Genesis 9:25

Ang Biblia 2011

siya miingon, “Tinunglo si Canaan, mahimo siyang ulipon sa mga ulipon ngadto sa iyang mga igsoon.”

Cross References

Genesis 3:14

Ug ang Ginoong Dios miingon sa bitin, “Tungod kay ikaw nagbuhat niini, tinunglo ikaw labaw sa tanan nga mga kahayopan ug labaw sa tanan nga ihalas nga mga mananap; pinaagi sa imong tiyan magkamang ikaw, ug magkaon ikaw ug abog sa tanan nga mga adlaw sa imong kinabuhi.

Genesis 4:11

Ug karon tinunglo ikaw gikan sa yuta nga mibuka sa iyang baba sa pagdawat sa dugo sa imong igsoon gikan sa imong kamot.

Genesis 49:7

Tinunglo ang ilang kapungot, kay kini pintas, ug ang ilang kaligutgot, kay kini bangis! Bahinon nako sila diha kang Jacob, ug patibulaagon nako sila diha sa Israel.

Genesis 9:18

Ang mga anak nga lalaki ni Noe nga nanggawas gikan sa arka mao sila si Sem, si Ham, ug si Japhet. Si Ham mao ang amahan ni Canaan.

Genesis 9:22

Ug si Ham nga amahan ni Canaan nakakita sa pagkahubo sa iyang amahan, ug siya misugilon sa iyang duha ka igsoon nga didto sa gawas.

Genesis 9:24

Sa dihang nakamata si Noe gikan sa iyang pagkahubog, ug sa pagkahibalo niya sa gibuhat kaniya sa iyang anak nga kamanghoran,

Mateo 25:41

“Unya ang Hari moingon kanila nga diha sa iyang wala, ‘Pahawa gikan kanako, kamong mga tinunglo, ngadto sa kalayong walay kataposan nga gitagana alang sa yawa ug sa iyang mga anghel,

Juan 8:34

Si Jesus mitubag kanila, “Sa pagkatinuod gayod, sultihan ko kamo nga ang tanan nga magpakasala ulipon sa sala.

Deuteronomio 27:16

“ ‘Tinunglo ang dili motahod sa iyang amahan o sa iyang inahan!’ Ug ang tanang katawhan moingon, ‘Amen!’

Deuteronomio 28:18

Matinunglo ang bunga sa inyong lawas ug ang bunga sa inyong yuta, ang tubo sa inyong mga baka ug ang mga nati sa panon sa inyong mga karnero.

Josue 9:23

Busa karon mga tinunglo na kamo, ang uban kaninyo mahimong ulipon sa kanunay, tigputol ug kahoy, tigkalos ug tubig sa balay sa akong Dios.”

Josue 9:27

Ug niadtong adlawa, sila gihimo ni Josue nga mga tigputol ug kahoy ug mga tigkalos ug tubig alang sa katilingban ug alang sa halaran sa Ginoo, sa dapit nga iyang pilion, hangtod niining adlawa.