Genesis 9:21

Ang Biblia 2011

ug miinom siya sa bino ug nahubog siya, ug mihigda nga hubo sulod sa iyang tolda.

Cross References

Genesis 6:9

Kini mao ang mga kaliwat ni Noe. Si Noe usa ka tawo nga matarong ug dili masaway sa iyang panahon. Si Noe nagkinabuhi uban sa Dios.

Genesis 9:20

Ug si Noe nga usa ka mag-uuma, maoy unang nagtanom ug parasan,

Mga Panultihon 20:1

Ang bino tigbugalbugal, ang isog nga ilimnon tighimo ug kasamok, ug si bisan kinsa nga mahisalaag tungod niini dili maalamon.

Ecclesiastes 7:20

Wala gayoy tawo nga matarong ibabaw sa yuta nga nagbuhat ug maayo ug wala magpakasala.

Roma 13:13

Ingon nga anaa sa kahayag, magkinabuhi kita nga ligdong, dili sa pagpatuyang ug sa paghubog, dili sa mga salawayong pakighilawas ug mga kalaw-ayan, dili sa pagpakig-away ug kasina.

1 Mga Taga-Corinto 10:12

Busa, ang naghunahuna nga siya nagbarog angay nga magbantay kay tingali unya ug mapukan siya.

Mga Taga-Galacia 5:21

kasina, paghuboghubog, mapatuyangong hudyaka ug mga butang nga sama niini. Pasidan-an ko kamo sama sa akong pagpasidaan kaninyo kaniadto, nga ang mga nagbuhat sa maong mga butang dili makapanunod sa gingharian sa Dios.

Tito 2:2

Ang gulanggulang nga mga lalaki kinahanglan nga magmapinugnganon sa kaugalingon, magmaligdong, mabuot, lig-on diha sa pagtuo, sa gugma ug sa pagkamapailobon.

Gipadayag 3:18

Busa tambagan ko ikaw nga gikan kanako magpalit ikaw ug bulawan nga gilunsay sa kalayo aron madato ikaw, ug mga puting bisti nga imong ikasul-ob aron dili madayag ang pagkamakauulaw sa imong pagkahubo, ug tambal nga idapat sa imong mga mata aron ikaw makakita.