Gipadayag 19:4

Ang Biblia 2011

Ug mihapa ang 24 ka kadagkoan ug ang upat ka buhing binuhat, ug ilang gisimba ang Dios nga naglingkod sa trono, nga nag-ingon, “Amen. Aleluya!”

Cross References

Gipadayag 5:14

Ug ang upat ka buhing binuhat miingon, “Amen!” ug ang mga kadagkoan mihapa ug misimba.

Salmo 106:48

Dalaygon ang Ginoo, ang Dios sa Israel, sukad sa walay sinugdan ngadto sa walay kinutoban! Ug paingna ang tibuok nga katawhan, “Amen!” Dayega ang Ginoo!

Nehemias 8:6

Unya gidayeg ni Ezra ang Ginoo, ang gamhanang Dios, ug ang tibuok katawhan mitubag, “Amen, Amen,” binayaw ang ilang mga kamot ug ilang giduko ang ilang mga ulo ug gisimba ang Ginoo nga ang ilang mga nawong nag-atubang sa yuta.

Gipadayag 19:1

Human niini nadungog nako ang daw kusog nga tingog sa usa ka dakong panon didto sa langit, nga nag-ingon, “Aleluya! Ang kaluwasan ug ang himaya ug ang gahom iya sa atong Dios;

Gipadayag 15:7

Ug ngadto sa pito ka anghel gihatag sa usa sa upat ka buhing binuhat ang pito ka bulawang panaksan nga puno sa kapungot sa Dios nga buhi hangtod sa kahangtoran.

Jeremias 28:6

ug ang propeta nga si Jeremias miingon, “Amen! Buhaton unta kana sa Ginoo. Himoon unta sa Ginoo nga matinuod ang mga pulong nga imong gipropesiya, ug dad-on pag-usab nganhi niining dapita gikan sa Babilonia ang mga kagamitan sa balay sa Ginoo, ug ang tanan nga mga binihag.

Salmo 89:52

Dalaygon ang Ginoo hangtod sa kahangtoran! Amen ug Amen.

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Salmo 41:13

Dalaygon ang Ginoo, ang Dios sa Israel, gikan sa walay kataposan ngadto sa walay kataposan! Amen ug Amen.

Nehemias 5:13

Giyabyab usab nako ang akong bakos nga panapton ug miingon, “Sa ingon niini ang Dios magpapahawa unta sa matag tawo nga dili magtuman niining saad gikan sa iyang balay ug gikan sa iyang buhat. Sa ingon niini iyabyab unta siya ug kuhaan sa sulod.” Ug ang tibuok nga katilingban miingon, “Amen,” ug nagdayeg sa Ginoo. Ug ang katawhan nagbuhat sumala sa ilang gisaad.

1 Cronicas 16:36

Dalaygon ang Ginoo, ang Dios sa Israel, sukad sa walay kataposan hangtod sa walay kataposan!” Unya ang tanang katawhan miingon, “Amen!” ug nagdayeg sa Ginoo.

1 Mga Taga-Corinto 14:16

Kay kon dili, bisan kon magpasalamat ikaw uban sa espiritu, unsaon man niya nga anaa sa dapit nga walay kahibalo sa pag-ingon ug “Amen” sa imong pagpasalamat nga dili man siya makasabot sa imong gipanulti?

Mateo 28:20

nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”

Mateo 6:13

ug ayaw kami itugyan sa pagsulay kondili luwasa kami gikan sa daotan.

Salmo 104:35

Maut-ot unta ang mga makasasala gikan sa yuta, ug mahanaw unta ang mga daotan! Dayega ang Ginoo, O akong kalag! Dayega ang Ginoo!

Gipadayag 19:3

Ug miusab sila sa pagsinggit nga nag-ingon, “Aleluya! Ang iyang aso mag-utbo hangtod sa kahangtoran.”

Gipadayag 19:6

Unya nadungog nako ang daw tingog sa usa ka dakong panon, sama sa kagahob sa daghang mga tubig ug sama sa kagahob sa kusog nga mga pagdalugdog, nga nagsinggit, “Aleluya! Kay naghari ang Ginoo nga atong Dios nga Makagagahom sa Tanan.