Genesis 6:11

Ang Biblia 2011

Ug ang kalibotan nahimong daotan, nagkadunot sa atubangan sa Dios ug ang yuta napuno sa kabangis.

Cross References

Genesis 10:9

Siya mao ang bantogan nga mangangayam sa atubangan sa Ginoo nga tungod niana kini giingon, “Sama kang Nimrod nga bantogang mangangayam sa atubangan sa Ginoo.”

Genesis 13:13

Niadtong panahona ang mga tawo sa Sodoma daotan ug hilabihan gayod ka makasasala batok sa Ginoo.

Genesis 6:10

Ug si Noe may tulo ka anak nga lalaki: si Sem, si Ham ug si Japhet.

Genesis 7:1

Unya ang Ginoo miingon kang Noe, “Sulod ngadto sa arka, ikaw ug ang tibuok nimong banay kay nakita nako nga ikaw matarong sa akong atubangan niining maong kaliwatan.

2 Cronicas 34:27

tungod kay ang imong kasingkasing mahinulsolon ug ikaw nagpaubos sa imong kaugalingon sa atubangan sa Dios sa diha nga nakadungog ikaw sa iyang mga pulong batok niining dapita ug batok sa mga nagpuyo niini ug nagpaubos ikaw sa imong kaugalingon sa akong atubangan, ug naggisi sa imong mga bisti ug mihilak sa akong atubangan, ako usab namati kanimo, miingon ang Ginoo.

Salmo 11:5

Ang Ginoo nagsulay sa matarong ug sa daotan, ug ang iyang kalag nagdumot niadtong nahigugma sa pagpanglupig.

Salmo 140:11

Ayaw palamposa dinhi sa yuta ang mga tigbutangbutang; ipahiagom dayon ang daotan ngadto sa bangis nga tawo!

Salmo 55:9

Laglaga, O Ginoo, liboga ang ilang pinulongan; kay nakita nako ang pagpanlupig ug panag-away diha sa siyudad.

Exodo 32:7

Unya ang Ginoo miingon kang Moises, “Lugsong dayon, kay ang imong katawhan, nga imong gikuha gikan sa yuta sa Ehipto, nagpakasala sa ilang kaugalingon.

Isaias 60:18

Ang kabangis dili na madungog diha sa imong yuta, ang kadaot o kalaglagan sulod sa imong mga utlanan; apan tawgon nimo ang imong mga kuta nga Kaluwasan, ug ang imong mga ganghaan Pagdayeg.

Jeremias 6:7

Ingon nga bag-o kanunay ang tubig sa atabay, gibag-o usab niya kanunay ang iyang pagkadaotan; ang kabangis ug pagpanglaglag nabati diha kaniya; ang balatian ug mga samad anaa kanunay sa akong atubangan.

Ezequiel 28:16

Diha sa kadaghan sa imong patigayon, ikaw napuno sa kabangis, ug ikaw nakasala; busa gisalikway ko ikaw ingon nga butang nga makauulaw gikan sa bukid sa Dios, ug ang kerubin nga tigbantay nag-abog kanimo gikan sa taliwala sa mga bato nga nagsiga.

Ezequiel 8:17

Unya siya miingon kanako, “Nakita ba nimo kini, anak sa tawo? Gamay ba lamang nga butang alang sa balay sa Juda ang pagbuhat sa mga dulumtanan nga ilang gibuhat dinhi, nga gipuno man nila sa kabangis ang yuta ug naghagit pa gayod kanako sa pagkasuko? Tan-awa, ilang gibutang sa ilang ilong ang sanga.

Habacuc 1:2

O Ginoo, hangtod kanus-a ba ako magpakitabang, ug ikaw dili mamati? O magtuaw kanimo, “Pagpanglupig!” ug ikaw dili moluwas?

Habacuc 2:17

Ang kabangis nga gihimo ngadto sa Lebanon maglumos kanimo; ang pagkalaglag sa mga mananap maghadlok kanimo, tungod sa dugo sa katawhan ug sa pagpanglupig nga gihimo diha sa yuta, sa mga siyudad, ug sa tanang nagpuyo niini.

Habacuc 2:8

Tungod kay ikaw nanulis ug daghang mga nasod, ang tanang nahibilin sa mga katawhan manulis kanimo, alang sa dugo sa mga tawo ug sa pagpanlupig nga nahimo diha sa yuta, sa mga siyudad ug sa tanang nagpuyo niini.

Lucas 1:6

Silang duha matarong atubangan sa Dios, nagsubay sa tanang kasugoan ug kalagdaan sa Ginoo, walay ikasaway kanila.

Roma 2:13

Kay dili ang mga namati sa Balaod maoy matarong atubangan sa Dios, kondili ang mga nagtuman sa Balaod mao ang himoong matarong.

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Deuteronomio 31:29

Kay nahibalo ako nga human sa akong kamatayon magbuhat gayod kamo ug daotan ug motipas kamo sa dalan nga akong gisugo kaninyo. Ug moabot kaninyo ang daotan sa umaabot nga mga adlaw tungod kay buhaton ninyo ang daotan diha sa panan-aw sa Ginoo, sa pagpasuko kaniya tungod sa buhat sa inyong mga kamot.”

Mga Maghuhukom 2:19

Apan sa diha nga ang maghuhukom namatay, sila mibalik ug nagbuhat ug labi pang ngil-ad kay sa ilang katigulangan, sa pagsunod sa ilang mga dios, sa pag-alagad kanila ug sa pagyukbo kanila. Sila wala mohunong sa ilang mga buhat o sa ilang pagkagahi.