Genesis 6:6

Ang Biblia 2011

Ug ang Ginoo nagbasol nga gibuhat niya ang tawo sa yuta ug kini nakapasubo sa iyang kasingkasing.

Cross References

Genesis 6:7

Ug miingon ang Ginoo, “Akong laglagon gikan sa nawong sa yuta ang tawo nga akong gibuhat, tawo ug mananap ug ang mga nagkamang sa yuta ug mga langgam sa kalangitan kay nagbasol ako nga gibuhat ko sila.”

2 Samuel 24:16

Sa gibakyaw na sa anghel ang iyang kamot padulong sa Jerusalem aron sa paglaglag niini, ang Ginoo nasubo sa kadaotan nga nahimo ug miingon sa anghel nga naglaglag sa katawhan, “Igo na kana, ihunong ang imong kamot.” Ug ang anghel sa Ginoo diha dapit sa giokanan ni Arauna nga Jebusihanon.

1 Cronicas 21:15

Ug ang Dios nagpadala sa anghel ngadto sa Jerusalem aron sa paglaglag niini, apan sa diha nga laglagon na unta niya kini, ang Ginoo nakakita ug siya nasubo sa kadaotan, ug miingon siya sa tiglaglag nga anghel, “Igo na kana, karon ihunong ang imong kamot.” Ug ang anghel sa Ginoo nagtindog duol sa giokanan ni Ornan nga Jebusihanon.

Salmo 106:45

Nahinumdom siya sa iyang kasabotan tungod ug alang kanila, ug siya nagmaluluy-on sumala sa kadagaya sa iyang gugmang walay paglubad.

Salmo 110:4

Ang Ginoo nanumpa ug dili mousab sa iyang hunahuna, “Ikaw mao ang pari hangtod sa kahangtoran subay sa laray ni Melkisedek.”

Salmo 119:158

Gitan-aw nako ang mga mabudhion, ug nasubo ako, tungod kay sila wala magtuman sa imong mga sugo.

Salmo 78:40

Sa makadaghan sila misupil batok kaniya didto sa kamingawan, ug mipasubo kaniya didto sa kamingawan!

Salmo 81:13

O mamati unta kanako ang akong katawhan, aron ang Israel maglakaw diha sa akong mga dalan!

Salmo 95:10

Sulod sa 40 ka tuig naugtas ako niadtong kaliwatana ug miingon, “Sila katawhan nga nangasayop sa ilang kasingkasing, ug sila wala magtagad sa akong mga dalan.”

Exodo 32:14

Ug wala ipadayon sa Ginoo ang daotan nga iyang nahunahunaang buhaton ngadto sa iyang katawhan.

Isaias 48:18

O namati pa unta ikaw sa akong mga sugo! Ang imong pakigdait mahisama unta sa usa ka suba, ug ang imong pagkamatarong mahisama sa mga balod sa dagat;

Isaias 63:10

Apan sila misupil, ug nagpaguol sa iyang balaan nga Espiritu; busa siya nahimo nga ilang kaaway, ug siya gayod mao ang nakig-away batok kanila.

Jeremias 18:7

Kon sa bisan unsang taknaa nga ako magpahayag mahitungod sa usa ka nasod, sa usa ka gingharian, nga akong ibton ug lampagon ug laglagon kini,

Jeremias 26:19

Gipatay ba siya ni Hesekias nga hari sa Juda ug sa tibuok Juda? Wala ba siya mahadlok sa Ginoo ug naghangyo sa kaluoy sa Ginoo, ug wala ba bakwia sa Ginoo ang kadaot nga iyang gisulti batok kanila? Apan hapit na kita magdala ug dakong kadaot nganhi sa atong kaugalingon.”

Ezequiel 33:11

Ingna sila, ‘Ingon nga ako buhi, nag-ingon ang Ginoong Dios, ako walay kalipay sa kamatayon sa tawong daotan, apan nga unta motalikod ang daotan gikan sa iyang pamaagi ug mabuhi. Biya kamo, biya gikan sa inyong daotan nga mga pamaagi kay ngano man nga magpakamatay kamo, O balay sa Israel?’

Oseas 11:8

Unsaon man nako pagbiya kanimo, O Ephraim? Unsaon man nako pagsalikway kanimo, O Israel? Unsaon nako paghimo kanimo nga sama sa Adma? Unsaon man nako paghimo kanimo nga sama sa Zeboim? Ang akong kasingkasing nausab sa sulod nako, ang akong kaluoy misamot ka dako.

Joel 2:13

gisia ang inyong mga kasingkasing ug dili ang inyong mga bisti.” Balik kamo sa Ginoo nga inyong Dios, kay siya puno sa grasya ug maluluy-on, hinay sa pagkasuko ug madagayaon sa gugmang walay paglubad, ug nagbasol sa daotan.

Jonas 3:10

Sa dihang nakita sa Dios ang ilang gibuhat, giunsa nila pagtalikod sa ilang daotang pamaagi, ang Dios nasubo mahitungod sa kadaotan nga iyang giingon nga iyang buhaton unta kanila, ug kini wala niya buhata.

Malaquias 3:6

“Kay ako, ang Ginoo, dili mausab, busa kamo, mga anak ni Jacob, wala mapuo.

Numeros 23:19

Ang Dios dili tawo nga siya mamakak, o anak sa tawo nga siya maghinulsol. Nagsulti ba siya ug dili niya kini buhaton? O nagsulti ba siya ug dili niya kini tumanon?

Roma 11:29

Kay ang mga gasa ug ang pagtawag gikan sa Dios dili mabakwi.

Mga Taga-Efeso 4:30

Ug ayaw ninyo pasub-a ang Espiritu Santo sa Dios, nga pinaagi kaniya gipatikan kamo alang sa adlaw sa pagtubos.

Deuteronomio 32:29

Kon maalamon pa sila, makasabot unta sila niini, masabtan unta nila ang ilang kataposan!

Deuteronomio 32:36

Kay ang Ginoo maghatag ug hustisya sa iyang katawhan ug maluoy sa iyang mga sulugoon, sa dihang makita niya nga ang ilang kusog nawala ug walay nahibilin, ulipon o gawasnon.

Deuteronomio 5:29

Aduna pa lamang unta silay hunahuna nga sama niini kanunay, sa pagkahadlok kanako ug sa pagtuman sa tanan nakong mga sugo, aron magmaayo ang ilang kahimtang ug sa ilang mga anak hangtod sa kahangtoran!

Mga Hebreo 3:10

Busa nasuko ako batok niadtong kaliwatana, ug miingon ako, ‘Kanunay silang nangasaag diha sa ilang mga kasingkasing; wala sila mahibalo sa akong mga pamaagi.’

Mga Hebreo 3:17

Ug kinsa man kadtong iyang gikapungtan sulod sa 40 ka tuig? Dili ba kadto mang nagpakasala, nga ang mga patayng lawas nangapukan didto sa kamingawan?

Santiago 1:17

Ang tanang maayong paghatag ug ang tanang hingpit nga gasa gikan sa kahitas-an, gikan sa Amahan sa mga kahayag, kinsa walay pagkausab o anino sa pagkabalhin.

1 Samuel 15:11

“Nasubo ako nga akong gihimo si Saul nga hari kay siya mitalikod gikan sa pagsunod kanako ug wala magbuhat sa akong mga sugo.” Ug si Samuel nasuko ug siya nagtuaw ngadto sa Ginoo sa tibuok nga gabii.

1 Samuel 15:29

Ug usab ang Himaya sa Israel dili magbakak o magbasol kay dili siya usa ka tawo nga kinahanglang magbasol.”

1 Samuel 15:35

Si Samuel wala na makigkita kang Saul pag-usab hangtod sa adlaw sa iyang kamatayon, apan si Samuel nagbangutan tungod kang Saul. Ug ang Ginoo nasubo nga iyang gihimo si Saul nga hari sa Israel.