Genesis 7:11

Ang Biblia 2011

Sa ikaunom ka gatos nga tuig sa kinabuhi ni Noe, sa ikaduha nga bulan, sa ikanapulo ug pito nga adlaw sa bulan, niadto gayong adlawa mibuswak ang tanang tinubdan sa dako nga kahiladman ug ang mga tamboanan sa kalangitan nangaabli.

Cross References

Genesis 1:7

Busa gibuhat sa Dios ang wanang ug gilain niya ang katubigan nga diha sa ilalom sa wanang gikan sa katubigan nga diha sa ibabaw sa wanang. Ug nahimo kini.

Genesis 6:17

Ug tan-awa, ako magdala ug baha sa mga tubig nganha sa yuta aron sa paglaglag sa tanang unod nga may kinabuhi ubos sa langit, ang tanan nga anaa sa yuta mangamatay.

Genesis 7:6

Si Noe nagpanuigon ug unom ka gatos sa pag-abot sa lunop sa mga tubig sa ibabaw sa yuta.

Genesis 8:14

Ug sa ikaduhang bulan, sa ika-27 nga adlaw sa bulan nauga na gayod ang yuta.

Genesis 8:2

Ang mga tinubdan sa kahiladman ug ang mga tamboanan sa langit natakpan, ug ang ulan sa langit mituang.

2 Mga Hari 7:19

ang pangulo mitubag sa tawo sa Dios, “Bisan kon ang Ginoo maghimo ug mga tamboanan sa langit, mahimo ba kaha kining butanga?” Ug siya miingon, “Ikaw makakita niana sa imong kaugalingong mga mata, apan dili ikaw makakaon niini.”

2 Mga Hari 7:2

Unya ang pangulo nga maoy sinaligan sa hari miingon sa tawo sa Dios, “Kon ang Ginoo maghimo ug mga tamboanan sa langit, mahitabo kaha kining butanga?” Apan siya miingon, “Ikaw makakita niana sa imong mga mata, apan dili ikaw makakaon niana.”

Job 12:15

Kon siya maghikaw sa katubigan, kini mahubas; kon iya kining paawason, mosanap kini sa kayutaan.

Job 28:4

Magkalot sila ug mga gahong sa walog nga layo sa gipuy-an sa mga tawo; sila nalimtan sa mga magpapanaw, sila nagbitay layo sa katawhan, sila natabyog ngadto-nganhi.

Job 38:16

“Nakaadto ba ikaw sa mga tubod sa dagat, o nakalakaw sa mga bung-aw sa kahiladman?

Job 38:37

Kinsa ba ang makaihap sa mga panganod pinaagi sa kaalam? O kinsa ba ang makakiling sa mga sudlanan ug tubig sa langit,

Salmo 33:7

Gitigom niya ang mga tubig sa dagat sama nga diha sa usa ka tibod; gibutang niya ang mga kahiladman diha sa balay tigomanan.

Salmo 74:15

Imong gipabuswak ang tubod ug ang suba; gipauga nimo ang dagkong mga suba.

Mga Panultihon 3:20

pinaagi sa iyang kahibalo ang mga kahiladman nangaabli, ug ang mga panganod nagpatulo sa tun-og.

Isaias 24:18

Siya nga mikagiw tungod sa tingog sa kalisang, mahulog ngadto sa gahong; ug siya nga mikatkat gikan sa gahong mabitik sa laang. Kay ang mga tamboanan sa langit naabli ug ang mga patukoranan sa yuta nangurog.

Isaias 24:19

Ang yuta nabuak gayod, ang yuta napikas, ang yuta natay-og sa hilabihan.

Jeremias 5:22

Dili ba kamo mahadlok kanako? nag-ingon ang Ginoo; Dili ba kamo mokurog sa akong atubangan? Gibutang nako ang balas ingon nga utlanan alang sa dagat, usa ka babag nga dayon nga kini dili makalabang; bisan ang mga balod moisa, dili kini mopatigbabaw, bisan ug kini modahunog, dili kini makalabang niini.

Jeremias 51:16

Sa dihang mobungat siya sa iyang tingog, adunay dinahunog sa katubigan diha sa kalangitan, ug iyang gipasaka ang mga inalisngaw gikan sa mga kinatumyan sa yuta. Naghimo siya ug mga kilat alang sa ulan, ug gipagula niya ang hangin gikan sa iyang mga tipiganan.

Ezequiel 26:19

“Kay mao kini ang giingon sa Ginoong Dios: Sa diha nga ako maghimo kanimo nga usa ka siyudad nga biniyaan, sama sa mga siyudad nga wala puy-i, sa diha nga pasakaon nako ang kahiladman ibabaw kanimo ug ang dagkong katubigan magtabon kanimo,

Malaquias 3:10

Dad-a ninyo ang tibuok nga ikapulo ngadto sa balay nga tipiganan aron nga adunay pagkaon sa akong balay, ug pinaagi niini sulayi ninyo ako, nag-ingon ang Ginoo sa mga panon, kon dili ba nako buksan kaninyo ang mga tamboanan sa langit ug ibubo nako kaninyo ang nag-awas nga panalangin.

Mateo 24:38

Kay sama niadtong mga adlawa, sa wala pa ang lunop, ang katawhan nangaon ug nanginom, nangasawa ug namana, hangtod sa adlaw nga misulod si Noe sa arka,

1 Mga Taga-Tesalonica 5:3

Sa diha nga ang mga tawo mag-ingon, “Kalinaw ug kasigurohan,” unya sa kalit moabot kanila ang pagkalaglag sama sa kasakit sa babaye nga nagbati, ug sila dili makaikyas.

2 Pedro 3:6

pinaagi niini ang kalibotan nga diha kaniadto gilunopan sa tubig ug nalaglag.