Genesis 49:4

Ang Biblia 2011

Dili mahimutang sama sa tubig; dili ikaw mahimong pangulo, kay misaka ikaw sa higdaanan sa imong amahan, unya gihugawan nimo kini, gisaka nimo ang akong higdaanan.

Cross References

Genesis 35:22

Samtang nagpuyo si Israel niadtong yutaa, si Ruben misulod ug mihigda uban kang Bilha nga puyopuyo sa iyang amahan ug nadunggan kini ni Israel. Ang mga anak nga lalaki ni Israel napulo ug duha.

Genesis 46:8

Ug kini mao ang mga ngalan sa mga kaliwat ni Israel nga miadto sa Ehipto, si Jacob ug ang iyang mga anak nga lalaki. Si Ruben ang kamagulangan ni Jacob,

1 Cronicas 5:1

Ang mga anak nga lalaki ni Ruben, ang kamagulangan ni Israel (kay siya ang unang natawo, apan tungod kay iyang gihugawan ang higdaanan sa iyang amahan, ang iyang katungod ingon nga kamagulangan gihatag ngadto sa mga anak nga lalaki ni Jose nga anak ni Israel mao nga wala siya malista sa listahan sa kagikan sumala sa katungod ingon nga kamagulangan.

1 Mga Taga-Corinto 5:1

Gibalita gayod nga adunay salawayong pakighilawas diha kaninyo, kanang pakighilawas nga bisan sa mga Gentil wala mahitabo, nga adunay nakigpuyo sa asawa sa iyang amahan.

Deuteronomio 27:20

“ ‘Tinunglo ang makighilawas sa asawa sa iyang amahan kay nagpakaulaw siya sa iyang amahan!’ Ug ang tanang katawhan moingon, ‘Amen!’

Deuteronomio 33:6

“Himoa nga mabuhi si Ruben ug dili mamatay o dili unta magkadiyotay ang iyang kalalakin-an.”

Deuteronomio 5:21

“ ‘Ayaw usab kamo kaibog sa asawa sa inyong isigkatawo ug ayaw tinguhaa ang pag-angkon sa balay sa inyong isigkatawo o sa iyang yuta o sa iyang sulugoong lalaki o sa iyang sulugoong babaye o sa iyang baka o sa iyang asno o sa bisan unsang butang nga iya sa inyong isigkatawo.’

2 Pedro 2:14

Sila may mga mata nga puno sa pagpanapaw ug dili matagbaw sa sala. Nagtintal sila sa mga tawong huyang. Sila adunay mga kasingkasing nga naanad sa kahakog, kaliwatan sila nga tinunglo!

2 Pedro 3:16

nagsulti mahitungod niini sumala sa iyang gihimo diha sa tanan niyang mga sulat. Sa maong mga sulat dihay mga butang nga lisod sabton, nga sa mga walay kahibalo ug sa mga libog gituis sama sa gibuhat usab nila sa ubang kasulatan, ngadto sa ilang kaugalingong pagkalaglag.