Gipadayag 11:12

Ang Biblia 2011

Unya nadungog nila gikan sa langit ang usa ka kusog nga tingog nga nag-ingon kanila, “Saka kamo ngari!” Ug misaka sila sa langit nga sinapwang sa panganod ug ang ilang mga kaaway nagtan-aw kanila.

Cross References

2 Mga Hari 2:1

Sa diha nga hapit na kuhaon sa Ginoo si Elias pinaagi sa usa ka alimpulos ngadto sa langit, nagpanaw si Elias uban kang Eliseo gikan sa Gilgal.

2 Mga Hari 2:11

Ug sa diha nga sila nagpadayon ug nagsulti, dihay usa ka karwahi nga kalayo ug mga kabayo nga kalayo nga mibulag kanilang duha. Ug si Elias mikayab ngadto sa langit pinaagi sa usa ka alimpulos.

2 Mga Hari 2:5

Ang pundok sa mga propeta nga didto sa Jerico, miduol kang Eliseo ug miingon kaniya, “Nahibalo ba ikaw nga niining adlawa kuhaon sa Ginoo gikan kanimo ang imong agalon?” Ug siya mitubag, “Oo, nahibalo ako niini, paghilom kamo.”

2 Mga Hari 2:7

Ug 50 sa mga anak nga lalaki sa mga propeta nangadto usab ug nagtindog layo kanila samtang silang duha nagtindog duol sa Jordan.

Salmo 112:10

Ang daotan makakita niini ug masuko, magpakagot siya sa iyang mga ngipon ug dayon matunaw; mangahanaw ang tinguha sa mga daotan.

Salmo 15:1

O Ginoo, kinsa man ang magpabilin sa imong Tolda? Kinsa man ang magpuyo sa imong bungtod nga balaan?

Salmo 24:3

Kinsa ang motungas sa bungtod sa Ginoo? Ug kinsa ang motindog sa iyang balaan nga dapit?

Salmo 86:17

Ipakita kanako ang usa ka ilhanan sa imong kaluoy, aron sila nga nagdumot kanako makakita niini ug maulawan, tungod kay ikaw, Ginoo, nagtabang kanako ug naghupay kanako.

Exodo 14:25

Iyang gikuha ang mga ligid sa ilang mga karwahi, aron sila maglisod sa pagpadagan. Unya ang mga Ehiptohanon miingon, “Manibog kita gikan sa atubangan sa Israel kay ang Ginoo nakig-away alang kanila batok sa mga Ehiptohanon.”

Isaias 14:13

Ikaw miingon diha sa imong sa kasingkasing, ‘Ako mokayab ngadto sa langit, ibabaw sa mga bituon sa Dios, ako magpahimutang sa akong trono sa itaas, ako maglingkod sa bungtod nga tigomanan, sa kinatumyang dapit sa amihanan.

Isaias 40:31

apan kadtong naghulat sa Ginoo magbag-o sa ilang kusog, sila manglupad pinaagi sa mga pako sama sa mga agila, sila managan ug dili kapoyon, sila manglakaw ug dili mangaluya.

Isaias 60:8

Kinsa ba kini sila nga nanglupad sama sa panganod, ug sama sa mga salampati ngadto sa ilang mga tamboanan?

Malaquias 3:18

Unya sa makausa pa, inyong mailhan ang kalainan taliwala sa matarong ug sa daotan, taliwala sa nag-alagad sa Dios ug sa wala mag-alagad kaniya.

Lucas 16:23

Ug didto sa Hades, sa nag-antos siya sa mga kasakit, giyahat niya ang iyang mga mata ug iyang nakita si Abraham didto sa layo ug si Lazaro diha sa iyang kiliran.

Mga Buhat 1:9

Human siya makasulti niini, samtang nagtan-aw sila kaniya, gibayaw siya ngadto sa itaas ug gikuha siya sa usa ka panganod gikan sa ilang mga panan-aw.

1 Mga Taga-Tesalonica 4:17

Ug kita nga mga buhi pa nga nahibilin, sakgawon unya ngadto sa mga panganod uban kanila sa pagsugat sa Ginoo diha sa kahanginan. Ug sa ingon niini kita makig-uban na kanunay sa Ginoo.

Gipadayag 12:5

Siya nanganak ug batang lalaki nga mao ang maghari sa tanang kanasoran pinaagi sa bunal nga puthaw, apan ang iyang anak gisakgaw ngadto sa Dios ug ngadto sa iyang trono.

Gipadayag 3:21

Ang magmadaogon tugotan nako sa paglingkod sa akong trono uban kanako, ingon nga ako usab nagmadaogon ug milingkod uban sa akong Amahan diha sa iyang trono.

Gipadayag 4:1

Human niini, mitan-aw ako, ug tan-awa, diha sa langit ang usa ka pultahan nga binuksan! Ug kadtong unang tingog nga akong nadungog nga misulti kanako nga daw trumpeta miingon, “Saka ngari, ug ipakita nako kanimo ang kinahanglang mahitabo human niini.”