Genesis 9:16

Ang Biblia 2011

Sa diha nga ang bangaw anaa sa panganod, tan-awon nako kini aron hinumdoman nako ang kasabotan nga dayon tali sa Dios ug sa tanang binuhat nga buhi, sa tanang matang sa unod nga anaa ibabaw sa yuta.”

Cross References

Genesis 17:13

Siya nga natawo sa imong balay ug siya nga inyong pinalit kinahanglang tulion. Ug ang akong kasabotan nga anaa sa inyong unod mahimong usa ka kasabotan nga walay kataposan.

Genesis 17:19

Ug ang Dios miingon, “Dili, apan si Sarah nga imong asawa manganak ug usa ka batang lalaki, ug nganlan siya ug Isaac ug lig-onon nako ang akong kasabotan uban kaniya, usa ka kasabotan nga dayon alang sa iyang kaliwatan sunod kaniya.

Genesis 17:7

Ug himoon nako ang akong kasabotan tali kanako ug kanimo ug sa imong mga kaliwat sunod kanimo sa tanan nilang kaliwatan alang sa usa ka kasabotan nga dayon aron ako mahimong Dios nganha kanimo ug sa imong kaliwatan sunod kanimo.

Genesis 9:17

Busa ang Dios miingon kang Noe, “Kini mao ang timaan sa kasabotan nga akong gihimo tali kanako ug sa tanang unod nga anaa ibabaw sa yuta.”

2 Samuel 23:5

Oo, dili ba ingon niini ang pagbarog sa akong balay uban sa Dios? Kay siya naghimo uban kanako sa usa ka walay kataposan nga kasabotan, maayong pagkahan-ay ug dili mausab. Kay dili ba niya palamboon ang tanan nakong tabang ug tinguha?

Isaias 55:3

Ikiling ang imong igdulungog ug ngari kanako; pamati ug ang imong kalag mabuhi; ug ako magbuhat ug usa ka walay kataposang kasabotan uban kaninyo, ang akong walay paglubad ug kasaligan nga gugma alang kang David.

Jeremias 32:40

Buhaton nako uban kanila ang walay kataposang kasabotan, nga dili ako mobiya sa pagbuhat ug maayo kanila ug akong ibutang ang pagkahadlok kanako diha sa ilang mga kasingkasing, aron dili sila mobiya kanako.

Ezequiel 34:26

Sila ug ang mga dapit nga naglibot sa akong bungtod buhaton nako nga usa ka panalangin, ug akong ipadala ang ulan sa iyang panahon, kini mahimong mga ulan sa panalangin.

Ezequiel 37:26

Maghimo ako ug kasabotan sa pakigdait uban kanila. Kini mahimo nga usa ka kasabotan nga walay kataposan uban kanila, ug panalanginan nako sila ug padaghanon, ug ipahiluna nako ang akong balaan nga puluy-anan sa taliwala nila hangtod sa kahangtoran.

Mga Hebreo 13:20

Karon hinaot nga ang Dios sa kalinaw nga nagbanhaw sa atong Ginoong Jesus, ang dakong magbalantay sa mga karnero, pinaagi sa dugo sa dayon nga kasabotan,