Genesis 8:19

Ang Biblia 2011

Ang tanan nga mga mananap ug ang tanan nga mga nagkamang ug ang tanan nga mga langgam, ang tanan nga naglihok sa ibabaw sa yuta, sumala sa ilang matang, nanggawas sa arka.

Cross References

Genesis 1:21

Busa gibuhat sa Dios ang dagkong mga mananap sa dagat ug ang tanang buhing binuhat nga naglihok nga milukop sa katubigan, sumala sa ilang mga matang ug ang tanang langgam nga may pako, sumala sa ilang mga matang. Ug nakita sa Dios nga kini maayo.

Genesis 1:24

Unya ang Dios miingon, “Motungha diha sa yuta ang mga buhing binuhat sumala sa ilang mga matang, mga kahayopan, ug mga mananap sa yuta nga nagkamang ug mga ihalas nga mananap sumala sa ilang mga matang.” Ug nahimo kini.

Genesis 8:18

Ug migawas si Noe ug ang iyang mga anak nga lalaki ug ang iyang asawa ug ang mga asawa sa iyang mga anak nga uban kaniya.

Genesis 8:20

Unya si Noe nagbuhat ug usa ka halaran alang sa Ginoo, ug nagkuha siya gikan sa tanan nga mananap nga hinlo ug sa tanan nga langgam nga hinlo ug naghalad siya ug mga halad nga sunogon didto sa halaran.

Genesis 9:10

ug uban sa tanan nga binuhat nga buhi nga anaa uban kaninyo, ang mga langgam, ang mga kahayopan ug ang tanang mananap sa yuta nga anaa uban kaninyo, lakip ang tanan gayod nga migawas sa arka.