Genesis 8:20

Ang Biblia 2011

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

Cross References

Genesis 13:18

Ug gibalhin ni Abram ang iyang tolda, ug miadto ug gipahimutang kini dapit sa dagkong mga kahoy ni Mamre nga nahimutang sa Hebron ug nagpabarog siya didto ug usa ka halaran alang sa Ginoo.

Genesis 13:4

sa dapit diin sa una nagbuhat siya ug halaran. Ug didto si Abram nagtawag sa ngalan sa Ginoo.

Genesis 22:2

Ug siya miingon, “Kuhaa karon ang imong anak, ang bugtong nimong anak nga si Isaac nga imong pinalangga, ug lakaw ngadto sa yuta sa Moria ug didto ihalad siya ingon nga halad nga sunogon didto sa usa sa mga bukid nga akong isulti kanimo.”

Genesis 22:9

Sa dihang miabot sila sa dapit nga giingon kaniya sa Dios, si Abraham naghimo didto ug usa ka halaran ug gipahiluna niya pag-ayo ang kahoy ug gigapos niya si Isaac nga iyang anak ug gipahimutang niya siya sa halaran, sa ibabaw sa sugnod.

Genesis 26:25

Busa si Isaac nagtukod didto ug usa ka halaran ug mitawag sa ngalan sa Ginoo, ug gipatindog niya didto ang iyang tolda ug ang mga sulugoon ni Isaac nagkalot ug usa ka atabay.

Genesis 33:20

Ug gipatindog niya didto ang usa ka halaran, ug kini ginganlan niya, “Dios, ang Dios ni Israel.”

Genesis 35:1

Unya ang Dios miingon kang Jacob, “Tindog, tungas ngadto sa Betel ug puyo didto, ug pagbuhat ug usa ka halaran alang sa Dios nga nagpakita kanimo sa dihang mikagiw ikaw gikan sa imong igsoon nga si Esau.”

Genesis 35:7

Ug nagtukod siya didto ug usa ka halaran, ug gitawag ang maong dapit ug El-Betel kay didto nagpakita kaniya ang Dios, sa pagkagiw niya gikan sa iyang igsoon.

Genesis 4:4

Ug si Abel nagdala usab sa mga kamagulangan sa iyang mga karnero ug sa mga tambok nga bahin niini ug gitagad sa Ginoo si Abel ug ang iyang halad.

Genesis 7:2

Pagdala ug pito ka parisan sa tanang hinlo nga mananap, ang laki ug ang baye, apan sa mga mananap nga hugaw, usa ka paris lamang, laki ug baye.

Genesis 7:3

Pagdala usab ug pito ka parisan sa mga langgam sa kalangitan, laki ug baye aron sa pagpasanay sa ilang matang sa tibuok kalibotan.

Genesis 8:19

Ang tanan nga mga mananap ug ang tanan nga mga nagkamang ug ang tanan nga mga langgam, ang tanan nga naglihok sa ibabaw sa yuta, sumala sa ilang matang, nanggawas sa arka.

Job 1:5

Ug sa molabay na ang mga adlaw sa ilang mga pagsaulog, si Job magpaadto ug magbalaan kanila, ug mosayo siya pagmata inigkabuntag ug maghalad ug mga halad nga sunogon, sumala sa gidaghanon nilang tanan kay miingon si Job, “Tingali ug nakasala ang akong mga anak, ug nagpasipala sa Dios diha sa ilang mga kasingkasing.” Mao kini ang himoon ni Job sa kanunay.

Exodo 10:25

Apan si Moises mitubag, “Ikaw kinahanglan usab nga magtugot kanamo sa paghalad ug halad nga inihaw, ug mga halad nga sunogon aron kami makahalad ngadto sa Ginoo nga among Dios.

Exodo 29:18

Ug sunoga ang tibuok nga laking karnero ibabaw sa halaran. Mao kini ang halad nga sunogon alang sa Ginoo. Kini maoy usa ka kahumot, ang halad ngadto sa Ginoo pinaagi sa kalayo.

Exodo 29:25

Unya kuhaa kini gikan sa ilang mga kamot ug daobi sa halaran dugang sa halad nga gisunog, ingon nga usa ka kahumot sa atubangan sa Ginoo. Kini usa ka halad pinaagi sa kalayo alang sa Ginoo.

Numeros 7:21

usa ka nating baka nga laki, usa ka laking karnero, usa ka nating karnero nga laki nga usa ka tuig ang kagulangon alang sa halad nga sunogon,

Roma 12:1

Busa naghangyo ako kaninyo mga igsoon, pinaagi sa mga kaluoy sa Dios, sa pagtugyan sa inyong mga lawas isip halad nga buhi, balaan ug makapahimuot sa Dios nga mao ang inyong espirituhanon nga pagsimba.

Mga Hebreo 13:10

Kita adunay usa ka halaran diin ang mga nag-alagad sa tolda walay katungod sa pagkaon.

1 Pedro 2:5

Ug ang inyong kaugalingon usab, ingon nga mga buhi nga bato, ipahimo ninyong espirituhanon nga balay, alang sa balaan nga pagkapari, aron sa paghalad ug espirituhanong mga halad nga kahimut-an sa Dios pinaagi kang Jesu-Cristo.

1 Pedro 2:9

Apan kamo mao ang usa ka pinili nga kaliwat, harianong pagkapari, ang balaan nga nasod, ang katawhan nga iya sa Dios, aron kamo magmantala sa kahibulongang mga buhat niya nga nagtawag kaninyo gikan sa kangitngit ngadto sa iyang katingalahang kahayag.