Gipadayag 10:3

Ang Biblia 2011

ug siya misinggit sa kusog nga tingog sama sa usa ka liyon nga nagngulob, ug sa pagsinggit niya, mitingog ang pito ka dalugdog.

Cross References

Salmo 29:3

Ang tingog sa Ginoo anaa ibabaw sa katubigan; ang Dios sa himaya nagdahunog, ang Ginoo ibabaw sa daghang katubigan.

Mga Panultihon 19:12

Ang kasuko sa hari sama sa pagngulob sa usa ka liyon, apan ang iyang kahimuot sama sa yamog sa balili.

Isaias 31:4

Kay kini mao ang gisulti sa Ginoo kanako, Ingon nga ang usa ka liyon o ang itoy sa liyon magngulob tungod sa iyang tinukob, ug sa diha nga ang usa ka panon sa mga tigbantay sa karnero tawgon batok kaniya, dili siya mahadlok sa ilang tingog o malisang tungod sa ilang kagahob, mao usab ang Ginoo sa mga panon manaog aron sa pagpakig-away diha sa bukid sa Zion ug sa bungtod niini.

Isaias 42:13

Ang Ginoo mogula sama sa usa ka gamhanan nga tawo, sama sa tawo sa gubat siya mangisog pag-ayo; siya mosinggit, siya mosinggit ug kusog; siya magpakita sa iyang kaugalingon nga kusgan batok sa iyang mga kaaway.

Isaias 5:29

Ang ilang pagngulob sama sa usa ka liyon, sama sa mga batan-on nga liyon sila nagngulob; sila magngulob ug manakop sa ilang tukbonon, dad-on kini nila sa gawas ug walay bisan usa nga makaluwas.

Jeremias 25:30

“Busa ikaw, kinahanglang magpropesiya batok kanila niining tanan nga mga pulong, ug ingna sila: ‘Ang Ginoo mopadahunog gikan sa kahitas-an, ug mobungat sa iyang tingog gikan sa iyang balaang puluy-anan; siya mopadahunog sa iyang tingog batok sa iyang panon ug mosinggit, sama kanila nga naggiok sa mga paras, batok sa tanang nagpuyo sa yuta.

Ezequiel 10:5

Ug ang kanaas sa mga pako sa mga kerubin nadungog bisan pa sa gawas nga hawanan, sama sa tingog sa Dios nga Labing Gamhanan sa diha nga siya mosulti.

Oseas 11:10

Sila mosunod sa Ginoo, nga magngulob sama sa liyon. Oo, siya magngulob, ug ang iyang mga anak mangabot nga magkurog gikan sa kasadpan.

Joel 3:16

Ang Ginoo mipadahunog gikan sa Zion, ug mipatugbaw sa iyang tingog gikan sa Jerusalem, ug ang kalangitan ug ang yuta nangurog. Apan ang Ginoo dalangpanan sa iyang katawhan, usa ka salipdanan alang sa katawhan sa Israel.

Amos 1:2

Ug siya miingon, “Ang Ginoo nagdahunog gikan sa Zion, ug mipalanog sa iyang tingog gikan sa Jerusalem; ang mga sibsibanan sa mga tigbantay sa karnero nagsubo ug ang kinatumyan sa Carmel nalaya.”

Amos 3:8

Ang liyon mingulob na; kinsay dili mahadlok? Ang Ginoong Dios misulti, kinsay makahimo kondili magpropesiya?”

Gipadayag 14:2

Ug nadungog nako ang usa ka tingog gikan sa langit sama sa dahunog sa daghang mga tubig ug sama sa dahunog sa kusog nga dalugdog. Ang tingog nga akong nadungog sama sa tingog sa mga tig-alpa nga nagtugtog sa ilang mga alpa.

Gipadayag 15:1

Ug nakita nako ang laing tilimad-on diha sa langit, dako ug kahibulongan, pito ka anghel nga nagdala sa pito ka katalagman, nga mao ang kataposan, kay pinaagi kanila matapos ang kapungot sa Dios.

Gipadayag 15:7

Ug ngadto sa pito ka anghel gihatag sa usa sa upat ka buhing binuhat ang pito ka bulawang panaksan nga puno sa kapungot sa Dios nga buhi hangtod sa kahangtoran.

Gipadayag 4:5

Gikan sa trono dihay nanggula nga kilat ug mga tingog ug mga dalugdog, ug sa atubangan sa trono adunay nagsiga nga pito ka sulo nga nagdilaab, nga mao ang pito ka espiritu sa Dios,

Gipadayag 8:5

Unya gikuha sa anghel ang sudlanag insenso ug gipuno niya ug kalayo gikan sa halaran, ug kini iyang gilabay ngadto sa kalibotan, ug dihay pagdalugdog, mga kusog nga dahunog, mga pagpangilat ug linog.