Genesis 50:5

Ang Biblia 2011

Gipapanumpa ako sa akong amahan, sa pag-ingon, ‘Hapit na ako mamatay; sa akong lubnganan nga akong gikalot alang kanako didto sa yuta sa Canaan, adto nimo ako ilubong.’ Busa karon naghangyo ako, nga paadtoon unta nimo ako aron sa paglubong sa akong amahan ug unya mobalik ako.”

Cross References

Genesis 3:19

Pinaagi sa singot sa imong nawong makakaon ikaw sa pan hangtod nga mobalik ikaw sa yuta tungod kay ikaw gikuha gikan niini; ikaw abog ug sa abog ikaw mobalik.”

Genesis 48:21

Unya si Israel miingon kang Jose, “Tan-awa, hapit na ako mamatay, apan ang Dios mag-uban kaninyo ug siya magpabalik kaninyo ngadto sa yuta sa inyong mga katigulangan.

Genesis 50:24

Ug si Jose miingon sa iyang mga igsoon nga lalaki, “Hapit na ako mamatay apan ang Dios magduaw kaninyo ug magdala kaninyo gikan niining yutaa ngadto sa yuta nga gisaad niya kang Abraham, kang Isaac ug kang Jacob.”

Genesis 50:4

Ug sa nahuman na ang mga adlaw sa pagbangutan alang kaniya, si Jose misulti sa panimalay sa Paraon nga nag-ingon, “Kon ako makakaplag karon ug kaluoy sa inyong mga mata, hangyoon ko kamo, nga isulti ninyo kini sa igdulungog sa Paraon nga mag-ingon,

Genesis 50:6

Ug ang Paraon mitubag, “Lakaw ug ilubong ang imong amahan, sumala sa iyang gipapanumpa kanimo.”

2 Cronicas 16:14

Gilubong nila siya sa lubnganan nga gibuhat niya alang sa iyang kaugalingon didto sa siyudad ni David. Gibutang nila siya sa lungon nga napuno sa nagkalainlaing mga pahumot nga giandam sa mga tigbuhat ug pahumot, ug sila naghimo ug usa ka dako kaayong daob sa pagpasidungog kaniya.

Job 30:23

Ako nasayod nga imo akong dad-on ngadto sa kamatayon, ug ngadto sa balay nga gigahin alang sa tanan nga buhi.

Salmo 79:3

Ilang gipaagas ang ilang dugo sama sa tubig libot sa Jerusalem, ug walay bisan usa nga milubong kanila.

Ecclesiastes 12:5

mangahadlok usab sila niadtong habog, ug ang kalisang anaa sa dalan; ang kahoyng almendras mamulak, ang dulon mag-aginod sa iyang kaugalingon, ug ang tinguha mapakyas tungod kay ang tawo moadto sa iyang pinuy-anan nga dayon, ug ang mga nagbangutan magsuroysuroy sa kadalanan;

Ecclesiastes 12:7

ug ang abog mobalik sa yuta sama kaniadto, ug ang espiritu mobalik ngadto sa Dios nga maoy naghatag niini.

Ecclesiastes 6:3

Kon ang tawo manganak ug usa ka gatos ka bata, ug mabuhi sa daghang mga tuig, nga tungod niana ang mga adlaw sa iyang mga tuig modaghan, apan wala makapahimulos sa mga maayong butang sa kinabuhi ug usab walay lubnganan, ako moingon nga ang pagkatawo sa dili pa panahon maayo pa kay kaniya.

Isaias 22:16

Unsay gibuhat nimo dinhi ug kinsay ania dinhi kanimo, nga ikaw naghikay man dinhi ug usa ka lubnganan, naghikay ug usa ka lubnganan sa ibabaw, ug nagkalot ug usa ka puluy-anan alang sa imong kaugalingon diha sa bato?

Mateo 27:60

ug gipahimutang niya kini sa bag-o nga lubnganan nga iyang kaugalingon nga gipalungag niya diha sa pangpang. Ug iyang giligid ang usa ka dakong bato ug gitabon kini sa pultahan sa lubnganan ug unya milakaw siya.

Deuteronomio 4:22

Apan kinahanglan nga anhi ako mamatay niining yutaa, kinahanglan nga dili ako motabok sa Jordan. Apan kamo motabok ug manag-iya nianang maayong yuta.

1 Samuel 14:43

Unya si Saul miingon kang Jonatan, “Suginli ako kon unsay imong gibuhat.” Ug si Jonatan misulti kaniya, “Ako mitilaw ug diyotay nga dugos sa tumoy sa sungkod nga diha sa akong kamot, ug ania karon ako mamatay gayod.”