Gipadayag 4:3

Ang Biblia 2011

Ug ang naglingkod niini may panagway nga daw mutya nga haspe ug cornalina, ug libot sa trono dihay bangaw nga daw esmeralda.

Cross References

Exodo 24:10

Ug ilang nakita ang Dios sa Israel ug diha sa ubos sa iyang mga tiil ang daw usa ka agianan nga safiro ug sama sa langit gayod ang iyang katin-aw.

Exodo 28:18

Ang ikaduha nga laray, esmeralda, sapiro ug diamante.

Exodo 39:11

Sa ikaduha nga laray, esmeralda, sapiro ug diamante.

Isaias 6:1

Sa tuig nga namatay si hari Uzias, nakita nako ang Ginoo nga naglingkod sa usa ka trono, taas ug tinuboy; ug ang iyang mga bisti milukop sa Templo.

Ezequiel 1:26

Ug ibabaw sa atop-atop nga diha sa ibabaw sa ilang mga ulo dihay daw trono nga sama ug panagway sa usa ka bato nga sapiro, ug diha sa daw trono, dihay daw tawo nga naglingkod niini.

Ezequiel 1:28

Sama sa dagway sa bangaw nga anaa sa panganod sa adlaw nga may ulan, mao usab ang dagway sa kasanag nga naglibot. Ingon niini ang dagway sa himaya sa Ginoo. Ug sa diha nga nakita nako kini, ako mihapa ug nadungog nako ang usa ka tingog sa usa nga nagsulti.

Ezequiel 10:1

Unya ako mitan-aw ug nakita nako didto sa atop-atop, nga diha sa ibabaw sa ulo sa mga kerubin, nga dihay mitunga sa ibabaw nila nga sama sa bato nga sapiro, nga ang dagway daw usa ka trono.

Ezequiel 28:13

Ikaw didto sa Eden, ang tanaman sa Dios; ang tanang mahalon nga bato maoy imong hapin, ang kornalina, ang topasyo, ug ang haspe, ang krisolito, ang berilo, ug ang onyx, ang sapiro, ug ang karbungko, ug ang esmeralda; ug hinimo sa bulawan ang imong kuwentas ug ang imong mga kinulit. Sa adlaw sa pagbuhat kanimo kini giandam.

Gipadayag 10:1

Unya nakita nako ang laing gamhanang anghel nga nanaog gikan sa langit, sinul-oban ug panganod, ug dihay bangaw sa iyang ulo. Ang iyang nawong sama sa adlaw, ug ang iyang mga bitiis sama sa mga haligi nga kalayo.

Gipadayag 21:11

nga may himaya sa Dios, nga ang kasanag sama sa usa ka batong mahalon nga talagsaon kaayo, sama sa batong haspe, tin-aw daw kristal.