Genesis 6:9

Ang Biblia 2011

Kini mao ang mga kaliwat ni Noe. Si Noe usa ka tawo nga matarong ug dili masaway sa iyang panahon. Si Noe nagkinabuhi uban sa Dios.

Cross References

Genesis 10:1

Kini mao ang mga kaliwat sa mga anak ni Noe nga si Sem, si Ham, ug si Japhet ug kanila nangatawo ang mga anak nga lalaki human sa lunop.

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 2:4

Kini mao ang mga sinugdan sa kalangitan ug sa yuta sa dihang gibuhat kini. Sa adlaw nga gibuhat sa Ginoong Dios ang yuta ug ang langit,

Genesis 48:15

Ug gipanalanginan niya si Jose, ug siya miingon, “Ang Dios nga sa iyang atubangan naglakaw ang akong katigulangan nga si Abraham ug si Isaac, ang Dios nga nagtultol kanako sa tibuok nakong kinabuhi hangtod niining adlawa,

Genesis 5:1

Mao kini ang talaan sa mga kaliwat ni Adan. Sa diha nga gibuhat sa Dios ang tawo, gibuhat niya siya sumala sa dagway sa Dios.

Genesis 5:22

Human maanak kaniya si Metusela, si Enoc nagkinabuhi uban sa Dios sulod sa 300 ka tuig ug may mga anak pa gayod nga lalaki ug babaye.

Genesis 5:24

Si Enoc nagkinabuhi uban sa Dios, ug nahanaw siya kay gikuha siya sa Dios.

Genesis 6:10

Ug si Noe may tulo ka anak nga lalaki: si Sem, si Ham ug si Japhet.

Genesis 7:1

Unya ang Ginoo miingon kang Noe, “Sulod ngadto sa arka, ikaw ug ang tibuok nimong banay kay nakita nako nga ikaw matarong sa akong atubangan niining maong kaliwatan.

2 Samuel 22:24

Walay ikasaway kanako diha sa iyang atubangan ug akong gilikay ang akong kaugalingon gikan sa pagpakasala.

1 Mga Hari 3:6

Ug si Solomon miingon, “Ikaw nagpakita ug dako ug walay paglubad nga gugma ngadto sa imong sulugoon nga si David nga akong amahan tungod kay naglakaw siya sa atubangan nimo diha sa pagkamatinumanon, sa pagkamatarong, sa katul-id sa kasingkasing uban kanimo, ug ikaw nagtagana alang kaniya niining dako ug walay paglubad nga gugma ug naghatag kaniya ug usa ka anak nga lalaki aron molingkod sa iyang trono niining adlawa.

2 Cronicas 15:17

Apan ang mga habog nga dapit wala panguhaa gikan sa Israel, bisan pa niana ang kasingkasing ni Asa putli sa tanan niyang mga adlaw.

2 Cronicas 25:2

Siya nagbuhat sa matarong diha sa mga mata sa Ginoo, apan dili sa usa ka putli nga kasingkasing.

Job 1:1

Dihay usa ka tawo sa yuta sa Uz nga Job ang ngalan. Kining tawhana hingpit ug matarong, mahadlokon sa Dios ug naglikay sa daotan.

Job 1:8

Ang Ginoo miingon kang Satanas, “Nahunahunaan ba nimo si Job nga akong sulugoon nga walay sama kaniya diha sa yuta, walay ikasaway ug matarong nga tawo, mahadlokon sa Dios ug naglikay sa daotan?”

Job 12:4

Ako usa ka kataw-anan sa akong mga higala; ako nga mitawag sa Dios ug siya mitubag kanako, usa ka matarong ug hingpit nga tawo, usa ka kataw-anan.

Salmo 37:37

Timan-i ang tawong dili masaway, ug tan-awa ang matarong, kay ang sangpotanan nianang tawhana kauswagan.

Salmo 37:39

Ang kaluwasan sa mga matarong gikan sa Ginoo; siya mao ang ilang dalangpanan panahon sa kalisdanan.

Mga Panultihon 4:18

Apan ang agianan sa matarong sama sa kahayag sa kaadlawon, nga nag-anam ug kahayag ang pagdan-ag hangtod sa pag-abot sa kabuntagon.

Ecclesiastes 7:20

Wala gayoy tawo nga matarong ibabaw sa yuta nga nagbuhat ug maayo ug wala magpakasala.

Ezequiel 14:14

bisan pa ug kining tulo ka tawo, si Noe, si Daniel ug si Job anaa niini, sila makaluwas lamang sa ilang kaugalingong kinabuhi pinaagi sa ilang pagkamatarong, nag-ingon ang Ginoong Dios.

Ezequiel 14:20

bisan pa ug si Noe, si Daniel ug si Job anaa niini, ingon nga ako buhi, nag-ingon ang Ginoong Dios, sila dili makaluwas sa mga anak nga lalaki o sa mga anak nga babaye, sila makaluwas lamang sa ilang kaugalingong kinabuhi pinaagi sa ilang pagkamatarong.

Habacuc 2:4

Tan-awa, siya nga ang kalag dili matarong diha kaniya mapakyas, apan ang matarong mabuhi pinaagi sa iyang pagtuo.

Lucas 1:6

Silang duha matarong atubangan sa Dios, nagsubay sa tanang kasugoan ug kalagdaan sa Ginoo, walay ikasaway kanila.

Lucas 2:25

Unya didtoy usa ka tawo sa Jerusalem nga ginganlan ug Simeon. Kining tawhana matarong ug may kahadlok sa Dios, nagtinguha sa kalipay sa Israel ug ang Espiritu Santo diha kaniya.

Lucas 23:50

Ug dihay usa ka tawo nga ginganlan ug Jose nga taga-Arimatea, usa ka lungsod sa mga Judio. Siya sakop sa Sanhedrin, maayo ug matarong nga tawo.

Mga Buhat 10:22

Ug sila miingon, “Si Cornelio nga kapitan, nga usa ka tawo nga matarong ug mahadlokon sa Dios, ug namatud-an nga maayo sa tibuok nasod sa mga Judio, gimandoan sa usa ka balaang anghel sa pagpakuha kanimo aron moadto sa iyang balay ug siya mamati sa imong isulti kaniya.”

Roma 1:17

Kay diha niini ang pagkamatarong sa Dios gipadayag pinaagi sa pagtuo ngadto sa pagtuo sumala sa nasulat, “Ang matarong mabuhi pinaagi sa pagtuo.”

Mga Taga-Galacia 3:11

Karon dayag nga walay tawo nga nahimong matarong sa atubangan sa Dios pinaagi sa Balaod, kay “Mabuhi ang matarong pinaagi sa pagtuo.”

Deuteronomio 18:13

Paghingpit kamo sa atubangan sa Ginoo nga inyong Dios.

Mga Hebreo 11:7

Tungod sa pagtuo si Noe, sa napasidan-an siya sa Dios mahitungod sa mga hitabo nga wala pa makita, mitagad sa pasidaan ug iyang gibuhat ang arka alang sa pagluwas sa iyang panimalay. Tungod niini ang kalibotan iyang gihukman sa silot, ug siya nahimong manununod sa pagkamatarong nga pinaagi sa pagtuo.

1 Pedro 2:5

Ug ang inyong kaugalingon usab, ingon nga mga buhi nga bato, ipahimo ninyong espirituhanon nga balay, alang sa balaan nga pagkapari, aron sa paghalad ug espirituhanong mga halad nga kahimut-an sa Dios pinaagi kang Jesu-Cristo.

2 Pedro 2:5

ug kon ang karaang kalibotan wala niya kaluy-i apan giluwas niya si Noe nga magsasangyaw sa pagkamatarong kauban sa pito ka tawo sa diha nga gipalunopan niya kadtong kalibotan sa mga dili diosnon,