Genesis 6:20

Ang Biblia 2011

Sa matag matang sa langgam ug sa matag matang sa mga hayop ug tanang mga butang nga nagkamang sa yuta sumala sa ilang matang, duha sa matag matang, sila mosulod uban kanimo aron mabuhi sila.

Cross References

Genesis 1:28

Ug gipanalanginan sila sa Dios, ug ang Dios miingon kanila, “Sanay kamo ug panaghan, ug lukpa ang yuta ug dumalaha kini ug kamo ang maggahom ibabaw sa mga isda sa dagat, ug sa mga langgam sa kalangitan, ug sa tanan nga buhing binuhat nga naglihok sa ibabaw sa yuta.”

Genesis 2:19

Ug giumol sa Ginoong Dios gikan sa yuta ang tanang mga mananap sa kapatagan ug ang tanan nga langgam sa kalangitan, ug gidala niya sila ngadto sa tawo aron makita niya kon unsay ingalan niya kanila. Ug ang tanan nga gingalan sa tawo sa mga mananap nga buhi, mao na ang ngalan niini.

Genesis 7:3

Pagdala usab ug pito ka parisan sa mga langgam sa kalangitan, laki ug baye aron sa pagpasanay sa ilang matang sa tibuok kalibotan.

Juan 5:40

apan nagdumili kamo sa pagduol kanako aron unta makabaton kamo ug kinabuhi.