Gipadayag 3:2

Ang Biblia 2011

Pagmata, ug lig-ona ang nahibilin nga hapit na mamatay, kay wala akoy nakita nga hingpit na sa imong mga buhat atubangan sa akong Dios.

Cross References

1 Mga Hari 11:4

Kay sa diha nga si Solomon natigulang na, ang iyang mga asawa nakapasimang sa iyang kasingkasing sa pagsimba sa laing mga dios ug ang iyang kasingkasing wala magmatinud-anon sa Ginoo nga iyang Dios, sama sa kasingkasing ni David nga iyang amahan.

1 Mga Hari 15:3

Ug nagkinabuhi siya diha sa tanang sala nga gibuhat sa iyang amahan nga una kaniya ug ang iyang kasingkasing dili gayod matinud-anon sa Ginoo nga iyang Dios, sama sa kasingkasing ni David nga iyang amahan.

2 Cronicas 25:2

Siya nagbuhat sa matarong diha sa mga mata sa Ginoo, apan dili sa usa ka putli nga kasingkasing.

Job 16:5

Makalig-on ako kaninyo pinaagi sa akong baba, ug ang paglipay sa akong mga ngabil makahupay sa inyong kasakit.

Isaias 35:3

Lig-ona ang mga kamot nga luya, ug lig-ona ang mga tuhod nga huyang.

Isaias 56:10

Ang iyang mga tigbantay mga buta, silang tanan mga walay kahibalo; silang tanan pulos mga amang nga iro, sila dili makausig; nagdamgo, naghigda, mahigugmaon sa pagkatulog.

Isaias 57:12

Ako magsugilon mahitungod sa imong pagkamatarong ug sa imong mga buhat, apan kini dili makatabang kanimo.

Ezequiel 34:16

Pangitaon nako kadtong nawala, pabalikon kadtong nagkatibulaag sa layo, bugkosan ang napiang ug palig-onon ang nagmaluyahon, apan akong laglagon ang mga tambok ug kusgan, sila pasibsibon nako diha sa hustisya.

Daniel 5:27

TEKEL, ikaw gitimbang diha sa timbangan ug nakita nga kulangan.

Zacarias 11:16

Kay tan-awa, pabarogon nako ang usa ka tigbantay sa karnero diha sa yuta, nga dili magtagad sa mga nagkalaglag o mangita sa mga nangawala o mag-ayo sa nangapiang o magpakaon sa mga maayo ug panglawas, hinuon maglamoy sa unod sa mga tambok nga karnero, maglaksi sa ilang mga kuko.

Mateo 23:5

Apan ang tanan nilang buhat gihimo aron lamang sa pagpasundayag ngadto sa mga tawo kay gipadak-an nila ang ilang mga pilakterya diha sa ilang ulo ug bukton ug gipatas-an nila ang ilang mga borlas sa sidsid sa ilang mga bisti.

Mateo 25:13

Busa pagtukaw kamo kay wala kamo mahibalo sa adlaw o sa takna.

Mateo 25:7

Ug namangon kadtong tanang mga dalaga ug giandam nila ang ilang mga lampara.

Mga Buhat 18:23

Human makapabilin didto ug igo nga panahon, siya migikan ug miadto sa tanang dapit sa tibuok kayutaan sa Galacia ug Frigia, naglig-on sa tanang mga tinun-an.

Deuteronomio 3:28

Apan sugoa si Josue ug dasiga ug lig-ona siya kay siya moadto nga mangulo niining katawhan, ug siya magpahiluna kanila sa pagpanag-iya sa yuta nga imong makita.’

1 Pedro 4:7

Ang kataposan sa tanang butang nagkaduol na, busa batoni ninyo ang maayong panghunahuna ug maayong panimuot alang sa mga pag-ampo.

1 Pedro 5:8

Pagmaigmat, pagbantay kanunay. Ang inyong kaaway nga mao ang yawa naglibotlibot sama sa liyon nga nagngulob ug nangita ug iyang matukob.

Gipadayag 16:15

“Tan-awa, moanhi ako sama sa kawatan! Bulahan ang magtukaw nga mag-amping sa iyang mga bisti aron dili siya maglakaw nga hubo ug madayag ang iyang pagkamakauulaw!”

Gipadayag 2:4

Apan aduna akoy butang nga batok kanimo, nga imong gibiyaan ang paghigugma nga diha kanimo kaniadto.

Gipadayag 3:1

“Ug ngadto sa anghel sa iglesia sa Sardis, isulat kini: ‘Mao kini ang mga pulong sa naghupot sa pito ka espiritu sa Dios ug sa pito ka mga bituon. “ ‘Nasayod ako sa imong mga buhat, nailhan ikaw nga buhi, apan ikaw patay.

Gipadayag 3:3

Busa hinumdomi ang imong nadawat ug nadungog; tumana kini ug paghinulsol. Kay kon dili ka man magmata, moanha ako sama sa kawatan, ug dili nimo mahibaloan ang takna sa akong pag-anha kanimo.