Gipadayag 7:2

Ang Biblia 2011

Unya akong nakita ang laing anghel nga mikayab gikan sa silangan sa adlaw ug nagdala sa silyo sa buhi nga Dios. Ug sa kusog nga tingog iyang gisinggitan ang upat ka anghel nga gitugyanan sa paghimo ug kadaot sa yuta ug sa dagat,

Cross References

2 Mga Hari 19:4

Tingali ang Ginoo nga imong Dios nakadungog sa mga pulong sa Rabsakes, nga gipadala sa hari sa Asiria nga iyang agalon aron sa pagbiaybiay sa buhing Dios ug mobadlong sa mga pulong nga nadungog sa Ginoo nga imong Dios. Busa ipatugbaw ang imong pag-ampo alang sa mga nahibilin.”

Awit sa mga Awit 8:6

Ipahimutang ako ingon nga patik sa imong kasingkasing, ingon nga patik sa imong bukton; kay ang gugma kusgan sama sa kamatayon, ang pangabubho bangis sama sa lubnganan. Ang mga pangidlap niini pangidlap sa kalayo, kalayo nga nagdilaab sa hilabihan.

Isaias 41:2

Kinsay nag-aghat sa usa nga gikan sa silangan, nga gitagbo sa kadaogan diha sa matag lakang? Gitugyan niya ang mga nasod diha sa iyang atubangan nga tungod niana gipangyatakan niya ang mga hari; gihimo niya sila nga sama sa abog pinaagi sa iyang espada, sama sa uhot nga mapadpad sa iyang pana.

Ezequiel 9:4

Ug ang Ginoo miingon kaniya, “Lakaw, latas sa siyudad, latas sa Jerusalem, ug ibutang ang usa ka timaan diha sa mga agtang sa mga tawo nga nagpanghupaw ug nag-agulo tungod sa tanang mga dulumtanan nga gibuhat diha niini.”

Malaquias 3:1

“Tan-awa, ako magpadala sa akong sinugo, aron sa pag-andam sa dalan una kanako, ug sa kalit ang Ginoo nga inyong gipangita moabot sa iyang Templo; ang sinugo sa kasabotan nga inyong gikahimut-an, siya moabot na, nag-ingon ang Ginoo sa mga panon.

Malaquias 4:2

Apan kaninyo nga may kahadlok sa akong ngalan, ang adlaw sa pagkamatarong mosubang nga nagdala ug kaayohan sa iyang mga pako. Kamo manggula nga magluksolukso sama sa mga nating baka sa toril.

Mateo 16:16

Si Simon Pedro, mitubag nga nag-ingon, “Ikaw mao ang Cristo, ang Anak sa buhing Dios.”

Mateo 26:63

Apan si Jesus nagpakahilom lamang. Ug ang labawng pangulong pari miingon kaniya, “Nagsugo ako kanimo sa ngalan sa buhing Dios, sa pagtug-an kanamo, kon ikaw mao ba ang Cristo, ang Anak sa Dios.”

Juan 6:27

Ayaw kamo paghago alang sa pagkaon nga mahanaw ra kondili alang sa pagkaon nga molungtad ngadto sa kinabuhing dayon nga ihatag kaninyo sa Anak sa Tawo kay diha kaniya ang Dios nga Amahan nagpatik sa iyang timaan.”

2 Mga Taga-Corinto 1:22

Siya mao ang nagselyo kanamo ug naghatag sa iyang Espiritu ingon nga pasalig diha sa among mga kasingkasing.

Mga Taga-Efeso 1:13

Pinaagi kaniya kamo usab, sa inyong pagkadungog sa pulong sa kamatuoran, sa Maayong Balita mahitungod sa inyong kaluwasan ug sa inyong pagtuo diha kaniya, gipatikan pinaagi sa gisaad nga Espiritu Santo.

Mga Taga-Efeso 4:30

Ug ayaw ninyo pasub-a ang Espiritu Santo sa Dios, nga pinaagi kaniya gipatikan kamo alang sa adlaw sa pagtubos.

Deuteronomio 5:26

Kay kinsa ba diha sa tanang tawo nga nakadungog sa tingog sa buhing Dios nga nagsulti gikan sa taliwala sa kalayo, sama sa atong nasinati ug nabuhi pa gihapon?

1 Mga Taga-Tesalonica 1:9

Kay sila gayod ang nagbalita kaninyo mahitungod kanamo, kon giunsa ninyo kami pag-abi-abi ug giunsa ninyo pagdangop sa Dios gikan sa mga diosdios, aron sa pag-alagad sa buhi ug matuod nga Dios,

2 Timoteo 2:19

Apan ang lig-on nga patukoranan sa Dios nagpabilin sa pagbarog, nagdala niining timaan, “Ang Ginoo nakaila sa mga iya,” ug “Ang matag usa nga nagsangpit sa ngalan sa Ginoo kinahanglang mobiya sa pagkadaotan.”

Mga Hebreo 12:22

Apan kamo midangat sa Bukid sa Zion ug sa lungsod sa Dios nga buhi, sa langitnon nga Jerusalem, ug sa mga libo ka libong mga anghel,

Gipadayag 1:3

Bulahan ang magbasa ug mamati sa mga pulong sa propesiya, ug magtuman sa nasulat niini kay ang panahon duol na.

Gipadayag 10:1

Unya nakita nako ang laing gamhanang anghel nga nanaog gikan sa langit, sinul-oban ug panganod, ug dihay bangaw sa iyang ulo. Ang iyang nawong sama sa adlaw, ug ang iyang mga bitiis sama sa mga haligi nga kalayo.

Gipadayag 10:4

Ug sa nakatingog na ang pito ka dalugdog, isulat ko na unta kini, apan akong nadungog gikan sa langit ang usa ka tingog nga nag-ingon, “Timan-i ang gisulti sa pito ka dalugdog, ug ayaw kini isulat.”

Gipadayag 16:12

Ang ikaunom nga anghel miyabo sa iyang panaksan sa ibabaw sa dakong suba sa Eufrates, ug nahubsan kini sa tubig aron sa pagtagana ug agianan alang sa mga hari gikan sa silangan.

Gipadayag 5:2

Ug nakita nako ang usa ka kusgan nga anghel nga nagpahibalo pinaagi sa kusog nga tingog, “Kinsa ba ang takos sa pagbukas sa basahong linukot ug sa pagtangtang sa mga silyo niini?”

Gipadayag 8:3

Ug usa pa ka laing anghel mitungha ug mitindog dapit sa halaran nga nagbitbit ug bulawan nga sudlanan ug insenso, ug gihatagan siya ug daghang insenso aron iuban sa mga pag-ampo sa mga balaan ibabaw sa bulawan nga halaran atubangan sa trono.

Gipadayag 9:14

nga nag-ingon sa ikaunom nga anghel nga may trumpeta, “Buhii ang upat ka anghel nga gigapos didto sa dakong suba sa Eufrates.”

Gipadayag 9:4

Ug sila gimandoan nga dili nila dagmalan ang tanom sa yuta, o ang bisan unsang lunhaw nga nagtubo, o ang bisan unsang kahoy, kondili ang mga tawo lamang nga walay silyo sa Dios diha sa ilang mga agtang.

1 Samuel 17:26

Si David miingon sa mga tawo nga nagtindog tupad kaniya, “Unsay buhaton sa tawo nga makapatay niining Filistihanon, ug makakuha sa pagkatalamayon sa Israel? Kay kinsa ba kining dili tinuli nga Filistihanon nga siya naghagit man sa mga panon sa kasundalohan sa buhing Dios?”

1 Samuel 17:36

Ang imong sulugoon nakapatay ug mga liyon ug mga oso ug kining dili tinuli nga Filistihanon mahimong sama sa usa kanila, sa pagtan-aw nga siya naghagit sa kasundalohan sa Dios nga buhi.”