Genesis 49:3

Ang Biblia 2011

Ruben, ikaw mao ang akong kamagulangan, ang akong kalig-on ug ang unang bunga sa akong kusog, nag-una sa dungog, nag-una sa gahom.

Cross References

Genesis 29:32

Ug nagsamkon si Lea ug nanganak siya ug usa ka batang lalaki, ug ginganlan niya siya ug Ruben kay miingon siya, “Nakita sa Ginoo ang akong kasakit, karon mahigugma na gayod kanako ang akong bana.”

Genesis 35:22

Samtang nagpuyo si Israel niadtong yutaa, si Ruben misulod ug mihigda uban kang Bilha nga puyopuyo sa iyang amahan ug nadunggan kini ni Israel. Ang mga anak nga lalaki ni Israel napulo ug duha.

Genesis 35:23

Ang mga anak ni Lea: si Ruben nga kamagulangan ni Jacob, si Simeon, si Levi, si Juda, si Isacar ug si Zabulon.

Genesis 46:8

Ug kini mao ang mga ngalan sa mga kaliwat ni Israel nga miadto sa Ehipto, si Jacob ug ang iyang mga anak nga lalaki. Si Ruben ang kamagulangan ni Jacob,

Genesis 48:18

Ug miingon si Jose sa iyang amahan, “Dili kana mao, amahan ko, kay kini mao ang kamagulangan, ibutang ang imong tuong kamot sa ibabaw sa ulo niya.”

1 Cronicas 2:1

Mao kini ang mga anak nga lalaki ni Israel: si Ruben, si Simeon, si Levi, si Juda, si Isacar, si Zabulon,

1 Cronicas 5:1

Ang mga anak nga lalaki ni Ruben, ang kamagulangan ni Israel (kay siya ang unang natawo, apan tungod kay iyang gihugawan ang higdaanan sa iyang amahan, ang iyang katungod ingon nga kamagulangan gihatag ngadto sa mga anak nga lalaki ni Jose nga anak ni Israel mao nga wala siya malista sa listahan sa kagikan sumala sa katungod ingon nga kamagulangan.

1 Cronicas 5:3

Ang mga anak nga lalaki ni Ruben nga kamagulangan ni Israel: si Hanoc, si Pallu, si Hesron, ug si Carmi.

Salmo 105:36

Gipamatay niya ang tanang panganay diha sa ilang yuta, ang sinugdan sa tibuok nilang kusog.

Salmo 78:51

Gipamatay niya ang tanang mga panganay didto sa Ehipto, ang mga unang bunga sa ilang kusog didto sa mga tolda ni Ham.

Ezequiel 48:6

Kasikbit sa kayutaan ni Efraim, gikan sa silangang bahin ngadto sa kasadpan, usa ka bahin alang kang Ruben.

Numeros 1:20

Ang mga kaliwat ni Ruben nga kamagulangan ni Israel, sa ilang mga kaliwatan, sumala sa ilang mga panimalay, sumala sa mga banay sa ilang katigulangan, sumala sa gidaghanon sa mga ngalan, ang matag ulo, ang matag lalaki, ang matag lalaki nga nagpanuigon ug 20 ug pataas, ang tanan nga makahimo sa pag-adto sa panggubatan:

Numeros 26:5

Si Ruben, ang kamagulangan ni Israel, ang mga kaliwat ni Ruben: sa kang Hanok, ang panimalay sa mga Hanokanon; sa kang Palu, ang panimalay sa mga Paluhanon;

Deuteronomio 21:17

Apan kinahanglang ilhon niya ang kamagulangan, ang anak sa wala higugmaa pinaagi sa paghatag kaniya ug duha ka bahin sa tanan nga anaa kaniya kay siya mao ang sinugdan sa iyang kusog, ang katungod sa pagkapanganay iya.

Deuteronomio 27:13

Ug kini sila mobarog sa ibabaw sa bukid sa Ebal alang sa pagtunglo: si Ruben, si Gad, si Aser, si Zabulon, si Dan ug si Neftali.

Deuteronomio 33:6

“Himoa nga mabuhi si Ruben ug dili mamatay o dili unta magkadiyotay ang iyang kalalakin-an.”

Gipadayag 3:14

“Ug ngadto sa anghel sa iglesia sa Laodicea, isulat kini: ‘Mao kini ang mga pulong sa Amen, ang kasaligan ug tinuod nga saksi, ang sinugdanan sa mga binuhat sa Dios: