Gipadayag 13:6

Ang Biblia 2011

Ug siya mibuka sa iyang baba aron sa paglitok ug mga pagpasipala batok sa Dios, sa pagpasipala batok sa iyang ngalan, ug batok sa iyang puluy-anan, kanila nga nagpuyo sa langit.

Cross References

Job 3:1

Human niini gibuka ni Job ang iyang baba ug gipanghimaraot ang adlaw sa iyang pagkahimugso.

Salmo 73:9

Gipahimutang nila ang ilang mga baba batok sa kalangitan, ug ang ilang dila naglakaw latas sa yuta.

Daniel 11:36

“Ug ang hari magbuhat sumala sa iyang kabubut-on, siya magpasidungog sa iyang kaugalingon ug magpadako sa iyang kaugalingon labaw sa tanang dios ug magsulti ug mga katingalahang butang batok sa Dios sa mga dios. Siya magmauswagon hangtod nga ang kayugot matuman kay unsa ang gitakda kinahanglang tumanon.

Daniel 7:25

Siya magsulti ug mga pulong batok sa Labing Halangdon, ug magluya sa mga balaan sa Labing Halangdon, ug maghunahuna sa pag-usab sa mga panahon ug sa balaod; ug sila ihatag sa iyang kamot sa usa ka higayon duha ka higayon ug sa katunga sa usa ka higayon.

Daniel 7:8

Akong gisud-ong ang mga sungay, ug dihay migula gikan kanila nga laing sungay nga gamay, nga sa atubangan niining tulo sa unang mga sungay giibot hangtod sa mga gamot, ug niining sungaya dihay mga mata nga sama sa mga mata sa tawo, ug usa ka baba nga nagsulti ug dagkong mga butang.

Mateo 12:34

Kamong mga kaliwat sa bitin! Unsaon man ninyo pagsultig maayo nga mga daotan man kamo? Kay gikan sa kapuno sa kasingkasing mosulti ang baba.

Mateo 15:19

Kay gikan sa kasingkasing mogula ang mga daotang hunahuna, pagpatay, panapaw, salawayong pakighilawas, pangawat, pagsaksi ug bakak, pagpasipala.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Roma 3:13

“Ang ilang tutunlan usa ka lubong nga binuksan, ang ilang dila gigamit sa paglimbong.” “Ang kalala sa mga bitin anaa sa ilalom sa ilang mga ngabil.”

Mga Taga-Colosas 1:19

Kay diha kaniya nahimuot sa pagpuyo ang tibuok nga kahingpitan sa Dios,

Mga Taga-Colosas 2:9

Kay diha kaniya nagpuyo sa linawas ang tibuok gayod nga pagka-Dios,

Mga Hebreo 9:2

Kay dihay gitukod nga usa ka tolda, kadtong una, diin didto ang lamparahan ug ang lamisa ug ang mga pan nga gibutang sa atubangan sa Dios, gitawag ug Dapit nga Balaan.

Mga Hebreo 9:24

Kay si Cristo misulod dili ngadto sa usa ka balaang dapit nga hinimo ug mga kamot, nga hulagway lamang sa matuod, kondili ngadto sa langit gayod, sa pagpangatubang karon alang kanato ngadto sa Dios.

Gipadayag 11:12

Unya nadungog nila gikan sa langit ang usa ka kusog nga tingog nga nag-ingon kanila, “Saka kamo ngari!” Ug misaka sila sa langit nga sinapwang sa panganod ug ang ilang mga kaaway nagtan-aw kanila.

Gipadayag 12:12

Busa paglipay, O kalangitan ug kamo nga mga nagpuyo niini! Apan alaot kamo, O yuta ug dagat, kay diha kaninyo nanaog ang yawa nga puno sa dakong kapungot kay nasayod man siya nga mubo na lamang ang iyang panahon!”

Gipadayag 15:5

Human niini mitan-aw ako, ug didto sa langit nabukas ang templo sa tolda sa pagpamatuod,

Gipadayag 18:20

Paglipay kamo tungod kaniya, O kalangitan, O mga balaan ug mga apostoles ug mga propeta, kay alang kaninyo gipakanaog na sa Dios ang hukom batok kaniya!”

Gipadayag 21:3

Ug nadungog nako gikan sa trono ang usa ka dakong tingog nga nag-ingon, “Tan-awa, ang puluy-anan sa Dios anaa uban sa mga tawo. Siya magpuyo uban kanila ug sila mahimo nga iyang mga katawhan, ug ang Dios gayod mao ang magkig-uban kanila ug mahimo nga ilang Dios.

Gipadayag 4:1

Human niini, mitan-aw ako, ug tan-awa, diha sa langit ang usa ka pultahan nga binuksan! Ug kadtong unang tingog nga akong nadungog nga misulti kanako nga daw trumpeta miingon, “Saka ngari, ug ipakita nako kanimo ang kinahanglang mahitabo human niini.”

Gipadayag 4:4

Ug libot sa trono dihay ug kawhaan ug upat ka trono, ug diha sa mga trono naglingkod ang kawhaan ug upat ka kadagkoan nga sinul-oban ug puti nga mga bisti ug may mga purongpurong nga bulawan diha sa ilang mga ulo.

Gipadayag 5:13

Ug nadungog nako ang tanang binuhat nga anaa sa langit ug sa yuta ug sa ilalom sa yuta ug anaa sa dagat, ug ang tanan nga diha niini, nga nag-ingon, “Ngadto kaniya nga naglingkod sa trono ug ngadto sa Nating Karnero ang pagdayeg ug ang kadungganan ug ang himaya ug ang gahom hangtod sa kahangtoran!”

Gipadayag 7:15

Tungod niini anaa sila sa atubangan sa trono sa Dios, ug nag-alagad kaniya sa adlaw ug sa gabii sulod sa iyang Templo, ug ang naglingkod sa trono magbuklad sa iyang tolda ibabaw kanila.

Gipadayag 7:9

Human niini akong nakita ang usa ka dakong panon sa katawhan nga walay bisan kinsa nga makaihap, gikan sa tanang kanasoran, gikan sa tanang kabanayan ug katawhan ug pinulongan, nagtindog sa atubangan sa trono ug sa atubangan sa Nating Karnero, nagsul-ob ug puti nga bisti nga tag-as ug nagkupot ug mga palwa sa palmera,