan sa mga anak nga lalaki ni Israel. Kinahanglan nga sama sila sa mga silyo, ang matag usa sumala sa iyang ngalan, sa napulo ug duha ka banay.

Ezequiel 47:13

Mao kini ang giingon sa Ginoong Dios: “Kini mao ang mga utlanan, nga pinaagi niini bahinon ninyo ang yuta nga panulundon sumala sa napulo ug duha ka banay sa Israel. Si Jose makadawat ug duha ka bahin.

Ezequiel 48:19

Ang mga nag-alagad sa siyudad nga gikan sa tanang mga banay sa Israel mag-uma niini.

Ezequiel 48:31

adunay tulo ka ganghaan, ang ganghaan ni Ruben, ang ganghaan ni Juda ug ang ganghaan ni Levi. Ang mga ganghaan sa siyudad ginganlan sumala sa mga banay sa Israel.

Zacarias 9:1

Ang pulong sa Ginoo batok sa yuta sa Hadrac, ug mopahiluna diha sa Damasco. Kay iya sa Ginoo ang mga siyudad sa Aram, bisan ingon sa tanang banay sa Israel.

Mateo 19:28

Si Jesus miingon kanila, “Sa pagkatinuod, sultihan ko kamo nga sa bag-ong kalibotan, sa diha nga ang Anak sa Tawo molingkod na sa iyang mahimayaong trono, kamo nga nagsunod kanako molingkod usab sa napulo ug duha ka trono ug inyong hukman ang napulo ug duha ka banay sa Israel.

Lucas 14:22

Unya ang sulugoon miingon, ‘Ginoo, nabuhat na nako ang imong gisugo, apan aduna pa gihapoy mga bakanteng dapit.’

Lucas 22:30

aron mangaon ug manginom kamo diha sa akong lamisa sa akong gingharian, ug maglingkod sa mga trono nga maghukom sa napulo ug duha ka banay sa Israel.

Mga Buhat 26:7

nga maoy gilaoman nga kab-oton sa atong napulo ug duha ka banay, samtang nagsimba sila nga mainiton gayod sa adlaw ug gabii. Ug tungod niining maong paglaom, O hari, gisumbong ako sa mga Judio.

Roma 9:27

Ug si Isaias mituaw mahitungod sa Israel, “Bisan pa kon ang gidaghanon sa mga anak ni Israel sama sa balas sa dagat, ang mahibilin lamang mao ang maluwas,

Santiago 1:1

Si Santiago, ulipon sa Dios ug sa Ginoong Jesu-Cristo; Alang sa napulo ug duha ka banay nga nagkatibulaag: Kumosta.

Gipadayag 14:1

Unya ako mitan-aw ug akong nakita nga diha sa Bukid sa Zion nagtindog ang Nating Karnero, ug uban kaniya ang 144,000 ka tawo nga nagbaton sa iyang ngalan ug sa ngalan sa iyang Amahan nga nasulat diha sa ilang mga agtang.

Gipadayag 14:3

Ug sila nag-awit sa usa ka bag-ong awit diha sa atubangan sa trono ug sa atubangan sa upat ka buhing binuhat ug sa atubangan sa mga kadagkoan. Walay laing nakakat-on sa maong awit gawas sa 144,000 nga gilukat gikan sa kalibotan.

Gipadayag 7:5

napulo ug duha ka libo ang gipatikan sa banay ni Juda, napulo ug duha ka libo sa banay ni Ruben, napulo ug duha ka libo sa banay ni Gad,

Gipadayag 9:16

Ang gidaghanon sa kasundalohan nga nagkabayo duha ka napulo ka libo pil-on ug napulo ka libo, akong nadungog ang ilang gidaghanon.