Genesis 50:2

Ang Biblia 2011

Ug nagsugo si Jose sa iyang mga sulugoon nga mananambal sa pag-embalsamar sa iyang amahan. Ug ang mga mananambal miembalsamar kang Israel.

Cross References

Genesis 27:41

Busa si Esau nagdumot kang Jacob tungod sa panalangin nga gipanalangin kaniya sa iyang amahan ug miingon siya sa iyang kaugalingon, “Duol na ang mga adlaw sa pagbangutan tungod sa akong amahan, unya patyon nako si Jacob nga akong igsoon.”

Genesis 50:1

Unya si Jose migakos sa nawong sa iyang amahan, ug mihilak alang kaniya, ug mihalok kaniya.

Genesis 50:26

Busa namatay si Jose nga nagpanuigon ug 110 ka tuig. Ug siya giembalsamar nila ug gisulod sa usa ka lungon didto sa Ehipto.

2 Cronicas 16:14

Gilubong nila siya sa lubnganan nga gibuhat niya alang sa iyang kaugalingon didto sa siyudad ni David. Gibutang nila siya sa lungon nga napuno sa nagkalainlaing mga pahumot nga giandam sa mga tigbuhat ug pahumot, ug sila naghimo ug usa ka dako kaayong daob sa pagpasidungog kaniya.

Mateo 26:12

Kay ang iyang pagbubo niining pahumot dinhi sa akong lawas, gihimo niya aron pag-andam kanako alang sa paglubong.

Marcos 14:8

Gibuhat niya ang iyang mahimo, ang akong lawas gihaplasan niyang daan alang sa paglubong.

Marcos 16:1

Sa paglabay sa adlaw nga igpapahulay, si Maria Magdalena ug si Maria nga inahan ni Santiago ug si Salome, namalit ug mga pahumot aron ilang adtoon ug dihogan ang lawas ni Jesus.

Lucas 24:1

Apan sa unang adlaw sa semana, sayo sa kaadlawon, miadto sila sa lubnganan, dinala ang mga pahumot nga ilang giandam.

Juan 12:7

Ug si Jesus miingon, “Pasagdi ninyo siya, pabuhata siya niini alang sa adlaw sa paglubong kanako.