Gipadayag 3:3

Ang Biblia 2011

Busa hinumdomi ang imong nadawat ug nadungog; tumana kini ug paghinulsol. Kay kon dili ka man magmata, moanha ako sama sa kawatan, ug dili nimo mahibaloan ang takna sa akong pag-anha kanimo.

Cross References

Ezequiel 20:43

Ug didto mahinumdom kamo sa inyong mga pamaagi, ug sa tanan ninyong mga binuhatan, nga niini kamo naghugaw sa inyong kaugalingon, ug kamo lud-on sa inyong kaugalingon tungod sa tanang kadaotan nga inyong nabuhat.

Ezequiel 36:31

Unya mahinumdom kamo sa inyong mga daotang pamaagi ug sa inyong mga buhat nga dili maayo, ug ngil-aran kamo sa inyong kaugalingon tungod sa inyong mga kasal-anan ug sa inyong mga dulumtanang buhat.

Mateo 25:13

Busa pagtukaw kamo kay wala kamo mahibalo sa adlaw o sa takna.

Marcos 13:33

Pagbantay, pagtukaw, kay wala kamo masayod sa panahon nga mahitabo kini.

Marcos 13:36

kay tingali unya ug mokalit lamang siya pag-abot ug makaplagan kamo niya nga nangatulog.

1 Mga Taga-Tesalonica 5:2

Kay kamo nasayod na pag-ayo nga ang adlaw sa Ginoo moabot ra unya sama sa kawatan sa kagabhion.

1 Timoteo 6:20

O Timoteo, matngoni ang mga butang nga gisalig diha kanimo. Likayi ang mga sultisulti nga dili diosnon ug ang mga pagsumpakiay nga gitawag ug kahibalo apan dili tinuod nga kahibalo,

2 Timoteo 1:13

Sunda ang sumbanan sa mga maayong pulong nga imong nadungog gikan kanako, diha sa pagtuo ug sa gugma nga anaa kang Cristo Jesus.

Mga Hebreo 2:1

Busa gikinahanglan nga tagdon pa gayod nato pag-ayo ang mga butang nga atong nadungog, kay basin unya ug maanod kita gikan niini.

2 Pedro 1:13

Akong giisip nga matarong ang pagdasig kaninyo pinaagi sa pagpahinumdom, samtang ania pa ako niining lawas,

2 Pedro 3:1

Mga hinigugma, kini karon mao ang ikaduhang sulat nga akong gisulat kaninyo, nga niini nagdasig ako sa inyong lunsay nga salabotan agi ug pagpahinumdom,

2 Pedro 3:10

Apan ang adlaw sa Ginoo moabot sama sa usa ka kawatan, ug unya ang mga langit mahanaw uban sa dakong dahunog, ug ang mga butang sa kinaiyahan mangatunaw tungod sa hilabihang kainit ug ang yuta ug ang mga buhat nga anaa niini mabutyag.

Gipadayag 16:15

“Tan-awa, moanhi ako sama sa kawatan! Bulahan ang magtukaw nga mag-amping sa iyang mga bisti aron dili siya maglakaw nga hubo ug madayag ang iyang pagkamakauulaw!”

Gipadayag 2:25

kupti lamang ninyo pag-ayo ang anaa kaninyo, hangtod sa akong pag-anha.

Gipadayag 2:5

Busa hinumdomi diin ikaw gikan sa imong pagkahulog, ug paghinulsol ug buhata ang mga buhat nga imong gihimo kaniadto. Kay kon dili, anhaon ko ikaw ug kuhaon nako ang imong lamparahan gikan sa iyang dapit, gawas kon ikaw maghinulsol.

Gipadayag 22:7

Ug tan-awa, moabot ako sa dili madugay.” Bulahan ang magbantay sa mga pulong sa propesiya niining basahona.

Gipadayag 3:11

Moanha na ako sa dili madugay. Kupti pag-ayo ang anaa kanimo aron walay makailog sa imong purongpurong.

Gipadayag 3:19

Sila nga akong gihigugma akong gibadlong ug gipanton, busa kinahanglang magmadasigon ikaw ug maghinulsol.

Gipadayag 3:2

Pagmata, ug lig-ona ang nahibilin nga hapit na mamatay, kay wala akoy nakita nga hingpit na sa imong mga buhat atubangan sa akong Dios.