Genesis 6:4

Ang Biblia 2011

Niadtong mga adlawa ang mga Nefilim diha sa yuta, ug bisan sa panahon human niini, sa dihang ang mga lalaking anak sa Dios misulod ngadto sa mga babayeng anak sa mga tawo, ug sila nanganak alang kanila. Kini mao ang kusgan nga mga tawo sa karaang panahon, ang mga tawo nga bantogan.

Cross References

Genesis 11:4

Unya miingon sila, “Dali, magbuhat kita alang kanato ug usa ka siyudad ug usa ka tore nga ang tumoy mosangko sa langit, ug magbuhat kita alang kanato ug usa ka ngalan kay tingali unya ug nagkatibulaag kita sa tibuok kalibotan.”

Numeros 13:33

Ug didto nakita namo ang Nifilim, ang mga kaliwat ni Anak, kaliwat sa mga higanti ug kami sa among pagtan-aw daw mga dulon lamang ug mao usab kami sa ilang pagtan-aw.”

Numeros 16:2

Ug sila mitindog sa atubangan ni Moises uban sa pipila ka katawhan sa Israel, 250 ka pangulo sa katilingban, mga pinili sa katilingban ug mga tawo nga inila.

Deuteronomio 2:11

Sama sa mga Anakihanon nailhan usab sila nga Refahanon apan ang mga Moabihanon nagtawag kanila ug mga Emihanon.

Deuteronomio 3:11

(Kay si Og lamang nga hari sa Basan maoy nahibilin sa mga salin sa mga Refahanon. Ang iyang lungon usa ka higdaanan nga puthaw, wala ba kini diha sa Raba sa mga Amonihanon? Ang gitas-on niini siyam ka maniko ug ang gilapdon upat ka maniko sumala sa maniko sa lalaki.)

1 Samuel 17:4

May migula nga usa ka bantogan gikan sa kampo sa mga Filistihanon nga ginganlan ug Goliat sa Gat, nga ang gitas-on unom ka maniko ug usa ka dangaw.