Genesis 7:9

Ang Biblia 2011

sa tinagurha, sila nanulod ngadto sa arka ni Noe, laki ug baye, sumala sa sugo sa Dios kang Noe.

Cross References

Genesis 2:19

Ug giumol sa Ginoong Dios gikan sa yuta ang tanang mga mananap sa kapatagan ug ang tanan nga langgam sa kalangitan, ug gidala niya sila ngadto sa tawo aron makita niya kon unsay ingalan niya kanila. Ug ang tanan nga gingalan sa tawo sa mga mananap nga buhi, mao na ang ngalan niini.

Genesis 6:22

Ug kini gibuhat ni Noe, gibuhat niya ang tanan nga gisugo sa Dios kaniya.

Genesis 7:10

Ug unya tapos sa pito ka adlaw, ang mga tubig sa lunop misanap sa ibabaw sa yuta.

Genesis 7:15

Misulod sila ngadto sa arka uban ni Noe sa tinagurha, ang tanan nga unod nga may kinabuhi.

Genesis 7:16

Ug ang mga nanulod, ang laki ug baye sa tanan nga unod, nanulod sumala sa sugo sa Dios kaniya, ug gitak-opan siya sa Ginoo didto sa sulod.

Genesis 7:8

Sa mga mananap nga hinlo ug sa mga mananap nga dili hinlo ug sa mga langgam, ug sa tanan nga nagkamang sa yuta,

Isaias 65:25

Ang lobo ug ang nating karnero magsalo sa pagsibsib, ug ang liyon mokaon sa dagami sama sa torong baka ug ang abog mahimong kan-onon sa bitin. Sila dili magdaot o maglaglag diha sa tibuok nakong bukid nga balaan, nag-ingon ang Ginoo.”

Jeremias 8:7

Bisan ang talabon sa kalangitan nahibalo sa iyang mga panahon; ug ang tukmo, ang sayaw ug ang lapay nagbantay sa panahon sa ilang pag-abot; apan ang akong katawhan wala mahibalo sa tulumanon sa Ginoo.

Mga Taga-Galacia 3:28

Walay Judio o Grego, walay ulipon o gawasnon, walay lalaki o babaye, kay kamong tanan usa ra diha kang Cristo Jesus.

Mga Taga-Colosas 3:11

Diha niini walay Grego o Judio, tinuli o dili tinuli, barbaro, Skityanhon, ulipon o gawasnon, kondili si Cristo mao ang tanan ug anaa sa tanan.