Gipadayag 2:3

Ang Biblia 2011

Nasayod ako nga ikaw naglahutay ug nagpailob tungod sa akong ngalan, ug nga ikaw wala abota ug kapuol.

Cross References

Salmo 37:7

Paghilom diha sa Ginoo ug paghulat nga mapailobon kaniya; ayaw kaguol tungod kaniya nga nagmauswagon sa iyang dalan, tungod sa tawo nga naghimo ug daotan nga mga laraw.

Salmo 69:7

Kay kini tungod ug alang kanimo nga ako nag-antos sa pagtamay, ang kaulaw mitabon sa akong nawong.

Miqueas 7:9

Antoson nako ang kapungot sa Ginoo kay nakasala man ako batok kaniya, hangtod nga siya maglaban kanako, ug magpahamtang sa hukom alang kanako. Dad-on niya ako ngadto sa kahayag; ako makakita sa iyang pagkamatarong.

Marcos 15:21

Unya ilang gipugos sa pagpapas-an sa iyang krus ang usa ka lumalabay nga miabot sa siyudad gikan sa balangay, si Simon nga taga-Cirene nga amahan nila ni Alejandro ug ni Rufo.

Lucas 14:27

Si bisan kinsa nga dili mopas-an sa iyang krus ug mosunod kanako, dili siya mahimo nga akong tinun-an.

Lucas 18:1

Unya gisuginlan sila ni Jesus ug usa ka sambingay aron pagpaila nga kinahanglang mag-ampo sila kanunay ug dili maluya.

Lucas 21:19

Pinaagi sa inyong pagkamalahutayon, maangkon ninyo ang inyong mga kinabuhi.

Lucas 5:5

Unya si Simon mitubag kaniya, “Ginoo, tibuok gabii kaming naghago ug wala gayod kami makakuha! Apan tungod sa imong sulti akong itaktak ang mga pukot.”

Lucas 8:15

Apan kadtong diha sa maayong yuta, mao kadto sila nga sa ilang pagkadungog sa pulong misagop niini uban sa matinud-anon ug maayong kasingkasing, ug namunga uban ang pailob.

Juan 15:21

Apan kining tanan ilang buhaton kaninyo tungod sa akong ngalan kay sila wala man makaila kaniya nga nagpadala kanako.

Roma 12:12

Paglipay kamo diha sa paglaom, pailob diha sa kasakitan, pag-ampo kanunay.

Roma 16:12

Ipangumosta ako kang Trifena ug Trifosa nga mga naghago diha sa Ginoo. Ipangumosta ako kang Persida, nga akong minahal, nga naghago pag-ayo diha sa Ginoo.

Roma 2:7

kinabuhing dayon alang niadtong nangita sa himaya ug sa kadungganan ug sa pagkadili madunoton pinaagi sa paglahutay diha sa maayong buhat,

Roma 8:25

Apan kon maglaom kita alang sa butang nga wala makita, magpaabot kita niini uban sa pagpailob.

1 Mga Taga-Corinto 13:7

moantos sa tanang butang, motuo sa tanang butang, molaom sa tanang butang, molahutay sa tanang butang.

1 Mga Taga-Corinto 16:16

Naghangyo ako kaninyo nga kamo magpailalom sa mga tawo nga ingon kanila ug sa tanang mga kauban sa buhat ug magbubuhat.

2 Mga Taga-Corinto 10:15

Wala kami magpasigarbo lapaw sa among sukod diha sa mga hinagoan sa ubang tawo. Hinuon ang among paglaom mao nga sa diha nga magtubo ang inyong pagtuo, modako unta ang luna sa among paghago diha kaninyo,

2 Mga Taga-Corinto 11:23

Mga alagad ba sila ni Cristo? Labaw pa ako (nagsulti ako ingon nga buangbuang), labaw pa ka dako ang akong mga pagbudlay, labaw ka daghan ang akong pagkabilanggo, dili maihap ang mga pagbunal ug sa makadaghan nag-ungaw sa kamatayon.

2 Mga Taga-Corinto 4:1

Busa sa among pagkabaton niining maong pagpangalagad kay kami gikaluy-an, wala kami maluya.

2 Mga Taga-Corinto 4:16

Busa kami wala maluya. Ug bisan tuod nagkahugo na ang gawas nga bahin sa among pagkatawo, ang among pagkatawo sa sulod gibag-o sa matag adlaw.

2 Mga Taga-Corinto 5:9

Busa sa ingon niana, maania man kita sa atong balay o mahilayo, kita nagtinguha sa pagpahimuot kaniya.

2 Mga Taga-Corinto 6:5

sa mga pagbunal, sa pagkabilanggo, sa mga kagubot, sa mga kahago, sa mga pagtukaw, sa kagutom,

Mga Taga-Galacia 6:2

Pagyayongay kamo sa mga kabug-at sa usa ug usa, ug sa ingon niana matuman ninyo ang balaod ni Cristo.

Mga Taga-Galacia 6:9

Ug kinahanglang dili kita maluya sa pagbuhat ug maayo, kay sa tukma nga panahon kita mag-ani kon kita dili maluya.

Mga Taga-Filipos 2:16

nga nagpadayon sa pagtanyag sa pulong alang sa kinabuhi, aron nga sa adlaw unya ni Cristo ako mapasigarbohon nga ako wala diay magdagan nga walay pulos o maghago nga walay pulos.

Mga Taga-Filipos 4:3

Naghangyo usab ako kaninyo akong matuod nga kaubang magbubuhat, tabangi ang maong mga babaye nga naghago uban kanako diha sa Maayong Balita uban kang Clemente ug sa uban nakong mga kaubang magbubuhat nga ang mga ngalan anaa sa basahon sa kinabuhi.

Mga Taga-Colosas 1:11

Hinaot unta nga malig-on kamo sa tanang kusog, sumala sa iyang mahimayaong gahom, alang sa tanang paglahutay ug pagpailob uban sa kalipay,

1 Mga Taga-Tesalonica 1:3

naghinumdom sa inyong buhat sa pagtuo ug pangabudlay sa gugma ug sa malahutayong paglaom diha sa atong Ginoong Jesu-Cristo atubangan sa Dios ug Amahan nato.

1 Mga Taga-Tesalonica 2:9

Kay kamo, mga igsoon, mahinumdom sa among paghago ug pagbudlay samtang kami nagwali kaninyo sa Maayong Balita sa Dios, kami usab naghago sa gabii ug sa adlaw aron kami dili makahatag ug kabug-at kang bisan kinsa kaninyo.

1 Mga Taga-Tesalonica 5:12

Karon, naghangyo kami kaninyo, mga igsoon, sa pag-ila sa mga naghago diha kaninyo ug nangulo kaninyo diha sa Ginoo ug nagmaymay kaninyo,

2 Mga Taga-Tesalonica 3:13

Mga igsoon, ayaw kamo kaluya sa pagbuhat ug maayo.

2 Mga Taga-Tesalonica 3:5

Hinaot unta nga ang Ginoo magtultol sa inyong kasingkasing ngadto sa gugma sa Dios ug ngadto sa pagkamalahutayon ni Cristo.

2 Mga Taga-Tesalonica 3:8

Kami wala magkaon sa pagkaon ni bisan kinsa nga walay bayad, hinuon, naghago ug nagbudlay sa gabii ug sa adlaw aron kami dili mahimong palas-anon ni bisan kinsa kaninyo.

1 Timoteo 4:10

Kay tungod niini kita naghago ug nanglimbasog, kay ato mang gipahimutang ang atong paglaom diha sa buhing Dios, nga mao ang Manluluwas sa tanang tawo, ilabina gayod sa mga nagtuo.

1 Timoteo 5:17

Ang mga kadagkoan nga maayong nagdumala kinahanglang isipon nga takos sa duha ka pilo nga pasidungog, ilabina kadtong naghago diha sa pulong ug sa pagpanudlo.

Mga Hebreo 10:36

Kay kamo nagkinahanglan ug pailob, aron kamo makatuman sa kabubut-on sa Dios ug makadawat sa gisaad.

Mga Hebreo 12:1

Busa kay gilibotan man kita sa ingon ka baga nga panganod sa mga saksi, sinalikway ang tanang pagkamalahutayon ug ang sala nga daling mobalikos kanato, managan kita uban sa lahutay sa lumba nga gibutang sa atong atubangan,

Mga Hebreo 13:13

Busa mangadto kita kaniya sa gawas sa kampo, nga magpas-an sa mga pagtamay kaniya.

Mga Hebreo 6:10

Kay ang Dios dili daotan nga tungod niana kalimtan na lamang niya ang inyong buhat ug ang gugma nga inyong gipadayag alang kaniya pinaagi sa inyong pag-alagad sa mga balaan, sama sa inyo pa gihapong gibuhat.

Mga Hebreo 6:12

aron dili kamo magtapol, hinuon mosundog kanila nga nakapanunod sa mga saad tungod sa ilang pagtuo ug pailob.

Mga Hebreo 6:15

Busa siya nga mapailobon nakakab-ot gayod sa gisaad.

2 Pedro 1:6

ug sa kahibalo ang pagpugong sa kaugalingon, ug sa pagpugong sa kaugalingon ang pagkamalahutayon, ug sa pagkamalahutayon ang pagkadiosnon,

Gipadayag 1:9

Ako, si Juan, ang inyong igsoon ug nakig-ambit uban kaninyo sa kasakit ug sa gingharian ug sa paglahutay diha kang Jesus. Ako didto sa pulo nga gitawag ug Patmos tungod sa pulong sa Dios ug sa pagpamatuod mahitungod kang Jesus.

Gipadayag 3:10

Tungod kay gituman man nimo ang akong pulong sa pagkamalahutayon, bantayan ko ikaw nga malikay gikan sa takna sa pagsulay nga hapit na moabot sa tibuok kalibotan aron sa pagsulay sa mga nagpuyo sa yuta.