Genesis 49:8

Ang Biblia 2011

Juda, ang imong mga igsoon magdayeg kanimo, ang imong kamot anha sa liog sa imong mga kaaway, ang mga anak sa imong amahan mangyukbo kanimo.

Cross References

Genesis 27:29

Mag-alagad kanimo ang mga katawhan, ug ang mga nasod mangyukbo kanimo. Mahimo ikaw nga agalon sa imong mga igsoon, ug mangyukbo unta kanimo ang mga anak sa imong inahan. Matinunglo unta ang magtunglo kanimo, ug mapanalanginan ang nagpanalangin kanimo!”

Genesis 29:35

Ug nagsamkon siya pag-usab, ug nanganak siya ug usa ka batang lalaki, ug miingon, “Karon magdayeg ako sa Ginoo.” Tungod niini, gitawag niya ang iyang ngalan ug Juda. Unya mihunong siya sa pagpanganak.

Genesis 42:6

Niadtong panahona si Jose maoy gobernador sa yuta, siya mao ang nagbaligya sa pagkaon ngadto sa tanang katawhan sa yuta. Ug ang mga igsoong lalaki ni Jose nangabot, ug miyukbo atubangan kaniya ug ang ilang mga nawong paatubang sa yuta.

Genesis 46:12

Ang mga anak nga lalaki ni Juda: si Er, si Onan, si Sela, si Peres ug si Zera, apan si Er ug si Onan nangamatay didto sa yuta sa Canaan. Ug ang mga anak nga lalaki ni Peres mao si Hesron ug si Hamul.

2 Samuel 22:41

Ikaw naghimo sa akong mga kaaway nga motalikod gikan kanako, kadtong nagdumot kanako, ug gilaglag nako sila.

2 Samuel 24:9

Ug gihatag ni Joab ang gidaghanon sa katawhan ngadto sa hari. Sa Israel adunay walo ka gatos ka libo ka tawo nga isog ug ang mga tawo sa Juda lima ka gatos ka libo.

2 Samuel 5:3

Busa ang tanang mga kadagkoan sa Israel miadto sa hari didto sa Hebron ug si Hari David naghimo ug usa ka kasabotan uban kanila didto sa Hebron sa atubangan sa Ginoo ug sila nagdihog kang David ingon nga hari sa Israel.

1 Cronicas 28:4

Bisan pa niana ang Ginoo, ang Dios sa Israel, nagpili kanako gikan sa tibuok balay sa akong amahan aron mahimo nga hari sa Israel hangtod sa kahangtoran, kay iyang gipili si Juda ingon nga pangulo, ug diha sa balay ni Juda, ang balay sa akong amahan, ug sa mga anak nga lalaki sa akong amahan, iyang gikalipay ang paghimo kanako nga hari sa tibuok Israel.

1 Cronicas 5:2

Bisan pa ug si Juda nahimong gamhanan labaw sa iyang mga igsoon ug naggikan kaniya ang pangulo, ang katungod ingon nga kamagulangan iya kang Jose.)

2 Cronicas 14:8

Si Asa may 300,000 ka sundalo gikan sa Juda nga sangkap sa mga taming ug mga bangkaw ug 280,000 gikan sa Benjamin nga nagdala ug mga taming ug naggamit ug pana; kining tanan mga bantogang tawo sa kaisog.

2 Cronicas 15:9

Ug iyang gitigom ang tibuok Juda ug Benjamin ug kadtong gikan sa Efraim, sa Manases ug sa Simeon nga mipanaw uban kanila, kay daghan kaayo ang miadto kaniya gikan sa Israel, sa pagkakita nila nga ang Ginoo nga iyang Dios nag-uban kaniya.

2 Cronicas 17:2

Ug gibutangan niya ug mga kasundalohan ang tanang mga kinutaang siyudad sa Juda ug gibutangan ug mga sundalo nga tigbantay sa yuta sa Juda ug sa mga siyudad sa Efraim nga nailog ni Asa nga iyang amahan.

2 Cronicas 30:11

Pipila lamang ka tawo sa Aser ug sa Manases ug sa Zabulon ang nagpaubos sa ilang kaugalingon, ug miadto sa Jerusalem.

Salmo 76:1

Sa Juda giila ang Dios, sa Israel bantogan ang iyang ngalan.

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Ezequiel 21:29

samtang makakita sila ug mga bakak nga panan-awon alang kanimo, samtang nanagna sila ug bakak kanimo, aron ipahiluna ngadto sa mga liog sa daotan nga ang adlaw miabot na, panahon sa kataposang silot.

Numeros 1:27

ang naihap gikan sa banay ni Juda 74,600.

Numeros 10:14

Ang bandila sa kampo sa mga kaliwat ni Juda maoy milakaw pag-una sumala sa ilang mga panon ug ang nangulo sa iyang panon mao si Nason, nga anak ni Aminadab.

Numeros 26:20

Ug ang mga kaliwat ni Juda sumala sa ilang mga panimalay mao kini: sa kang Sela, ang panimalay sa mga Selahanon; sa kang Peres, ang panimalay sa mga Pereshanon; sa kang Zera, ang panimalay sa mga Zerahanon.

Numeros 26:22

Kini mao ang mga panimalay ni Juda sumala niadtong mga naihap, 76,500.

Deuteronomio 33:7

Ug kini mao ang iyang gisulti mahitungod kang Juda, “Pamatia, O Ginoo, ang tingog ni Juda ug dad-a siya ngadto sa iyang katawhan. Pinaagi sa imong mga kamot pakigbisog alang kaniya ug tabangi siya batok sa iyang mga kaaway.”

Mga Hebreo 10:13

unya nagpaabot hangtod nga ang iyang mga kaaway himoon nga tumbanan sa iyang mga tiil.

Mga Hebreo 7:14

Kay tin-aw man kaayo nga ang atong Ginoo natawo gikan kang Juda ug mahitungod niining banaya si Moises wala maghisgot ug pagkapari.

Josue 10:24

Sa diha nga gipagula na ang lima ka hari ngadto kang Josue, gipatawag ni Josue ang tanang mga tawo sa Israel ug miingon siya sa mga pangulo sa mga tawo sa panggubatan nga uban kaniya, “Panuol kamo ug ibutang ninyo ang inyong mga tiil ngadto sa mga liog niining lima ka hari.” Unya miduol sila ug gibutang nila ang ilang mga tiil ngadto sa liog sa mga hari.

Josue 15:20

Kini mao ang panulundon sa banay sa katawhan ni Juda sumala sa ilang mga panimalay.

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 5:5

Unya usa sa mga kadagkoan miingon kanako, “Ayaw paghilak, tan-awa, nagmadaogon ang Liyon sa banay ni Juda, ang Gamot ni David, nga tungod niana makahimo siya sa pag-abli sa basahong linukot ug sa pito ka silyo niini.”

Mga Maghuhukom 20:18

Ang katawhan sa Israel nangandam ug nangadto sa Betel, ug nagpakisayod sa Dios, “Kinsa kanamo ang mouna pag-adto aron sa pagpakig-away batok sa mga kaliwat ni Benjamin?” Ug ang Ginoo miingon, “Ang Juda mao ang mouna pag-adto.”