Genesis 49:6

Ang Biblia 2011

O kalag ko, ayaw pag-apil sa ilang panagtigom, O akong espiritu, ayaw pakigtipon kanila, kay sa ilang kapungot gipatay nila ang mga tawo, ug sa ilang pagkamapatuyangon gipamiangan nila ang mga baka.

Cross References

Genesis 34:30

Unya si Jacob miingon kang Simeon ug kang Levi, “Nagdala kamo ug kagubot kanako sa paghimo kanako nga tawong gidumtan sa mga nagpuyo niining yutaa, ang mga Canaanhon ug ang mga Perisihanon. Diyotay ra ang akong mga tawo ug kon sila magtingob batok kanako ug moasdang, malaglag ako, ako ug ang akong panimalay.”

2 Samuel 8:4

Ug nakuha ni David gikan kaniya ang usa ka libo ug pito ka gatos ka tigpangabayo, ug 20,000 ka sundalo nga naglakaw, ug gipamiangan ni David ang tanang mga kabayo sa mga karwahi apan nagbilin ug igo sa usa ka gatos ka karwahi.

1 Cronicas 18:4

Ug si David nagkuha gikan kaniya ug 1,000 ka karwahi, 7,000 ka tigpangabayo, ug 20,000 ka sundalo nga naglakaw ug gipiangan ni David ang tanang mga kabayo sa karwahi apan nagbilin ug igo alang sa usa ka gatos ka karwahi.

Salmo 1:1

Bulahan ang tawo nga wala maglakaw subay sa tambag sa mga daotan, o magtindog diha sa dalan sa mga makasasala, o maglingkod sa mga lingkoranan sa mga mayubiton;

Salmo 103:1

Dayega ang Ginoo, O akong kalag; ug ang tanan nga ania sa sulod nako, dayega ang balaan niyang ngalan!

Salmo 139:19

O pamatyon unta nimo ang mga daotan, O Dios, ug ang mga tawo nga giuhaw sa dugo magpalayo unta kanako,

Salmo 16:9

Busa nagmaya ang akong kasingkasing ug naglipay ang akong kalag; ang akong lawas magpuyo usab nga layo sa kakuyaw.

Salmo 26:9

Ayaw ako itipon sa mga makasasala, o ang akong kinabuhi uban sa mga tawo nga uhaw sa dugo,

Salmo 28:3

Ayaw ako ug kuhaa uban sa mga daotan, uban sa mga tigbuhat ug daotan, nga nagsulti ug pakigdait sa ilang isigkatawo, apan ang pagkadaotan anaa sa ilang mga kasingkasing.

Salmo 30:12

aron nga ang akong kalag mag-awit ug pagdayeg kanimo, ug dili magpakahilom. O Ginoo nga akong Dios, magpasalamat ako kanimo hangtod sa kahangtoran.

Salmo 42:11

Ngano nga nagsubo man ikaw, O akong kalag, ug nganong nahasol man ikaw sa sulod nako? Laom sa Dios; kay magdayeg ako pag-usab kaniya, ang akong magtatabang ug akong Dios.

Salmo 42:5

Ngano nga nagsubo man ikaw, O akong kalag, ug nganong nahasol man ikaw sa sulod nako? Laom sa Dios; kay magdayeg ako pag-usab kaniya, akong magtatabang

Salmo 43:5

Ngano nga nagsubo man ikaw, O akong kalag, ug ngano nga nahasol ikaw sa sulod nako? Laom sa Dios; kay magdayeg ako pag-usab kaniya, akong magtatabang ug akong Dios.

Salmo 5:10

Hukmi sila nga sad-an, O Dios; ipalaang sila sa ilang kaugalingong laraw; tungod sa kadaghan sa ilang mga kalapasan isalikway sila, kay misupil man sila batok kanimo.

Salmo 57:8

Pagmata, akong kalag! Pagmata, O alpa ug lira! Akong pukawon ang kabuntagon!

Salmo 64:2

Tagoa ako gikan sa tinago nga laraw sa mga daotan, gikan sa kagubot sa mga tigbuhat ug daotan,

Mga Panultihon 1:11

Kon sila moingon, “Uban kanamo, mangatang kita aron sa pag-ula ug dugo, atong patyon sa walay kukaluoy ang walay sala;

Mga Panultihon 12:5

Ang mga hunahuna sa matarong husto; ang mga tambag sa daotan malimbongon.

Jeremias 15:17

Ako wala molingkod kauban sa mga naghudyaka, ako wala maglipay; ako milingkod nga nag-inusara kay ang imong kamot diha ibabaw kanako, kay ako gipuno nimo sa kaligutgot.

Jeremias 4:19

Ang akong kaguol, ang akong kaguol! Naglimbaglimbag ako sa kasakit! Daw mapikas ang akong kasingkasing! Ang akong kasingkasing gikulbaan pag-ayo; dili ako makahimo sa paghilom; kay akong nadungog ang tingog sa trumpeta, ang pasidaan alang sa gubat.

Lucas 12:19

Ug unya moingon ako sa akong kalag, Kalag ko, ikaw adunay daghang kabtangan nga gitagana alang sa daghang katuigan. Pagpahayahay, kaon, inom ug paglipay.’

2 Mga Taga-Corinto 6:14

Ayaw kamo pagpakighiusa uban sa dili magtutuo. Kay unsa may anaa sa panag-abin sa pagkamatarong ug sa pagkadaotan? O unsa may panag-ambitan sa kahayag ug sa kangitngit?

Deuteronomio 27:24

“ ‘Tinunglo ang mopatay sa iyang isigkatawo sa hilom.’ Ug ang tanang katawhan moingon, ‘Amen!’

Josue 11:9

Ug gibuhat ni Josue ngadto kanila ang gisugo sa Ginoo kaniya. Iyang gipamiangan ang ilang mga kabayo ug gisunog sa kalayo ang ilang mga karwahi.

Mga Maghuhukom 5:21

Ang sulog sa Kison mianod kanila, ang naghasmag nga sulog, ang sulog sa Kison. Lakaw, akong kalag, uban ang kalig-on!