Genesis 5:22

Ang Biblia 2011

Human maanak kaniya si Metusela, si Enoc nagkinabuhi uban sa Dios sulod sa 300 ka tuig ug may mga anak pa gayod nga lalaki ug babaye.

Cross References

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 24:40

Apan siya miingon kanako, ‘Ang Ginoo, nga sa iyang atubangan ako naglakaw, magpadala sa iyang anghel kuyog kanimo ug magpalampos sa imong dalan ug ikaw magkuha ug maasawa alang sa akong anak gikan sa akong kadugo ug gikan sa balay sa akong amahan.

Genesis 48:15

Ug gipanalanginan niya si Jose, ug siya miingon, “Ang Dios nga sa iyang atubangan naglakaw ang akong katigulangan nga si Abraham ug si Isaac, ang Dios nga nagtultol kanako sa tibuok nakong kinabuhi hangtod niining adlawa,

Genesis 5:21

Sa dihang si Enoc nagpanuigon ug 65, siya nahimong amahan ni Metusela.

Genesis 5:23

Busa ang tanang mga adlaw ni Enoc 365 ka tuig.

Genesis 5:24

Si Enoc nagkinabuhi uban sa Dios, ug nahanaw siya kay gikuha siya sa Dios.

Genesis 6:9

Kini mao ang mga kaliwat ni Noe. Si Noe usa ka tawo nga matarong ug dili masaway sa iyang panahon. Si Noe nagkinabuhi uban sa Dios.

1 Mga Hari 2:4

aron tumanon sa Ginoo ang iyang gipamulong mahitungod kanako, nga nag-ingon, ‘Kon ang imong mga anak magmatngon sa ilang dalan, maglakaw nga magmatinumanon sa atubangan nako sa tibuok nilang kasingkasing ug sa tibuok nilang kalag, walay makulang kanimo nga usa ka tawo diha sa trono sa Israel.’

2 Mga Hari 20:3

“Hinumdomi karon, O Ginoo, ako nangamuyo kanimo, giunsa nako paglakaw nga matinud-anon diha sa imong atubangan ug uban sa tibuok nako nga kasingkasing, ug nagbuhat sa maayo diha sa imong panan-aw.” Ug si Hesekias mihilak sa hilabihan.

Salmo 116:9

Maglakaw ako sa atubangan sa Ginoo dinhi sa yuta sa mga buhi.

Salmo 128:1

Bulahan ang tanan nga may kahadlok sa Ginoo, nga naglakaw subay sa iyang mga dalan!

Salmo 16:8

Gipahiluna nako kanunay ang Ginoo diha sa akong atubangan; tungod kay anaa siya sa akong tuong kamot, ako dili matarog.

Salmo 26:11

Apan alang kanako, maglakaw ako diha sa akong kaligdong; luwasa ako ug kaluy-i ako.

Salmo 56:13

Kay giluwas nimo ang akong kalag gikan sa kamatayon, ang akong mga tiil gikan sa pagkahulog, aron ako maglakaw sa atubangan sa Dios diha sa kahayag sa kinabuhi.

Salmo 86:11

Tudloi ako sa imong dalan, O Ginoo, aron ako maglakaw diha sa imong kamatuoran; bug-osa ang akong kasingkasing sa pagkahadlok sa imong ngalan.

Exodo 16:4

Unya ang Ginoo miingon kang Moises, “Tan-awa, magpaulan ako ug pan gikan sa langit alang kaninyo, ug ang katawhan manggula ug manguha matag adlaw ug igo alang sa usa ka adlaw, aron kasulayan nako sila kon magsubay ba sila diha sa akong balaod o dili.

Awit sa mga Awit 1:4

Daniha ako, magdali kita. Ang hari midala kanako ngadto sa iyang mga lawak. Maglipay kita ug magsadya diha kanimo; ibayaw nato ang imong gugma labaw kay sa bino; matarong gayod ang ilang paghigugma kanimo.

Oseas 14:9

Si bisan kinsa nga maalamon makasabot niining mga butanga, si bisan kinsa nga may panabot makahibalo niini. Kay ang mga dalan sa Ginoo matarong ug ang matarong maglakaw subay niini apan ang mga malapason mahisukamod diha niini.

Levitico 26:12

Ug maglakaw ako sa taliwala ninyo ug ako mahimong inyong Dios ug kamo mahimo nga akong katawhan.

Amos 3:3

“Magkakuyog ba sa pagpanglakaw ang duha ka tawo gawas kon sila magkasabot?

Miqueas 4:5

Kay ang tanang mga katawhan maglakaw, ang matag usa sa ngalan sa iyang dios, apan kita maglakaw diha sa ngalan sa Ginoo nga atong Dios hangtod sa kahangtoran.

Miqueas 6:8

Gipakita na niya kanimo, O tawo, kon unsa ang maayo; unsa ba ang gikinahanglan sa Ginoo kanimo kondili ang pagbuhat sa hustisya ug ang gugmang walay paglubad ug ang paglakaw nga mapaubsanon uban sa imong Dios?

Malaquias 2:6

Ang matuod nga pagtudlo anaa sa iyang baba ug walay sayop nga nakita diha sa iyang mga ngabil. Naglakaw siya uban kanako diha sa pakigdait ug sa pagkatul-id ug nagpabiya sa daghan gikan sa kasal-anan.

Lucas 1:6

Silang duha matarong atubangan sa Dios, nagsubay sa tanang kasugoan ug kalagdaan sa Ginoo, walay ikasaway kanila.

Mga Buhat 9:31

Busa ang iglesia sa tibuok Judea ug Galilea ug Samaria nakabaton ug kalinaw ug nalig-on na sila. Ug sa nagpadayon sila diha sa pagkahadlok sa Ginoo ug sa pagdasig sa Espiritu Santo, sila midaghan.

Roma 8:1

Busa sila nga anaa kang Cristo Jesus dili na karon mga hinukman.

1 Mga Taga-Corinto 7:17

Hinuon kinahanglang magkinabuhi ang matag usa sumala sa gibahin sa Dios sa matag usa, sumala sa pagtawag sa Ginoo sa matag usa. Busa ako nagmando diha sa tanang iglesia.

2 Mga Taga-Corinto 6:16

Unsa may gikauyonan sa templo sa Dios ug sa mga diosdios? Kay kita mao ang templo sa Dios nga buhi, sumala sa giingon sa Dios, “Ako mopuyo sa sulod nila ug makig-uban kanila, ug ako mahimong ilang Dios, ug sila mahimong akong katawhan.

Mga Taga-Efeso 5:15

Busa, pagbantay kamo pag-ayo sa inyong pagkinabuhi, dili ingon nga mga walay kaalam kondili ingon nga mga maalamon,

Deuteronomio 13:4

Sunda ninyo ang Ginoo nga inyong Dios ug kahadloki ninyo siya ug tumana ang iyang mga sugo ug pamatia ang iyang tingog, ug pag-alagad kamo kaniya ug ayaw kamo pagbulag kaniya.

Deuteronomio 28:9

Ang Ginoo magtukod kaninyo ingon nga katawhan nga balaan alang sa iyang kaugalingon sumala sa gipanumpa niya kaninyo kon tumanon ninyo ang mga sugo sa Ginoo nga inyong Dios ug maglakaw kamo diha sa iyang mga dalan.

Deuteronomio 5:33

Lakaw kamo diha sa tanang dalan nga gisugo kaninyo sa Ginoo nga inyong Dios, aron mabuhi kamo ug mamaayo ang inyong kahimtang, ug aron mabuhi kamo ug dugay didto sa yuta nga inyong mapanag-iya.

Mga Taga-Colosas 1:10

aron kamo magkinabuhi nga takos sa Ginoo, hingpit nga kahimut-an niya, magmabungahon sa tanang mga maayong buhat ug magtubo sa kahibalo mahitungod sa Dios.

Mga Taga-Colosas 4:5

Pagkinabuhi kamo nga maalamon ngadto sa mga anaa sa gawas, pahimusli ninyo ang panahon.

1 Mga Taga-Tesalonica 2:12

sa pagkinabuhi nga takos sa Dios nga nagtawag kaninyo ngadto sa iyang kaugalingong gingharian ug himaya.

1 Mga Taga-Tesalonica 4:1

Sa kataposan, mga igsoon, kami naghangyo ug nagdasig kaninyo diha sa Ginoong Jesus, sama nga kamo nakakat-on man gikan kanamo unsaon sa pagkinabuhi ug sa pagpahimuot sa Dios, sumala sa inyo nang gibuhat karon, nga unta molabaw pa gayod ang inyong pagbuhat niini.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.