Genesis 9:3

Ang Biblia 2011

Ang tanang butang nga naglihok ug buhi mahimong pagkaon alang kaninyo, ug ingon nga gihatag nako kaninyo ang mga lunhawng tanom, gihatag nako kaninyo ang tanan.

Cross References

Genesis 9:2

Ang kahadlok ug ang kalisang kaninyo maanaa sa tanang mananap sa yuta ug sa tanan nga langgam sa kalangitan, sa tanan nga nagkamang sa yuta ug sa tanan nga mga isda sa dagat. Nganha sa inyong kamot gitugyan sila.

Levitico 22:8

Kadtong mamatay sa iyang kaugalingon o gikuniskunis sa bangis nga mananap dili niya kaonon kay kini makahugaw sa iyang kaugalingon. Ako mao ang Ginoo.’

Roma 14:14

Ako nahibalo ug nagtuo gayod diha sa Ginoong Jesus nga walay butang nga hugaw sa iyang kaugalingon, apan kini hugaw alang sa tawo nga naghunahuna nga hugaw kini.

Roma 14:17

Kay ang gingharian sa Dios dili pagkaon o ilimnon, kondili pagkamatarong ug pakigdait ug kalipay diha sa Espiritu Santo.

Roma 14:20

Ayaw gub-a ang buhat sa Dios tungod lang sa pagkaon. Sa pagkatinuod hinlo ang tanang butang, apan dili maayo sa usa ka tawo nga mahimong kapandolan pinaagi sa iyang gikaon.

Roma 14:3

Ang mokaon ug bisan unsa kinahanglang dili magtamay sa dili mokaon, ug ang dili mokaon ug bisan unsa kinahanglang dili maghukom sa mokaon, kay kini siya gidawat man sa Dios.

1 Mga Taga-Corinto 10:23

“Ang tanang butang gitugot,” apan dili ang tanang butang makaayo. “Ang tanang butang gitugot,” apan dili ang tanang butang mopalig-on.

1 Mga Taga-Corinto 10:31

Busa kon mokaon kamo o moinom o magbuhat sa bisan unsa, buhata ninyo kining tanan aron sa paghimaya sa Dios.

Deuteronomio 12:15

“Bisan pa niana, makaihaw kamo ug makakaon sa unod diha sa bisan diin sa inyong mga lungsod kutob sa inyong gitinguha sumala sa panalangin sa Ginoo nga inyong Dios nga iyang gihatag kaninyo. Ang hugaw ug ang hinlo makakaon niini, sama sa unod sa lagsaw ug sama sa unod sa usa.

Mga Taga-Colosas 2:16

Busa ayaw tugoti nga adunay maghukom kaninyo mahitungod sa pagkaon ug pag-inom o mahitungod sa kasaulogan o sa bag-ong subang sa bulan o sa adlaw nga igpapahulay.